ماسەلەن, م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە ءبىلىم الاتىن 7 مىڭ ستۋدەنتتىڭ جارتىسىنا جۋىعى وزگە وڭىرلەردەن كەلگەن. 1776 ستۋدەنت جاتاقحانا كەزەگىنە جازىلعان.
ايماق باسشىسى قۇمار اقساقالوۆ ستۋدەنت-جاستارمەن كەزدەسىپ, ينۆەستورلار جاتاقحانا سالۋ جۇمىستارىنا بەلسەنە ارالاساتىنىن جەتكىزدى.
«ەلباسىنىڭ «5 الەۋمەتتىك باستاماسى» اياسىندا ءبىز ۋنيۆەرسيتەت باسشىلىعىمەن بىرلەسىپ, پروبلەمالى جايتتى كەشەندى شەشۋدى ويلاستىرىپ وتىرمىز. ءسويتىپ, ءبىر جىلدىڭ ىشىندە 610 ستۋدەنتتى باسپانامەن قامتيتىن بولامىز. ياعني, ورىن جەتىسپەۋشىلىگى 34 پايىزعا قىسقارادى», دەدى قۇمار ىرگەباي ۇلى.
پەتروپاۆلدىق قارجىگەر دەنيس بەرنات 1700 ورىنعا شاقتالعان 4 جاتاقحانا تۇرعىزۋدى بەلگىلەسە, جۋىردا 280 ورىندى تۇرعىن-جاي پايدالانۋعا بەرىلدى. ەكى قاباتتى ستۋدەنتتەر ءۇيى قاجەتتى جيھازدارمەن جابدىقتالىپ, الاڭسىز ءبىلىم الۋعا بارلىق جاعداي جاسالعان. جاڭا وقۋ جىلىندا 330 ورىندى تاعى ءبىر جاتاقحانا ىسكە قوسىلادى.
