«بجت تولەمى الدەقايدا وڭاي جانە قولجەتىمدى بولدى. ۇيالى تەلەفون ارقىلى تولەمدەردى جاساۋدىڭ ارتىقشىلىعى داۋسىز, ۇيالى تەلەفون ءاردايىم قول استىندا, بۇل ۋاقىتتى جانە اقشانى ۇنەمدەۋگە جاڭا مۇمكىندىك. بانككە بارىپ, كەزەكتە تۇرىپ, ۋاقىتتى جوعالتۋدىڭ قاجەتى جوق. ەڭ باستىسى - ۇيالى تەلەفونىڭىزدىڭ تەڭگەرىمىندە اقشانىڭ بولۋى», - دەپ «قازپوشتا» اق-نىڭ بيزنەس جونىندەگى باسقارۋشى ديرەكتورى باۋىرجان اينابەكوۆ جاڭا قىزمەتتىڭ ارتىقشىلىقتارىن ءتۇسىندىردى.
بۇگىنگى تاڭدا وسى قىزمەتتى Kcell, Activ جانە Beeline ابونەنتتەرى پايدالانا الادى. تولەم جۇرگىزۋ ءۇشىن 5505 نومىرىنە «gorodesp ين» (ەلوردا, رەسپۋبليكالىق جانە وبلىستىق ماڭىزى بار قالالاردىڭ تۇرعىندارى ءۇشىن) جانە «seloesp جسن» (باسقا ەلدى مەكەندەر تۇرعىندارى ءۇشىن) ءماتىنى بار SMS-ءتى جولداۋ قاجەت. تەڭگەرىمنەن تولەم سوماسى مەن 100 تەڭگە كولەمىندەگى كوميسسيا ەسەپتەن شىعارىلادى. بجت تولەمى SMS جىبەرىلگەن ايدا ەسەپتەلەدى.
SMS ارقىلى تولەمدى, بانك كارتالارىنان ءداستۇرلى تولەممەن بىرگە Paypost ينتەرنەت-ەكۆايرينگى قابىلدايدى. «بولاشاق ۇيالى تەلەفوننىڭ تەڭگەرىمى ارقىلى تولەم جۇرگىزۋ بولاتىنىنا ءسوزسىز. قازپوشتا وسىنداي تاسىلمەن تولەۋگە بولاتىن قىزمەتتەر سپەكترىن ودان ءارى كەڭەيتەتىن بولادى. ۇيالى تەلەفون ۇنەمى جانىڭدا بولاتىن جانە ونىڭ كومەگىمەن ءوزىڭنىڭ جەكە قاراجاتىڭدى باسقارۋعا بولاتىن شاعىن جيناق كاسساعا اينالۋى كەرەك» - دەدى باۋىرجان اينابەكوۆ.
