ايماقتار • 06 مامىر، 2019

تۇركىستان وبلىسىنىڭ ونىمدەرى تاتارستانعا ەكسپورتتالادى

808 رەت كورسەتىلدى

«Mariana-Region» جشس كوتەرمە-بولشەك ساۋدا كومپانياسى تۇركىستان وبلىسىنان ايىنا 500-600 مىڭ توننا كوكونىس ساتىپ الۋدى جوسپارلاپ وتىر.


تاتارستاندىق كاسىپكەرلەردى تۇركىستان وڭىرىنە باستاپ كەلگەن  سەرىكتەستىك باسشىسى ميناتۋللا حاسانگۋسەينوۆتىڭ ايتۋىنشا، كومپانيا «Magnit» جانە «X5 Retail Group» سياقتى بولشەك ساۋدا جەلىلەرىنە جەمىستەر مەن كوكونىستەردى جەتكىزۋمەن اينالىسادى. كومپانيانىڭ جىلدىق تاۋار اينالىمى 1 ميلليارد رۋبلدەن اسادى ەكەن.

تۇركىستان وبلىسى اكىمىنىڭ ورىنباسارى م.مىرزاليەۆ قوناقتارمەن ورداباسى اۋدانىنداعى «ادەل» جىلىجايىندا ىسكەرلىك كەزدەسۋ وتكىزىپ، ەكى جاقتى ءتيىمدى سەرىكتەستىك ورناتۋعا جانە وبلىس اكىمدىگى تاراپىنان ءتيىستى شارالاردى قولعا الۋعا دايىن ەكەنىن جەتكىزدى. وڭىردە ەكولوگيالىق تازا ونىمدەردى كوپ مولشەردە جەتكىزۋگە مۇمكىندىك مول. كاسىپكەرلەر ءۇشىن جۇمىس ىستەيتىن 24/7 call-ورتالىعى ارقىلى كەز-كەلگەن ماسەلە شەشىلىپ وتىرادى. ءوز كەزەگىندە «Mariana-Region» جشس باسشىسى م.گاسانگۋسەينوۆ تۇركىستان وبلىسىمەن ارىپتەستىك بايلانىس ورناتۋ ايتارلىقتاي وڭ ناتيجەلەرگە جەتكىزەتىنىن اتاپ ءوتتى. وڭىردە حالىقارالىق ساۋداعا وتە قولايلى جاعدايدىڭ جاسالعانىن جەتكىزدى. كومپانيا وكىلدەرى رەسەي فەدەراتسياسىنا كوكونىستەر تاسىمالداۋ اياسىن كەڭەيتۋ جانە تۇركىستان وبلىسىنىڭ شارۋالارىمەن ىسكەرلىك بايلانىس ورناتقىسى كەلەتىندەرىن ءبىلدىردى. تاراپتار كوكونىستەردىڭ ساپاسى مەن ءونىم ءتۇرىن ساقتاي وتىرىپ، كەپىلدەندىرىلگەن كولەمدى ۇزدىكسىز جەتكىزۋدى قامتاماسىز ەتۋ ماقساتىندا اقپارات الماسىپ وتىرۋعا ۋاعدالاستى.

سونداي-اق تاتارستاندىق كاسىپكەرلەر وڭىردەگى بىرقاتار شارۋا قوجالىقتاردى ارالاپ، ونداعى جىلىجاي كەشەندەرمەن تانىستى. قازىرگى تاڭدا لوگيستيكالىق جانە ەكسپورتتالاتىن ونىمدەردى ساقتاۋ شارتتارىنا قاتىستى ماسەلەلەر شەشىلۋدە. «KazakhExport» باسقارۋشى ديرەكتور - رۋسلان تولەگەنوۆ كاسىپكەرلەرگە ءتيىستى كومەك كورسەتۋگە دايىن ەكەندىگىن جەتكىزدى.



سوڭعى جاڭالىقتار

ەڭبەكتىڭ ەلەنگەنى جاقسى

پىكىر • بۇگىن، 20:33

«رولان گارروس» باستالدى

سپورت • بۇگىن، 20:26

ءالجاننىڭ كىسە بەلبەۋى

تاريح • بۇگىن، 20:23

ۇقساس جاڭالىقتار