اتالعان تۇرعىن ءۇي مەملەكەتتىك «نۇرلى جەر» باعدارلاماسى بويىنشا وتكەن جىلى سالىندى. مەردىگەر «بينوم» جاۋاپكەرشىلىگى شەكتەۋلى سەرىكتەستىگى. «بايتەرەك» اۋدانىنداعى بۇل كوپقاباتتى تۇرعىن ءۇي الەۋمەتتىك جاعىنان قورعالاتىن توپتاردىڭ ازاماتتارىنا جەكەشەلەندىرۋ قۇقىعىنسىز بەرىلىپ وتىر. سونىمەن قاتار, ارەندالىق ايلىق تولەم كورسەتكىشى 5500-6000 تەڭگە كولەمىندە ەسەپتەلگەن. پاتەر الۋشىلار قاتارىندا 12 جەتىم بالا, الەۋمەتتىك جاعىنان قورعالاتىن 31 ادام, مەملەكەتتىك جانە بيۋدجەتتىك ۇيىم قىزمەتكەرلەرىنەن 17 ادام بار. تۇرعىن ءۇيدىڭ كولەمى 3 بولمەلى 71, 2 بولمەلى 58, 1 بولمەلى پاتەرلەر 40 شارشى مەتردى قۇرايدى. جالپى پاتەرلەردىڭ قۇنى 8-11 ميلليون تەڭگە كولەمىندە. پايدالانۋعا بەرىلگەن 60 پاتەرلىك ءۇي ىشىندە 3 بولمەلى 30, 2 بولمەلى 15, ال 1 بولمەلى 15 پاتەر بار.
