ايماقتار • 01 مامىر، 2019

BI Group كومپانياسى شىمكەنتتە بيزنەس-كلاستى تۇرعىن ءۇي كەشەنىن سالادى

796 رەت كورسەتىلدى

وتاندىق قۇرىلىس سالاسىنداعى جەتەكشى كومپانيالاردىڭ ءبىرى – «BI Group» شىمكەنت قالاسىندا «Tamerlan Residence» تۇرعىن ءۇي كەشەنىن تۇرعىزباق.

وسىعان وراي اتالعان كاسىپورىن بيزنەس-كلاستى تۇرعىن ءۇي كەشەنى قۇرلىسىنىڭ تانىستىرىلىمىن وتكىزدى. سالتاناتتى شاراعا  شىمكەنت قالاسىنىڭ اكىمى عابيدوللا ءابدىراحىموۆتىڭ قاتىسىپ، جاڭا نىساننىڭ جۇمىسىنا ساتتىلىك تىلەدى.

شاھاردىڭ اكىمشىلىك-ىسكەرلىك ورتالىعى اۋماعىنداعى بايتەرەكوۆ كوشەسىنىڭ بويىندا ورنالاسقان تۇرعىن ءۇي كەشەنى 51 مىڭ شارشى مەتردى قۇراپ، وندا بارلىعى 349 پاتەر سالىنباق. جوبا بويىنشا ءۇيدىڭ 7 بلوگى مەن ەكى دەڭگەيلى جەراستى پاركينگى بولماق.

«بۇگىن قالامىزدا ەرەكشە وقيعا. جاڭا تۇرعىن ءۇي كەشەنىنىڭ قۇرىلىسى باستالدى. BI Group كومپانياسىنا العىس بىلدىرەمىن. اتالعان كومپانيا قالادا بىرنەشە جوبانى ءساتتى جۇزەگە اسىرىپ كەلەدى. ونىڭ ءبىرى - كەلەسى جىلى سالتاناتتى تۇردە اشىلاتىن كونگرەسس حولل. قالا تۇرعىندارىنا جايلى باسپانا سالۋ ءىسىن قولعا الىپ وتىر»، دەدى شاھار باسشىسى.

كومپانيا جاۋاپتىلارىنىڭ ايتۋىنشا بيزنەس-كلاستى تۇرعىن ءۇي كەشەنىنە جۇمسالاتىن قۇرىلىس ماتەريالدارى دا زامان تالابىن ساي تاڭدالادى. ماسەلەن، 12-16 قاباتتى عيماراتتاردىڭ قۇرىلىسىنا تراۆەرتين مەن گرانيت سەكىلدى تابيعي ماتەريالدار پايدالانىلادى. ول جاسىل اۋلالار مەن كەشەن ىشىندە ۇيلەسىمدى ورتا قالىپتاستىرادى.

شىمكەنت


سوڭعى جاڭالىقتار

تەڭىز تۇيسىگى

ونەر • كەشە

اڭشىلىق – اسىل ونەر

رۋحانيات • كەشە

ۇقساس جاڭالىقتار