- شتاب قۇرامىنا بەلگىلى قوعام قايراتكەرلەرى مەن ينتەللەگەنتسيا, مادەنيەت, ءبىلىم, مەديتسينا جانە تاعى دا باسقا سالالاردىڭ وكىلدەرى مەن پارتيانىڭ ارداگەرلەرى مەن جەتەكشىلەرى كىردى. بۇل ءبىزدىڭ سايلاۋشىلارىمىزدىڭ ۇلكەن قۇرمەتى مەن سەنىمىنە يە بولعان وبلىس پەن ەلدەگى ەڭ تانىمال جانە بەدەلدى ادامدار. سونداي-اق پارتيانىڭ بەلسەندىلەرى مەن جاقتاستارىنىڭ قولداۋىمەن قالالىق جانە 12 اۋداندىق شتابتار قۇرىلىپ, وعان 500 - دەن استام ادام كىردى, - دەدى ول.
وسى جولى العاش رەت شتاب جانىنان جاستار قاناتى قۇرىلعان. ولار ءوز قۇرداستارى اراسىندا بەلسەندى ۇگىت-ناسيحات جۇمىستارىن جۇرگىزەدى. وبلىستىق قوعامدىق شتاب «Nur Otan» پارتياسىنىڭ وبلىستىق فيليالىنىڭ عيماراتىندا ورنالاسقان. شتاب ۇگىت-ناسيحات جۇمىسىن 11 مامىر كۇنى ساعات 18:00-دەن باستايدى. سونىمەن قاتار قوعامدىق قابىلداۋ بولمەلەرى جۇمىس ىستەيدى. وعان وبلىس تۇرعىندارى ءوز ءوتىنىش-تىلەكتەرىمەن جۇگىنە الادى.
- ءبىز سايلاۋ ءادىل باسەكەلەستىك تۇردە وتەتىنىنە سەنىمدىمىز. سەنىمدى وكىلدەرىمىز سايلاۋالدى ۇگىت-ناسيحات جۇمىستارىن جۇرگىزىپ, جەرگىلىكتى جەرلەردە ءبىزدىڭ كانديداتتىڭ مۇددەسىن بىلدىرەتىن بولادى. بۇل الدىڭعى قاتارلى جانە دايارلانعان پارتيالىقتار توبى - جەرگىلىكتى 1284 ادام. پارتيا ءوز كۇشىنە جانە سايلاۋشىلارىمىزدىڭ قولداۋىنا سەنەدى. ءبىز جۇمىسىمىزدا سايلاۋ ناۋقانىن جۇرگىزۋدىڭ ساياسي تەحنيكاسى مەن الەۋمەتتىك جەلىلەردىڭ ارتىقشىلىقتارىن بەلسەندى پايدالانامىز, - دەپ اتاپ ءوتتى ءسانيا قالدىعۇلوۆا.
