بۇل جاۋاپتى مىندەتتى «زاڭگەرلەر – ءادىل سايلاۋ ءۇشىن» رەسپۋبليكالىق قوعامدىق بىرلەستىگى اتقارادى.
– ءبىز سايلاۋ ۇدەرىسى جايلى تۇسىنىكتەر بەرۋمەن قاتار, بۇل تۇرعىداعى زاڭسىز ارەكەتتەرگە شاعىمدانۋ ءتارتىبى بويىنشا اقىل-كەڭەس بەرىپ وتىرامىز. رەسپۋبليكالىق ۇيىمعا بۇگىندە ءۇش مىڭداي زاڭگەر مۇشە, – دەدى جۋرناليستەرمەن كەزدەسۋدە قازاقستان زاڭگەرلەر وداعىنىڭ توراعاسى سەرىك اقىلباي.
ونىڭ ايتۋىنشا, قوعامدىق بىرلەستىك مۇشەلەرىنەن كەز كەلگەن ادام كەڭەس سۇراپ, جۇگىنە الادى. مۇنداي مۇمكىندىك پرەزيدەنتتىكتەن ءۇمىتكەرلەرگە دە بەرىلگەن.
ال زاڭ عىلىمدارىنىڭ دوكتورى مارات سارسەمباەۆ پرەزيدەنتتىكتەن ۇمىتكەرلەردىڭ اركەلكىلىگىنە توقتالدى.
– ءبىز كانديداتتاردىڭ اركەلكىلىگىنە كوز جەتكىزىپ وتىرمىز. ولاردىڭ اراسىندا ايەل ادام دا بار. بۇل – ورتالىق سايلاۋ كوميسسياسىنىڭ سايلاۋعا وبەكتيۆتى قاراۋىنىڭ جانە ادىلەتسىزدىككە جول بەرمەۋىنىڭ بەلگىسى. ءىس جاقسى باستالدى – ءبىز ەشقانداي زاڭ بۇزۋشىلىقتاردى كورىپ وتىرعانىمىز جوق, – دەدى م.ءسارسەمباەۆ.
اتاپ وتەرلىگى, «زاڭگەرلەر – ءادىل سايلاۋ ءۇشىن» رەسپۋبليكالىق قوعامدىق بىرلەستىگى سايلاۋ بارىسىنداعى زاڭسىز ارەكەتتەرگە مونيتورينگ جاساۋ ماقساتىندا ارنايى قۇرىلعان.
