بيىل, سونداي-اق قاسقاسۋ اۋىل وكرۋگىنەن قۇنى 500 ملن تەڭگەگە «SAIRAM SU resort» 100 ورىندىق دەمالىس ورنى مەن قوعالى اۋىل وكرۋگىندە قۇنى 100 ملن تەڭگەگە ساۋمال-ساۋىقتىرۋ كەشەنى اشىلاتىن بولادى. ال الاتاۋ اۋىل وكرۋگىندە قۇنى 150 ملن تەڭگەگە «تاڭسۇلۋ» دەمالىس ايماعىنىڭ قۇرىلىسى, كەمەقالعان اۋىل وكرۋگىندە قۇنى 150 ملن تەڭگەگە «الما-تاۋ» دەمالىس ايماعىنان قوسىمشا قۇرىلىس نىساندارىن سالۋ جۇمىستارى جۇرەدى.
تۇرعىندار سالىنىپ جاتقان اسفالت زاۋىتىنىڭ اۋدان اۋماعىنداعى جولداردى جوندەۋگە سەپتىگىن تيگىزەتىنىنەن ءۇمىتتى. تاۋلىگىنە 100 توننا اسفالت-بەتون ونىمدەرىن شىعاراتىن جالپى قۇنى 120 ملن تەڭگەلىك «بىرلىك» جشس زاۋىتىنىڭ قۇرىلىسى «بيزنەستىڭ جول كارتاسى – 2020» باعدارلاماسى اياسىندا جۇرگىزىلۋدە. شاعىن كاسىپورىندا جاڭا 20 جۇمىس ورنى اشىلادى. سونداي-اق, قۇنى 120 ملن تەڭگەنى قۇرايتىن جىلىنا 1000 توننا برويلەر ەتىن وندىرەتىن «شىمكەنت قۇس» قۇس فەرماسى 2020 جىلعا قاراي ىسكە قوسىلاتىن بولادى. ال بۇگىندە جۇمىسى قارقىن العان «گازپرومنەفت-بيتۋم كازاحستان» جشس-ءى وتكەن جىلى 230 مىڭ توننا بيتۋم شىعارىپ, ونىڭ 148 مىڭ تونناسىن وزبەكستان جانە تاجىكستان ەلدەرىنە جىبەرگەن. «استىق ساۋدا» جانە «اققۇم استىق» جشس-ءى 36,3 مىڭ توننا ۇن ونىمدەرىن وزبەكستان مەن اۋعانستان ەلدەرىنە, «باعداۋلەت-1» جشس-ءى باستاپقى 10 توننا ماقسارى مايىن قىتاي ەلىنە ەكسپورتتاعان.
ايتا كەتەلىك, اۋدانداعى 8 211 كاسىپكەرلىك سۋبەكتىلەرىنىڭ 92,4 پايىزى بەلسەندى جۇمىس ىستەۋدە. كاسىپكەرلىك سالاسىنداعىلار سانى 16 072 ادامعا جەتىپ, قوسىمشا 675 ادام جۇمىسپەن قامتىلعان. بيىل كاسىپكەرلىك سالاسىندا 40,5 ملرد تەڭگەنىڭ ءونىمىن ءوندىرىپ, جۇمىس ىستەيتىندەر سانىن 16 475 ادامعا جەتكىزۋ كوزدەلۋدە.
