ماسساعان!
سەنبى, 18 مامىر 2013 1:11
ون ۇشقىش ورنىن بوساتتى
قازاقستاندا 2012 جىلى جۇرگىزىلگەن ۇشۋ الدى تەكسەرىسىنىڭ قورىتىندىسىندا 300-گە جۋىق ادام, سونىڭ ىشىندە 10 ۇشقىش اۋە جولدارىنا شىعۋ قۇقىعىنان ايرىلعان. بۇل تۋرالى «قازاقستان جاڭالىقتارى» حابارلادى.
«قازاقستان ازاماتتىق اۆياتسيا كوميتەتىنىڭ اقپاراتىنا قاراعاندا, 2012 جىلى ۇشۋ الدى مەديتسينالىق تەكسەرىسىنىڭ ناتيجەسىندە 296 ادام ۇشۋدان بوساتىلعان», – دەلىنگەن حابارلامادا.
سەنبى, 18 مامىر 2013 1:11
ون ۇشقىش ورنىن بوساتتى
قازاقستاندا 2012 جىلى جۇرگىزىلگەن ۇشۋ الدى تەكسەرىسىنىڭ قورىتىندىسىندا 300-گە جۋىق ادام, سونىڭ ىشىندە 10 ۇشقىش اۋە جولدارىنا شىعۋ قۇقىعىنان ايرىلعان. بۇل تۋرالى «قازاقستان جاڭالىقتارى» حابارلادى.
«قازاقستان ازاماتتىق اۆياتسيا كوميتەتىنىڭ اقپاراتىنا قاراعاندا, 2012 جىلى ۇشۋ الدى مەديتسينالىق تەكسەرىسىنىڭ ناتيجەسىندە 296 ادام ۇشۋدان بوساتىلعان», – دەلىنگەن حابارلامادا.
ۇشۋعا شىعۋعا تىيىم سالىنعاندار اراسىندا اۋە كەمەلەرىنىڭ 10 ۇشقىشى بار. بۇلاردىڭ 3-ەۋى «Air اstana», 3-ەۋى «SCAT» اۆياكومپانيالارىنان, تاعى 2-ەۋى باسقا كومپانيالاردان بولىپ وتىر. سونداي-اق 2 اۆياديسپەتچەر مەن 284 بورت سەرىگى وسى تىزىمنەن ورىن العان.
قۇرىش نۇرىمبەت.
________________
الدامپازعا الدانعاندار
الاياقتىقتىڭ قۋلىعىنا قۇرىق بويلاماۋىنا كوپ رەتتە الدانعىشتار ءوزى كىنالى بولۋشى جايلار از با!؟ ال تەمىرتاۋدا بولعان مىنا وقيعا كەي ازاماتتار اڭعال-ساڭعالدىعىنىڭ سونشالىقتى سالعىرتتىعىنا قايران قالدىرماي قويمايدى. ويتكەنى, ءبىرلى-ەكىلى ەمەس, بىرنەشە ادامنىڭ بىردەي جۇمىسى, تۇراعى بەلگىسىز ايەلدىڭ سان سوقتىرۋىنا ءتۇسىپ, اقىرىندا بەرگەن ۋادەدەن دە, اقشادان دا ايرىلۋىن ايتقالى وتىرمىز.
سونىمەن بۇل نە جاي دەسەك, ءوزىن ءتۇرلى دۋمانداردا كەزدەسۋشىلەرگە, سويلەسۋشىلەرگە قالالىق ءبىلىم باسقارماسىنىڭ جاۋاپتى قىزمەتكەرىمەن دەپ تانىستىرىپ, جابىسا كەتۋشى بۇل جۇزىكتىڭ كوزىنەن وتكەندەي كەلىنشەكتىڭ اڭگىمەسى ادەتتە بالانى بالاباقشاعا ورنالاستىرۋعا كومەك تيگىزە الۋىمەن تۇيىندەلەتىن بولىپتى. 5 مىڭنان استام ءبۇلدىرشىن ارناۋلى ورىندا تاربيەلەنۋگە كەزەكتە تۇرعان قالانىڭ قاي تۇرعىنى مۇنداي ۇسىنىسقا ەلەڭدەمەي تۇرا السىن. ايەل شارۋانىڭ رەتىن كەلتىرۋگە 50-75 مىڭ تەڭگە تولەنسە بولعانى قالاعان بالاباقشاعا جولداما قولعا تيەتىندىگىن ايتىپ, سول ءۇشىن ءتيىستى قۇجاتتار كوشىرمەسىن تەزدەتىپ اكەلۋدى قايتا-قايتا ەسكەرتىپ, ودان سايىن سەنۋگە ەلىكتىرىپ قويادى ەكەن. اقشانى الاقانىنا سالۋشىلارعا ءمور باسىلعان, قول قويىلعان جولداما تيە دە قالاتىن بولعان. بىراق ول جاساندى ەكەنى انىقتالىپ, الدانۋشىلار ارىز تۇسىرگەنشە ۋادەشى ءىزىن سۋىتىپ وتىرعان.
ءوزىن ارقايسىسىنا ءارتۇرلى ەسىممەن تانىستىرعان, ازىرگە اتى-ءجونى دە تولىق انىق ەمەس الگى ايەلگە ىزدەۋ سالىندى. ودان وسىلايشا اشىقاۋىزدىقپەن وپىق جەگەندەرگە نە دەۋگە بولادى؟!
ايقىن نەسىپباي,
«ەگەمەن قازاقستان».
تەمىرتاۋ.
__________
جورگەگىندە جەر جاستاندىردى
وبلىس ورتالىعىنداعى پاتەرلەردىڭ بىرىنەن جاڭا تۋعان شاقالاقتىڭ ءولى دەنەسى تابىلدى. پەتروپاۆل قالالىق ىشكى ىستەر ءبولىمىنىڭ قىزمەتكەرلەرى ونى تسەللوفان پاكەتكە سالىپ, تۇنشىقتىرىپ ولتىرگەنىن انىقتادى.
ءوز نارەستەسىن تۋا سالىسىمەن ءجورگەگىندە جەر جاستاندىرعان قاتىگەز انا كوپ ۇزاماي قۇرىقتالدى. تەكسەرۋ امالدارى بارىسىندا ونىڭ 2011 جىلى قىز بالا تۋىپ, بالالار ۇيىنە تاستاپ كەتكەنى بەلگىلى بولدى.
ەندى انا ساناتىندا جۇرگەن قاتىگەز جاننىڭ زاڭ الدىندا جاۋاپ بەرۋىنە تۋرا كەلەدى.
ءومىر ەسقالي,
«ەگەمەن قازاقستان».
پەتروپاۆل قالاسى.
