كورمە جۇمىسىنا پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ, قالا اكىمى باقىت سۇلتانوۆ, «دامۋ» قورىنىڭ باسقارما ءتورايىمى گاۋحار بورىباەۆا, ساراپشىلار, حالىقارالىق ۇيىم, قارجى ينستيتۋتتارى وكىلدەرى مەن قازاقستاننىڭ بارلىق وڭىرىنەن كەلگەن 500-دەن استام كومپانيا قاتىسادى.
«كورمە بارىسىندا قازاقستاندىق جانە شەتەلدىك مامانداردىڭ شەبەرلىك ساباقتارى; شەتەلدىك ارىپتەستەر مەن حالىقارالىق قارجى ينستيتۋتتارىنىڭ قاتىسۋىمەن B2B كەزدەسۋلەر وتەدى. اسىرەسە, شەتەلدىك ارىپتەستەردىڭ وندىرىسكە جاڭا تەحنولوگيالار ەنگىزۋ جونىندەگى الدىڭعى قاتارلى تاجىريبەسى قىزىقتى. سونىمەن قاتار, سوڭعى ۋاقىتتا اقپاراتتىق سانگە اينالعان رەيتينگ/سكورينگ ۇلگىلەر, سۋبسيديا مەن كەپىلدىك بەرۋ مەحانيزمدەرى, بيزنەس پروتسەستەردى اۆتوماتتاندىرۋداعى تەحنولوگيالىق شەشىمدەر, اپەكس مەحانيزمدەرى, ءوتىنىمدى قاراستىرىپ, قىزمەت كورسەتۋ جۇيەلەرى دە نازار اۋدارارلىق. قازاقستان ەكسپورتىن ناسيحاتتاۋ بارىسىنداعى كونترارىپتەستەردىڭ تۇتىنۋشىلىق قابىلەتتەرى دە ماڭىزىن جويماعان. «يسلام قارجىسى: قازاقستانداعى شوب دامۋىنىڭ بالاما باعىتى» جانە EY Poland «ستارتاپتار ەكوجۇيەسى – قازاقستان ەكونوميكاسىنىڭ جاڭا قوزعاۋشى كۇشى» اتتى سەمينارلار وتەدى», – دەپ مالىمدەدى «دامۋ» قورىنىڭ ءباسپاسوز قىزمەتى.
كورمەگە قاتىسۋشىلاردىڭ اراسىندا «حالىق تاڭداۋى» اتتى دەگۋستاتسيا بايقاۋى مەن جەڭىمپازداردى انىقتاۋ وتەدى.
