ءوز سوزىندە اۋدان اكىمى: «قازاقستان حالقىنىڭ بىرلىگى مەرەكەسى بۇگىنگى تاڭدا بەيبىت ءومىر مەن ىنتىماقتا تۇرمىس كەشىپ وتىرعان ەل تۇرعىندارى ءۇشىن ىستىق ىقىلاس پەن دوستىق نيەتتىڭ ءداستۇرى, اسىعا كۇتەر مەيرامى. قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ ءداستۇرلى جولداۋلارىنىڭ بىرىندە قيىندىق اتاۋلىنى جەڭەتىن ءبىر-اق كۇش بار, ول – بىرلىك. ەلىڭدى, جەرىڭدى قورعاۋ ءۇشىن بىرلىك قانشالىقتى قاجەت بولسا, تاۋەلسىزدىك جەمىستەرىن, بۇگىنگى قول جەتكەن تابىستارىمىزدى ساقتاپ قالۋ ءۇشىن دە بىرلىكتىڭ قاجەت ەكەندىگىن ەرەكشە اتاپ كورسەتىپ كەلەدى. بىرلىك, تاتۋلىق, ىنتىماق, دوستىق – بۇل تاۋەلسىز ەلىمىزدىڭ باستى قۇندىلىقتارى. باعىندىرعان بەلەستەرىمىز بەن جەتكەن جەتىستىكتەرىمىز ۇلتارالىق اۋىزبىرلىك پەن شىنايى تۇسىنىستىكتىڭ, ەڭ باستىسى قازاقستانعا عانا ءتان ساليقالى ساياساتتىڭ جەمىسى», دەدى.
مەرەكەلىك شارا بارىسىندا تاتۋلىقتى تۋ ەتكەن ءار ەتنوس وكىلدەرى قۇتتىقتاۋ ءسوز سويلەپ, 40 دومبىراشى اسەرلى كۇيدەن شاشۋ شاشسا, جاستار جىلىنا وراي اۋدان جاستارى ارنايى فلەشموب ۇيىمداستىردى. « ۇلى دالانىڭ جەتى قىرى» كومپوزيتسياسى كوپشىلىك كوڭىلىنەن شىقسا, حور ۇجىمىنىڭ ورىنداۋىنداعى ۇلى سازگەر ءشامشى قالداياقوۆتىڭ «شالقىعان ءشاۋىلدىر» ءانىن مەرەكەگە جينالعان جۇرتشىلىق قوسىلا شىرقادى. اۋداندانداعى مەكەمە قىزمەتكەرلەرى ءىس-شارانى شەرۋمەن جالعاستىرسا, ءتۇرلى ۇلتتار مەن ۇلىستاردىڭ ۇلتتىق كيىمدەرىن كيگەن مەكتەپ وقۋشىلارى ءوز ونەرلەرىن پاش ەتتى.
