ايماقتار • 01 مامىر، 2019

«شىمكەنت سيتي» قالاشىعىندا 540 پاتەرلى 10 كوپقاباتتى تۇرعىن ءۇيدىڭ كىلتى تابىستالدى

894 رەت كورسەتىلدى

1 مامىر قازاقستان حالقىنىڭ بىرلىگى كۇنىنە وراي «شىمكەنت سيتي» قالاشىعىندا 540 پاتەرلى 10 كوپقاباتتى ارەندالىق كوممۋنالدىق تۇرعىن ءۇي پايدالانۋعا بەرىلدى.

 سالتاناتتى كىلت تابىستاۋ جيىنىنا قالا اكىمى عابيدوللا ءابدىراحىموۆ قاتىسىپ، ەلباسى ن.ءا.نازارباەۆتىڭ تاپسىرماسىمەن ەلىمىزدىڭ جاڭا الەۋمەتتىك ساياساتى ىسكە اسىپ جاتقاندىعىن تىلگە تيەك ەتتى، سونداي-اق، «الەۋمەتتىك قامقورلىق» مەملەكەتتىك باعدارلاماسى اياسىندا كوپبالالى وتباسىلار مەن حالىقتىڭ از قامتاماسىز ەتىلگەن توپتارىن باسپانامەن قامتۋ جۇمىستارى جۇرگىزىلىپ جاتقانىن اتاپ ءوتىپ، جاڭا پاتەرگە يە بولعان شاھار تۋرعىندارىنىڭ قۋانىشىمەن ءبولىستى.

«مەملەكەت تۇرعىنداردى باسپانامەن قامتۋ، كوپبالالى وتباسىلارعا، مۇقتاج ازاماتتارعا قولداۋ كورسەتۋ باعىتتارىندا ناتيجەلى جۇمىستار جۇرگىزىپ كەلەدى. حالىقتى قولداۋعا ارنالعان وسى جۇمىستاردى قۋاتتى مەملەكەتتەر عانا اتقارا الادى. وزدەرىڭىز جاقسى بىلەسىزدەر، شىمكەنت قالاسىندا سوڭعى جىلدارى قۇرىلىس قارقىنى ارتتى. جاڭا شاعىناۋداندار سالىنىپ، مىڭداعان وتباسىلار باسپانالى بولدى. بىلتىردىڭ وزىندە قالامىزدا «نۇرلى جەر» مەملەكەتتىك باعدارلاماسى بويىنشا 1152 وتباسى باسپانالى بولدى. بۇل ءداستۇر بيىل دا جالعاسىن تاۋىپ، تالاي وتباسى باسپانالى بولۋ باقىتى الدىندا تۇر. قالانىڭ دامۋ جوسپارىنا وسىدان 3-4 جىل بۇرىن عانا ەنگىزىلگەن «شىمكەنت سيتي» زاماناۋي قالاشىعى بۇگىن العاشقى تۇرعىندارىن قابىلداۋدا»، دەدى قالا اكىمى.

مەرەكەگە وراي تابىستالعان جاڭا پاتەرلەردىڭ 177-سى  كوپبالالى وتباسىلارعا، 108 پاتەر – جەتىم جانە اتا-انا قامقورلىعىنسىز قالعان بالالارعا بەرىلىپ وتىر. 255 پاتەر باسقا دا الەۋمەتتىك ءالسىز توپتاعى ازاماتتارعا ۇلەستىرىلدى.

شىمكەنت قالاسى مەملەكەتتىك باعدارلاما اياسىندا تۇرعىن ءۇي سالۋدا رەسپۋبليكا بويىنشا  كوش باستاپ تۇر. اتاپ ايتار بولساق، جىل سوڭىنا دەيىن شاھاردا تاعى  828 پاتەرلى 14 ارەندالىق تۇرعىن ۇيلەر بەرىلەتىن بولادى. بۇدان باسقا، «7-20-25» يپوتەكالىق باعدارلاماسى ارقىلى 246 پاتەرلى 5 كرەديتتىك تۇرعىن ءۇي بەرىلسە، «تۇرعىن ءۇي قۇرىلىس جيناق بانكى» ارقىلى «ءنۇرسات» شاعىن اۋدانىندا 656 پاتەرلى 11 كرەديتتىك تۇرعىن ءۇي، «شىمكەنت» اكك ارقىلى 1016 پاتەرلى 24 كرەديتتىك تۇرعىن ۇيلەر حالىق يگىلىگىنە تاپسىرىلماق. جەكە قۇرىلىس جۇرگىزۋشىلەر ەسەبىنەن 1293 پاتەرلى 26 تۇرعىن ءۇي پايدالانۋعا بەرىلمەك. «شىمكەنت سيتي» قالاشىعى تاياۋ بولاشاقتا مەگاپوليستىڭ قارقىندى دامۋ ورتالىعىنا اينالادى.


 

سوڭعى جاڭالىقتار

وزىق تەحنولوگيالى وپەراتسيالار

مەديتسينا • بۇگىن، 07:09

ماڭىزى زور مادەني جوبا

قوعام • بۇگىن، 07:07

قاراشاداعى قارا ولەڭ

قوعام • بۇگىن، 07:04

«سپارتاك» سان سوقتىرىپ كەتتى

حوككەي • بۇگىن، 07:02

كۋكۋشكين كۇشىنە ەندى

تەننيس • بۇگىن، 07:00

جاس ساراپشىلار تالداۋى

ساياسات • كەشە

كەتىگىن تاپقان كاسىپورىن

ەكونوميكا • كەشە

ايان تۋرالى بايان

رۋحانيات • كەشە

ۇزدىكتەر انىقتالدى

فۋتبول • كەشە

ايازداعى اپات

ايماقتار • كەشە

ارحەولوگ اسۋلارى

قوعام • كەشە

ۇقساس جاڭالىقتار