ايماق باسشىسى ەڭ الدىمەن قارعالى, ويىل, مۇعالجار اۋداندارىندا ءبىرىنشى حاتشىلىق قىزمەتتەرىن اتقارعان, اقتوبە وبلىسىنا بەلگىلى ازامات ساپار ساعىنتاەۆتىڭ شاڭىراعىندا بولدى. سونىمەن قاتار, بايعانين, شالقار اۋداندارىندا 20 جىلعا جۋىق ءبىرىنشى حاتشىلىق لاۋازىمىن اتقارعان, ەكى مارتە ەڭبەك قىزىل تۋ, وكتيابر رەۆوليۋتسياسى, ەكى مارتە «قۇرمەت بەلگىسى» وردەندەرىنىڭ يەگەرى سماتوللا بەركىمباەۆتىڭ وتباسىنا باردى. اقساقالدى مەرەيلى مەرەكەمەن قۇتتىقتاپ, سۇحبات قۇردى.
«سىزدەردەي اقتوبەنىڭ قۇرمەتتى ازاماتتارىمەن كەزدەسىپ, وزدەرىڭىزبەن سۇحباتتاسۋ مەن ءۇشىن ۇلكەن مارتەبە. تۋعان جەردىڭ دامۋىنا قوسقان ۇلەستەرىڭىز شاش ەتەكتەن. قاسيەتتى ولكەمىزدىڭ گۇلدەنۋىنە قوسقان كومەكتەرىڭىزدى جاس ۇرپاق ۇمىتپاق ەمەس. وتباسىلارىڭىزعا اماندىق, بەرەكە, بىرلىك تىلەيمىن», دەدى وبلىس اكىمى.
90 جاسقا تاياپ قالعان قاريالار وبلىس باسشىسىنىڭ ارنايى ۋاقىت ءبولىپ كەلگەنى ءۇشىن العىستارىن ءبىلدىرىپ, اق باتالارىن بەردى. كەلەلى كەزدەسۋ بارىسىندا ساپار ساعىنتاەۆ پەن سماتوللا بەركىمباەۆ وتكەن ءومىر جولدارىنان ەستەلىك اڭگىمەلەر ايتىپ, ەلگە تىنىشتىق پەن اۋىزبىرشىلىك تىلەدى.
