ماجىلىسمەندەر بايدىبەك اۋدانىنىڭ شارۋا قوجالىقتارىنىڭ باسشىلارى, جەكە كاسىپكەرلەر جانە ستۋدەنتتەرمەن كەزدەستى.
كەزدەسۋلەر بارىسىندا دەپۋتاتتار تۇڭعىش پرەزيدەنت – ەلباسى نۇرسۇلتان نازارباەۆتىڭ Nur Otan پارتياسىنىڭ XVIII سەزىندە بەرگەن تاپسىرمالارىن جۇزەگە اسىرۋ بويىنشا نەگىزگى باعىتتار مەن مىندەتتەر جانە پارتيانىڭ الەۋمەتتىك جوبالارى تۋرالى ايتىپ بەردى.
ماجىلىستەگى زاڭ شىعارۋ قىزمەتى تۋرالى تانىستىرىپ, پالاتادا ماقۇلدانعان بipقاتاp زاڭ جوباسى ەلiمiزدe ءومip ءسۇرۋ دeڭگeيiن ساپالى ارتتىرۋ مەن وڭىرلەردى دامىتۋعا باعىتتالعانىن اتاپ ءوتتى.
ءوز كەزەگىندە ءوڭىر تۇرعىندارى حالىق قالاۋلىلارى الدىندا وزەكتى الەۋمەتتىك ماسەلەلەردى كوتەردى. اتاپ ايتقاندا, اۋىل شارۋاشىلىعىن دامىتۋ, جاستاردى قولداۋ, ەلدى مەكەندەردى گازبەن جابدىقتاۋ, تۇرعىن ۇيمەن قامتاماسىز ەتۋ, جۇمىسپەن قامتۋ, مۇعالىمدەردىڭ مارتەبەسىن كوتەرۋ, نەسيە بەرۋدىڭ قولجەتىمدىلىگىن قامتاماسىز ەتۋ, جەكە تۇرعىن ءۇي قۇرىلىسى ءۇشىن جەر ۋچاسكەلەرىن ءبولۋ, زەينەتكەرلىككە شىعۋ جاسىن تومەندەتۋ, مەديتسينالىق قىزمەتتەرگە, اسىرەسە, اۋىلداردا جەدەل مەديتسينالىق جاردەمگە قولجەتىمدىلىك, الەۋمەتتىك جاردەماقىلار, ونىڭ ىشىندە مەملەكەتتىك اتاۋلى الەۋمەتتىك كومەككە قول جەتكىزۋ ماسەلەسى جانە باسقا دا ماسەلەلەر.
شارۋا قوجالىقتارى باسشىلارىمەن كەزدەسۋى بارىسىندا دەپۋتاتتار جەرگىلىكتى قيار مەن قىزاناق وندىرەتىن كاسىپورىنعا باردى. ونىمدىلىگى 120 توننا كوكونىس وندىرەتىن كاسىپورىن ءوز جۇمىسىن 2014 جىلى باستادى. سودان بەرى تۇركىستان وبلىسى شىمكەنت قالاسى جانە بايدىبەك اۋدانىن قىس مەزگىلىندە قيار جانە قىزاناقپەن قامتاماسىز ەتىپ وتىر. جوسپاردا جەرگىلىكتى جۇمىسشىلاردىڭ قۇرامىن كوبەيتۋ, ولاردى جوعارى تەحنولوگيالىق قۇرال-جابدىقتارمەن وقىتۋ جانە ءوندىرىس كولەمىن ارتتىرۋ كوزدەلگەن.
سونداي-اق دەپۋتاتتار نۇرتاي سابيليانوۆ پەن شاۆحات وتەمىسوۆ ارىس قالاسىندا تەمىرجولشىلارمەن كەزدەستى جانە كۇن ەلەكتر ستانساسىنىڭ قۇرىلىسىمەن تانىستى.
كەزدەسۋلەردى قورىتىندىلاي كەلە, پارلامەنتشىلەر سايلاۋشىلاردىڭ كوتەرگەن ماسەلەلەرى مەن پىكىر-ۇسىنىستارى دەپۋتاتتىق كورپۋس تاراپىنان ەسكەرىلەتىنىن مالىمدەدى.
