ايماقتار • 06 مامىر، 2019

پاۆلودار وبلىسىندا ءسۇت فەرمالارى اشىلدى

818 رەتكورسەتىلدى

وڭىردە وندىرىلەتىن ءسۇتتىڭ 80 پايىزى جەكە قوسالقى شارۋاشىلىقتارعا تيەسىلى.

مىسالى، تەرەڭكول اۋدانىنداعى «استىق-پۆ» جشس-دا ءسۇت فەرماسى جۇمىس جاسايدى. سۋارمالى القاپتارى ىسكە قوسىلىپ، سۋ مۇناراسى سالىنعان.

شارۋاشىلىق «اگرارلىق نەسيە كورپوراتسياسى» اق ارقىلى نەسيە الىپتى. مەملەكەت تاراپىنان سۋبسيديا دا قاراستىرىلعان.

ءاربىر باس سيىر ءۇشىن 225 مىڭ تەڭگە كولەمىندە كومەك قارجىسى بەرىلەدى. وسىلايشا، ءسۇت فەرماسىنا چەحيا ەلىنەن سيممەنتال تۇقىمداس 700 باس سيىر اكەلگەن.

شارۋاشىلىق باسشىسى اباي ورازىمبەتوۆتىڭ ايتۋىنشا، جوبانىڭ جالپى قۇنى - 1،2 ملرد تەڭگە. تاۋارلى ءسۇت فەرماسىنىڭ جۇمىسى اۆتوماتتاندىرىلعان. مال تۇراتىن ورىنداردا اۋا اۆتوماتتى جۇيە ارقىلى رەتتەلىپ وتىرادى. اۋا تازارتۋ قۇرىلعىلارى دا ورناتىلعان.

قازىرگى كەزدە شارۋاشىلىق ءسۇت تاسىمالداۋشى جانە ءسۇتتى سالقىنداتاتىن قۇرىلعىلاردى ىسكە قوسۋدا. ەندى كۇن سايىن ساۋىلاتىن ءسۇتتى ەسەپتەۋدىڭ ەلەكتروندى جۇيەسى ەنگىزىلمەك.

ءسۇت فەرماسى ورنالاسقان جاڭابەت اۋىلىندا 1 مىڭعا جۋىق تۇرعىن بار.             

اۋىلدا 22 اۋىل شارۋاشىلىق سەرىكتەستىكتەرى جۇمىس ىستەيدى. تۇرعىندار تۇگەل وسى شارۋاشىلىقتاردا ەڭبەك ەتۋدە.

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار