تاعايىنداۋ • 02 مامىر، 2019

ەڭبەك جانە حالىقتى الەۋمەتتىك قورعاۋ ۆيتسە-مينيسترلەرى تاعايىندالدى

805 رەت كورسەتىلدى

قازاقستان رەسپۋبليكاسى ۇكىمەتىنىڭ قاۋلىسىمەن ەرجان جۇمات ۇلى جىلقىباەۆ ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى قىزمەتىنە، اقمادي ءادىل ۇلى سارباسوۆ ەڭبەك جانە حالىقتى الەۋمەتتىك قورعاۋ ۆيتسە-ءمينيسترى قىزمەتىنە تاعايىندالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ە. جىلقىباەۆ 1982 جىلى وڭتۇستىك قازاقستان وبلىسى تولەبي اۋدانىنىڭ لەڭگىر قالاسىندا دۇنيەگە كەلگەن. وڭتۇستىك قازاقستان ۋنيۆەرسيتەتىن، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىن، س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن تامامداعان.

ەڭبەك جولىن وڭتۇستىك قازاقستان وبلىسىنىڭ ەكونوميكا دەپارتامەنتىنىڭ باس مامانى بولىپ باستاعان. ءتۇرلى جىلدارى پرەمەر-مينيستر كەڭسەسىندە، ەكونوميكا جانە بيۋدجەتتىك جوسپارلاۋ مينيسترلىگىندە، شىعىس قازاقستان وبلىسى اكىمىنىڭ اپپاراتىندا، پرەزيدەنت اكىمشىلىگىندە جۇمىس ىستەگەن. 2016 جىلدىڭ مامىر ايىنان 2019 جىلدىڭ ناۋرىزى ارالىعىندا الماتى قالاسى مەدەۋ اۋدانىنىڭ اكىمى لاۋازىمىن اتقارعان. بيىلعى 26 ناۋرىزدان باستاپ قازىرگە دەيىن — ەڭبەك جانە حالىقتى الەۋمەتتىك قورعاۋ ۆيتسە-ءمينيسترى.

ا. سارباسوۆ 1977 جىلى باتىس قازاقستان وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن جانە ەۋرازيا گۋمانيتارلىق ۋنيۆەرسيتەتىن تامامداعان.

ەڭبەك جولىن 1994 جىلى باستاعان. ءتۇرلى جىلدارى ادىلەت مينيسترلىگىنىڭ، ەڭبەك جانە حالىقتى الەۋمەتتىك قورعاۋ مينيسترلىگىنىڭ قۇرىلىمىندا جۇمىس ىستەگەن. 2017 جىلدان باستاپ قازىرگى تاڭعا دەيىن ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك، الەۋمەتتىك قورعاۋ جانە كوشى-قون كوميتەتىنىڭ توراعاسى – باس مەملەكەتتىك ەڭبەك ينسپەكتورى لاۋازىمىن اتقاردى.





سوڭعى جاڭالىقتار

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار