ايماقتار • 03 مامىر، 2019

جاتاقحانا قۇرىلىسى جانداندى

807 رەت كورسەتىلدى

جۋىردا وڭتۇستىك قازاق­­­­­­ستان مەملەكەتتىك پەدا­­گوگي­كالىق ۋنيۆەرسيتەتى في­لولوگيا فا­­كۋل­­­­تەتى­نىڭ بىلىمگەرلەرىنە ار­نال­عان 350 ورىندىق 4 قا­بات­تى ستۋدەنتتەر ءۇيى پاي­دا­لانۋعا بەرىلدى. وسى­لاي­شا ىرگەلى وقۋ ور­­نىنىڭ ستۋ­دەنت­­­­تەرى ەلبا­سى باس­تا­ما­سىنىڭ ناتيجە­لى جۇزە­گە اسى­­رىلىپ جاتقانى­نا كوز جەت­كىزدى.

الەمدىك ستاندارتتارعا ساي ءبىلىم بەرۋ جۇيەسىن قالىپتاستىرا وتىرىپ، ستۋدەنتتەردىڭ ءبىلىم الۋى­­­نا جانە تۇراتىن جەرىنە جاع­داي جاساۋعا ءتيىستى نازار­­ اۋدا­رۋ قا­جەت­تىگى ەلباسى ن.نازار­باەۆ­­تىڭ «پرەزيدەنتتىڭ بەس الەۋ­مەتتىك باستاماسى» اتتى ءۇن­­­دەۋىندە ايتىلعان بولاتىن. جوعارى وقۋ ورىندارى مەن كول­لەدجدەردىڭ ستۋدەنتتەرىن جا­تاقحانامەن قامتا­­­­­ماسىز ەتۋ ءما­سەلەسىن شەشۋ ءۇشىن ءبىلىم وردالارى مەن دەۆەلوپەرلىك كومپانيالار مەملەكەت پەن جەكە­مەنشىكتىڭ سەرىكتەستىگى قاعي­داسى­­مەن جاتاقحانا سالۋدى باستاۋى كەرەكتىگى دە ۇندەۋدە ايتىلدى. وسى ورايدا وقمپۋ رەكتورى وڭالباي اياشەۆ قۇرىلىسى اياقتالماي قالعان، ساۋلەتى جاڭا ۇلگىدەگى ءتورت جۇلدىزدى قوناق- ۇيگە ورايلاستىرىلىپ سالىنعان نىساندى جاستاردىڭ يگىلىگىنە جاراتتى. الدىمەن نىساننىڭ جاي-كۇيىن شۇعىل انىقتاپ، ين­­ۆەس­تورلارمەن كەلىسىمدەر ءجۇر­گىز­­گەن رەكتور قۇجاتتاردى تا­لاپقا سايكەستەندىردى. ءسويتىپ، جا­تاقحانا جوباسى دايىندالىپ «قارجى ورتالىعى» اكتسيونەرلىك قوعامىمەن كەلىسىمشارت جاسالىندى. سونىڭ ناتيجەسىندە وتە قىسقا مەرزىمدە ساۋلەتتى عيمارات قۇ­رىلىسى تولىعىمەن اياقتالىپ، ستۋدەنتتەردىڭ پايدالانۋىنا بە­­رىلدى. زاماناۋي تالاپتارعا ساي، ماتەريالدىق-تەحنيكالىق با­زاسى جوعارى دەڭگەيدەگى جا­تاق­­حانانىڭ كىتاپحاناسى مەن وقۋ زالى، دەمالىس بولمەلەرى، مە­­ديتسينالىق پۋنكت، باسقا دا قاجەتتى بولمەلەرى ستۋدەنتتەردىڭ ساباقتان تىس ۋاقىتىن ءتيىمدى وتكىزۋىنە مۇمكىندىك جاسايدى.­ وسىدان ءتورت جىل بۇرىن، ياع­ني 2015 جىلى 12 قاباتتى ستۋ­دەنتتەر ءۇيىن پايدالانۋعا بەرگەن وڭتۇستىك قازاقستان مەم­لەكەتتىك پەداگوگيكالىق ۋني­ۆەر­سيتەتى جاتاقحاناعا مۇق­تاج ءار­بىر ستۋدەنتتى جايلى ورىنمەن قامتۋ ماقساتىندا ناقتى جوس­پار جاساپ، جۇزە­گە اسىرۋ جول­دا­رىن دا ايقىن­داعان. بۇگىندە ۋن­يۆەرسيتەت­ ستۋدەنتتەرىنىڭ 70 پايىز­دان استامى جاتاقحانامەن قامتىلعان. زا­مان تالابىنا ساي جابدىقتالعان جاتاقحانادا تۇرۋ باقىتى الدىمەن وقۋ ۇزدىكتەرىنە بۇيىرادى. ارينە مۇقتاج ستۋ­دەنت­تەردىڭ الەۋمەتتىك جاع­دا­يى دا ەسكەرىلەدى. سونداي-اق شەت­ەلدەردەن كەلگەندەر جاي­عاس­تىرىلادى. ستۋدەنتتەر ءۇيىن­دە جاستارعا قاجەتتى جاع­داي­دىڭ ءبارى جاسالعان. ءار جاتىن بولمە ەكى ستۋدەنتكە لايىقتالعان جاتاق­حا­­­­­نادا كىتاپحانا، اسحانا، ارنايى مە­ديتسينالىق كابي­نەت، حيميالىق تازارتۋ، تاعى باس­قا قىزمەت كورسەتۋ بولىمدەرى جۇ­مىس ىستەيدى. وعان جاستاردىڭ بوس ۋاقىتىن ءتيىمدى پايدالانۋى ەسكەرىلگەن دەفيلە، ايتىس، ەسترادا، فولكلورلىق اسپاپتار، بەينەلەۋ ونەرى، ۆوكال، ساندىك ونەر، ۇلتتىق اسپاپتار جاساۋ، تىگىن، كومپيۋتەر، تاعى باسقا ۇيىرمەلەردى قوسىڭىز. جاستار الىسقا بارمايدى، بارلىعى ستۋدەنتتەر ۇيىنەن تابىلادى.

قازىرگى تاڭدا شىمكەنتتەگى 11 جوعارى وقۋ ورنى، 37 كوللەدج­دە 123 مىڭ ستۋدەنت ءبىلىم الۋ­دا. قالادا ستۋدەنتتەرگە ار­نال­­عان 39 جاتاقحانا بار. سول جا­تاق­­حانالاردا 7600 ستۋدەنت تۇ­رادى. ءتيىستى ورىندارمەن ءجۇر­­­­­­­­گىزىل­گەن جۇمىستار ءنا­تي­جە­­سىندە تاعى 8400 ورىن­دىق­ جا­­تاق­­­­حانا قا­­جەت ەكەنى انىقتال­عان. وسى وراي­دا شىمكەنتتەگى جا­­­­تاقحانا ور­نىنىڭ قاجەتتىلىگىن جويۋ بويىنشا اكىمدىك تاراپى­نان «تۇران» شاعىن اۋدانىنان 8 گەكتار جەر ۋچاسكەسى بەلگى­لە­­نىپ، «Shymkent» الەۋمەتتىك كا­سىپكەرلىك كورپو­راتسياسىنىڭ ين­­ۆەستيتسياسى ەسە­بىنەن «وتاۋ ستروي» كومپا­نياسىمەن ءبىر­لەسىپ، 5 مىڭ ورىن­­دىق جاتاق­حانا سالۋ جوسپارلانىپ وتىر. سونداي-اق جەكە كا­سىپكەرلەر ارقىلى 200 جانە 350 ورىندىق جاتاقحانا سالۋ ءۇشىن ءبىلىم جانە عىلىم مينيسترلىگىنىڭ «قار­جى ورتالىعى» اكتسيونەرلىك قو­عامىمەن كەلىسىمشارت ءتۇزىلىپ، قۇرىلىس جۇمىستارى باستالعان. اكىمدىك 2021 جىلدىڭ سوڭىنا دەيىن ستۋدەنتتەردى 100% جاتاق­حانامەن قامتۋدى كوزدەپ وتىر، سوعان دەيىن شىمكەنتتە 8 مىڭ ورىنعا جەتەتىن جاتاقحانا سالىنادى. جەرگىلىكتى اكىمدىك 5 مىڭ ورىنعا ارنالعان جاتاقحانانى، ال 3 مىڭ ورىنعا ارنالعان نىسانداردى ۋنيۆەرسيتەتتەر مەن كاسىپكەرلەر تۇرعىزباق. ال وقمپۋ ۇجىمى الداعى تامىز ايىندا 6 قاباتتى 200 ورىندىق ستۋدەنتتەر ءۇيىن پايدالانۋعا بەرۋدى جوسپارلاپ وتىر.


شىمكەنت

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار