ايماقتار • 03 مامىر، 2019

قازاقستان حالقى اسسامبلەياسى سەسسياسىنىڭ دەلەگاتتارى قاراعاندىلىق جاستارمەن كەزدەستى

963 رەت كورسەتىلدى

كەنشىلەر استاناسىنداعى «دوستىق ۇيىندە» قازاقستان حالقى اسسامبلەياسىنىڭ XXVII سەسسياسىنىڭ قاتىسۋشىلارى مەن جاستار اراسىندا كەزدەسۋ ءوتتى. بەيرەسمي جاعدايداعى باسقاسۋ بارىسىندا دەلەگاتتار ماڭىزدى جيىننان العان ءوز اسەرلەرىمەن ءبولىستى.

ەسكە سالساق، اتالعان سەسسياعا قاراعاندى وبلىسىنان قاتىسقان دەلەگاتسيا قۇرامىندا  ەتنومادەني بىرلەستىكتەردىڭ باسشىلارى مەن قوعام قايراتكەرلەرىنەن تۇراتىن 45 مۇشە بولعان ەدى.

كەزدەسۋدە جاستار الدىندا ءسوز العان وبلىستىق قازاقستان حالقى اسسامبلەياسىنىڭ عىلىمي-ساراپتامالىق توبىنىڭ جەتەكشىسى ۆيلەن مولوتوۆ-لۋچانسكي اتالعان كەزدەسۋدىڭ ۇيىمداستىرىلۋىنا جوعارى باعا بەرىپ، ونىڭ تاربيەلىك ءمانىنىڭ زور ەكەنىن اتاپ ءوتتى.

– جاستار جىلى – جاي عانا ءسوز جۇزىندە عانا ەمەس، ىسپەن بەكەمدەلگەن جانە قامقورلىققا باي جىل بولۋى ءتيىس. ءبىز جاستارعا دامۋ ءۇشىن سەرپىن بەرىپ، زياتكەرلىك جانە ماتەريالدىق جاعىنان قوسىمشا قولداۋ كورسەتۋىمىز ءتيىس. ءبىز ولارعا سەسسيانىڭ رۋحىن، ماعىناسىن جانە اسەرىن جەتكىزگىمىز كەلەدى. وسى جىلى ماڭىزدى جيىن جاستارعا ارنالدى دەپ ايتۋعا بولادى. ەلباسى جاس ۇرپاق ءۇشىن جاسالىپ جاتقان جۇمىستارعا توقتالدى. سونداي-اق، تۇڭعىش پرەزيدەنت كۇردەلى گەوساياسي جاعداي تۋرالى جانە تاۋەلسىز قازاقستاندا تۇراقتىلىق پەن بىرلىكتى قالاي ساقتاۋ كەرەكتىگىن ايتتى، – دەدى ول.

اباي اۋدانىنان كەلگەن ماتەماتيكا ءپانىنىڭ مۇعالىمى لاريسا كراۆتسوۆا قحا سەسسياسىندا ءسوز سويلەۋ قۇرمەتىنە يە بولعان ەدى. ول جاستارمەن كەزدەسۋدە وتباسىلىق قۇندىلىقتار تۋرالى اڭگىمەلەدى.

– مەن ءۇشىن بۇل ماڭىزدى جانە ايتۋلى وقيعا. قازاقستاننىڭ بارلىق ايەلدەرىنە ۇندەۋ جاساۋ – ءوزىمنىڭ الدىما قويعان ماقساتتارىمنىڭ ءبىرى دەۋگە بولادى. ءبىزدىڭ ەلىمىزدە وتباسىن قۇرۋ جانە ساقتاۋ ءۇشىن بارلىق جاعداي جاسالعان. مەنىڭ بەس بالام بار: ءتورت قىزىم مەن ۇلىم – مەن ءۇشىن ول ۇلكەن قۋانىش. 24 جىل مەكتەپتە ماتەماتيكا مۇعالىمى بولىپ قىزمەت ەتىپ كەلەمىن. بىرەۋلەر: «كاسىبي قىزمەت پەن ۇيىڭىزدەگى وشاقتى بىرگە الىپ ءجۇرۋ مۇمكىن ەمەس؟»، دەپ ايتۋى مۇمكىن، ال مەن ول مۇمكىن دەيمىن! ءبىزدىڭ ءۇيىمىز، ءبىزدىڭ وتباسىمىز – باعالايتىن جانە ساقتايتىن ۇلى يگىلىگىمىز ەكەنىن تۇسىنگەن ءجون. ويتكەنى وتباسى – بۇل مەملەكەتىمىزدىڭ نەگىزى، – دەپ اتاپ ءوتتى دەلەگات.

ەمەن-جارقىن اڭگىمەگە تولى اسەرلى جاعدايدا وتكەن كەزدەسۋدە جاستار وزدەرىنىڭ جوبالارى مەن ۇمتىلىستارى تۋرالى ايتىپ بەردى. سونىمەن قاتار، ولار دەلەگاتتارمەن ارادا بولعان اڭگىمەدەن العان اسەرلەرىمەن ءبولىستى. مىسالى، جەزقازعاننان كەلگەن جاس عالىم ارمان كەنجەبەكوۆ وسىنداي كەزدەسۋلەردىڭ جاستارعا بەرەر تاربيەلىك تاعىلىمى زور ەكەنىن ايتتى.

– مەن وسىنداي دوستىق قارىم-قاتىناستان كوپ جاقسىلىق كوردىم. بۇگىن ءوزىمدى تولعاندىراتىن كوپتەگەن سۇراققا جاۋاپ الدىم. ءبىزدىڭ ەلىمىزدە جاستاردى قولداۋ ءۇشىن اۋقىمدى جۇمىستار اتقارىلۋدا. ءبىز، جاستار ءوز كەزەگىندە ەلىمىزدىڭ بولاشاعى ءۇشىن ءوز جاۋاپكەرشىلىگىمىزدى سەزىنۋىمىز كەرەك، – دەدى جاس عالىم.

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار