قۇلدىقتا وتكەن كۇندەر
سارسەنبى, 15 مامىر 2013 1:53
ءبورلى اۋدانىنداعى اڭقاتى رازەزىندە 51 جاستاعى ايەل گۇلسىم حاميتوۆا مەن ونىڭ 26 جاستاعى قىزى جارتى جىل ۋاقىت بويى قۇلدىقتىڭ كۇيىن كەشكەن. ولار بۇعان دەيىن وسى اۋدانداعى بوگدانوۆكا اۋىلىندا تۇرعان. تۇرمىسى تومەن جاندارعا ءبىر كۇنى نۇرسۇلۋ ەسىمدى ايەل جولىعىپ, اجەپتاۋىر تابىس, قاراجات تابۋعا مۇمكىندىكتەرى بار ەكەنىن ايتادى. ىزدەگەنگە سۇراعان دەگەندەي, ولار جەكە مەنشىك يەلەرى ورنالاسقان رازەزدەن ءبىر-اق شىعادى.
سارسەنبى, 15 مامىر 2013 1:53
ءبورلى اۋدانىنداعى اڭقاتى رازەزىندە 51 جاستاعى ايەل گۇلسىم حاميتوۆا مەن ونىڭ 26 جاستاعى قىزى جارتى جىل ۋاقىت بويى قۇلدىقتىڭ كۇيىن كەشكەن. ولار بۇعان دەيىن وسى اۋدانداعى بوگدانوۆكا اۋىلىندا تۇرعان. تۇرمىسى تومەن جاندارعا ءبىر كۇنى نۇرسۇلۋ ەسىمدى ايەل جولىعىپ, اجەپتاۋىر تابىس, قاراجات تابۋعا مۇمكىندىكتەرى بار ەكەنىن ايتادى. ىزدەگەنگە سۇراعان دەگەندەي, ولار جەكە مەنشىك يەلەرى ورنالاسقان رازەزدەن ءبىر-اق شىعادى. مۇندا اناسى مەن قىزى مال باعۋمەن جانە باسقا دا قارا جۇمىستاردى اتقارۋمەن اينالىسادى. ارينە, باستاپقىدا ءبارى دە ويلارىنان شىققانداي بولادى. ال ارادا ءبىر اي وتكەننەن كەيىن دارعوجيەۆ ەسىمدى فەرمەر ولاردىڭ ەڭبەكتەرىن تولەپ, ۇيلەرىنە قايتارۋدىڭ ورنىنا, ەكەۋىن قۇلدارشا جۇمساپ, جوق نارسەدەن ىلىك ىزدەپ, ۇرىپ-سوعۋدى ادەتكە اينالدىرا باستايدى. ءارى- بەرىدەن كەيىن فەرمەر مەن ونىڭ وتباسى مۇشەلەرى قول جۇمساعاندى دا مىسە تۇتپاي ەكەۋىن كۇرەكپەن سوعا باستايدى. ءتىپتى, ايىر الا جۇگىرىپ شانشىپ جىبەرۋدەن تايىنبايدى.
تابىس تابامىز دەپ كەلگەندەر باستارىنىڭ امانىندا بۇل جەردەن قاشىپ كەتۋدى ويلاستىرىپ جۇرگەندە فەرمەردىڭ اۋلاسىنا پوليتسەيلەر كەلە قالادى. ءسويتىپ, اتالعان دەرەك بويىنشا قر قىلمىستىق كودەكسىنىڭ بوستاندىقتان زاڭسىز ايىرۋ دەلىنەتىن 126-بابى بويىنشا قىلمىستىق ءىس قوزعالدى, دەپ مالىمدەدى باتىس قازاقستان وبلىستىق ىشكى ىستەر دەپارتامەنتى, تەرگەۋ باسقارماسىنىڭ باستىعى ماعاۋيا قۇرماشەۆ. ونىڭ سوڭى نەمەن تىندى دەگەن ساۋالعا كەلسەك, ءىستىڭ ناسىرعا شاباتىنىن تەز ۇعا قويعان دارعوجيەۆ قۇلدىقتا ۇستالىپ كەلگەندەرگە وتەماقىلارىن ارتىعىمەن تولەپ قۇتىلادى. ال اتالعان قىلمىستىق ءىس ەكى جاق ىمىرالاسۋعا كەلگەندىكتەن جابىلدى. ايتسە دە, قۇقىق قورعاۋشىلار تەرگەۋ امالدارى كەزىندە جابىرلەنۋشىلەر دارعوجيەۆتەر وتباسى تاراپىنان ءزابىر مەن قورلىق كورگەندەرى جونىندە تۇسىنىك بەرگەندەرىن مالىمدەپ وتىر.
تەمىر قۇسايىن,
«ەگەمەن قازاقستان».
باتىس قازاقستان وبلىسى,
ءبورلى اۋدانى.
