ايماقتار • 02 مامىر، 2019

ورالدا كوپبالالى 10 وتباسى پاتەرلى بولدى

810 رەت كورسەتىلدى

1 مامىر - قازاقستان حالقىنىڭ بىرلىگى كۇنى ورال قالاسىندا ءبىر توپ كوپبالالى وتباسى جاڭا پاتەرگە يە بولدى. ونى ورال قالاسىنىڭ اكىمى مۇرات مۇقاەۆ تابىس ەتتى.

قالا اكىمىنىڭ ايتۋىنشا، بيىل ورال شاھارىندا كوپبالالى وتباسىلارعا 70 پاتەر تاپسىرىلماق. بۇل ەلباسىنىڭ كوپبالالى، تۇرمىسى تومەن وتباسىلارعا كومەكتەسۋ تۋرالى تاپسىرماسى اياسىندا ورىندالىپ وتىر.

- تۇرعىنداردىڭ تۇرمىس ساپاسىن ارتتىرۋ، حالىقتى باسپانامەن قامتۋ باعىتىنداعى شارالاردى جۇيەلى جۇرگىزىپ كەلەمىز. بيىل وبلىس ورتالىعىندا 432 پاتەرلىك ەكى ءۇيدىڭ قۇرىلىسى اياقتالىپ، تۇرعىنۇي كەزەگىندە تۇرعان وتباسىلارعا تاپسىرىلادى. ودان بولەك، جالپى سانى 500 پاتەرلىك ءۇش كوپقاباتتى ءۇيدىڭ قۇرىلىسى باستالماق. جالپى العاندا قالادا قوعامنىڭ ءالسىز توپتارىنا ارنالعان 1000 پاتەردىڭ قۇرىلىسى جۇرۋدە. بۇل جۇمىس توقتامايدى، - دەدى ءوز سوزىندە ورال قالاسىنىڭ اكىمى.

بۇل كۇنى ءۇش بولمەلى پاتەرگە يە بولعان بولعان ايتقاليەۆانىڭ قۋانىشىندا شەك جوق. «التىن القالى» انا پاتەر كەزەگىندە 17 جىل تۇرىپتى. «ورال پوليمەر» جشس سالعان جاڭا ءۇيدىڭ ساپاسىنا تۇرعىندار ريزا.

- ءبىزدىڭ دە وتباسىمىزدا 4 بالا بار. بۇگىن ءوزىمىزدىڭ باسىبايلى باسپانامىز بولعانىن ويلاسام، قۋانىشىمدى سوزبەن ايتىپ جەتكىزە الماسپىن. جاڭا پاتەرىمىز وتە ادەمى، كەڭ، كىرسە شىققىسىز ەكەن. ءبىز بۇل كۇندى 15 جىل كۇتتىك قوي، - دەيدى تاعى ءبىر قۋانىشتى انا الماگۇل مالاەۆا.

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار