«2019 جىلعى 9 ماۋسىمعا تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىندا ءسادى-بەك تۇگەل قازاقستان رەسپۋبليكاسى پرەزيدەنتتىگىنە كانديدات رەتىندە تىركەلسىن; پرەزيدەنتتىككە كانديدات ءسادى-بەك تۇگەلگە ءتيىستى كۋالىك بەرىلسىن; پرەزيدەنتتىككە كانديدات ءسادى-بەك تۇگەلدىڭ «حالىقتىق جيناق بانكى» اكتسيونەرلىك قوعامىنا ارنايى ۋاقىتشا شوت اشۋ ءۇشىن تىركەلۋى تۋرالى مالىمەتتەر بەرىلسىن; بۇقارالىق اقپارات قۇرالدارىندا قازاقستان رەسپۋبليكاسى پرەزيدەنتتىگىنە كانديدات ءسادى-بەك تۇگەلدىڭ تىركەلگەنى تۋرالى حابارلاما جاريالانسىن» دەلىنگەن وسك مۇشەسى باقىت مەلدەشوۆ جاريا ەتكەن وسك قاۋلىسىندا.
ورتالىق سايلاۋ كوميسسياسىنىڭ مۇشەلەرى قاۋلى جوباسىنا داۋىس بەرىپ, ول ءبىراۋىزدان قابىلداندى. وسىدان كەيىن وسك توراعاسى بەرىك يماشەۆ پرەزيدەنتتىككە كانديدات سادىبەك تۇگەلگە ءتيىستى كۋالىكتى تابىس ەتتى.
