ايماقتار • 01 مامىر، 2019

قاراتاۋ قالاسىندا 60 پاتەرلىك كوپقاباتتى تۇرعىن ءۇي پايدالانۋعا بەرىلدى

779 رەت كورسەتىلدى

بۇگىندە تۇرعىنداردى باسپانامەن قامتاماسىز ەتۋ ماقساتىندا مەملەكەت تاراپىنان ءتيىستى جۇمىستار اتقارىلىپ كەلەدى.

 وسى ۋاقىتقا دەيىن «نۇرلى جەر» باعدارلاماسى ارقىلى مىڭداعان جامبىلدىقتار پاتەرگە قول جەتكىزدى. ەندى بۇل باستامانى اۋدان اكىمدەرى دە جۇزەگە اسىرىپ، جەرگىلىكتى حالىقتى باسپانامەن قامتۋدا. 1 مامىر – قازاقستان حالىقتارىنىڭ بىرلىگى مەرەكەسىنە وراي «نۇرلى جەر» باعدارلاماسى اياسىندا تالاس اۋدانى، قاراتاۋ قالاسىندا جاڭعىرتۋدان وتكەن 60 پاتەرلىك كوپقاباتتى تۇرعىن ءۇي پايدالانۋعا بەرىلدى. تالاس اۋدانىنىڭ اكىمى دوسماحانبەت اليەۆ قاراتاۋلىقتارعا پاتەر كىلتىن تابىستادى.

قالاداعى №5 شاعىن اۋدانىندا ورنالاسقان №55 ۇيگە قايتا جاڭعىرتۋ جۇمىستارىن تارازدىق مەردىگەر «تەمىر-بايلىق» جاۋاپكەرشىلىگى شەكتەۋلى سەرىكتەستىگى جۇرگىزگەن. جوبا قۇنى 228 ميلليون 450 مىڭ تەڭگەنى قۇراعان. نىسان وتكەن جىلى 6 ماۋسىم كۇنى پايدالانۋعا قابىلدانىپ، ينفراقۇرىلىمدىق جۇمىستارى جۇرگىزىلگەن. مەرەكە قارساڭىندا پايدالانۋعا بەرىلگەن بۇل ارەندالىق تۇرعىن ۇيدە ەكى بولمەلى 10، ءۇش بولمەلى 30، ءتورت بولمەلى 20 پاتەر بار. اتالعان  تۇرعىن ۇيگە قونىس اۋداراتىن ادامداردىڭ ءتىزىمى اۋداندىق تۇرعىن ءۇي كوميسسياسى تاراپىنان جاساقتالعان ەكەن. تالاس اۋدانى اكىمدىگىنىڭ مالىمەتىنشە، پايدالانۋعا بەرىلگەن كوپقاباتتى تۇرعىن ۇيدەن پاتەر العان 60 وتباسىنىڭ 40-ى الەۋمەتتىك از قامتىلعان وتباسىلار توبىنا جاتادى. ونىڭ ىشىندە كوپبالالى 17، تولىق ەمەس 15، مۇگەدەك بالا اسىراۋشى 2 وتباسى بار. سونداي-اق، 1 مۇگەدەك جانە 5 ورالمان وتباسى دا پاتەر كىلتىن يەلەنگەن. قالعان 20 پاتەر مەملەكەتتىك جانە بيۋدجەتتىك قىزمەتكەرلەر مەن قىزمەتتىك پاتەر يەلەنۋشىلەرگە بەرىلدى. 

  ايتا كەتەيىك، تالاس اۋدانى بويىنشا 2018-2019 جىلدارى بارلىعى  440 پاتەردى قۇرايتىن 6 كوپقاباتتى تۇرعىن ءۇيدى قايتا جاڭعىرتۋ جوسپارلانسا، بۇگىندە ونىڭ 290 پاتەر پايدالانۋعا بەرىلگەن. ال، اعىمداعى جىلى تاعى دا 2 تۇرعىن ءۇي، ياعني 150 پاتەر پايدالانۋعا بەرىلەتىن بولادى. بۇل ءوز كەزەگىندە اۋدان بويىنشا تۇرعىن ءۇي كەزەگىندە تۇرعان 143 الەۋمەتتىك از قامتىلعان وتباسىنى باسپانامەن قامتۋعا باعىتتالادى.


جامبىل وبلىسى

    

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

ۇقساس جاڭالىقتار