سوڭعى جىلدارى مۇمكىندىگى شەكتەۋلى ازاماتتارعا مەملەكەت تاراپىنان بارىنشا كوڭىل ءبولىنىپ كەلەدى. اسىرەسە, مۇمكىندىگى شەكتەۋلى ازاماتتاردىڭ سايلاۋلاردا داۋىس بەرۋىنە بار جاعداي قاراستىرىلۋدا.
ەلىمىزدىڭ تۇڭعىش پرەزيدەنتى – ەلباسى ن.نازارباەۆ مۇمكىندىگى شەكتەۋلى جاندارعا قامقورلىق جاساۋدى, ەڭبەككە ارالاستىرۋدى ۇنەمى نازاردا ۇستايتىندىعى بەلگىلى. وسىنداي قولداۋ نەگىزىندە سەكسەۋىل كەنتىندە 2016 جىلى قوعامدىق كەڭەس قۇرىلىپ, ول 2018 جىلى 16 ساۋىردە زاڭدى تۇردە تىركەلىپ, جۇمىستار جۇرگىزىلىپ كەلەدى. سپورتتىڭ بىرنەشە تۇرىنەن جارىستارعا قاتىسىپ كەلەمىز. وبلىستىق كوكتەمگى, كۇزگى سايىستاردا توعىزقۇمالاقتان ءىى توپ مۇگەدەگى تۇرار قابىلوۆ جەڭىسكە جەتىپ, رەسپۋبليكالىق جارىسقا جولداما الىپ, سپورت شەبەرىنە ۇمىتكەر اتاعىنا يە بولدى. شاحماتتان, دويبىدان وبلىس بىرىنشىلىگىندە ءىى توپ مۇگەدەكتەرى ريتا ءجۇسىپوۆا جانە اسەم ءجۇسىپوۆا جەڭىسكە جەتتى. ءىى توپ مۇگەدەگى, زەينەتكەر ورىنباسار بورانعازيەۆ تەننيستەن ءىىى ورىنعا يە بولدى. ءىى توپ مۇگەدەگى رۋسلان ايتباەۆ جۇگىرۋدەن ءىى ورىندى يەلەندى. مۇمكىندىگى شەكتەۋلى جانداردىڭ جۇمىس كۇندەرى ارنايى زالعا كەلىپ شاحمات, دويبى, دومينو جانە توعىزقۇمالاق ويناۋىنا جاعداي جاسالدى. وسى ءۇشىن دە كەنت اكىمشىلىگىنە جانە ارداگەرلەر كەڭەسىنە العىس ايتامىن. وسىنداي جەتىستىكتەرگە جەتۋىمىزگە تىكەلەي ىقپال ەتكەن وبلىستىق ءماسليحات دەپۋتاتى قادىربەرگەن بەدەر, مەشىت يمامى الپامىس ىزباسقانوۆ, ستانسا باستىعى ساپارعالي سالماەۆ, لوكوموتيۆتى پايدالانۋ دەپوسىنىڭ باستىعى سەيىلحان ەرجانوۆ, لوكوموتيۆ قوزعالىس قاۋىپسىزدىگىنىڭ باس مامانى ەركەبۇلان اياعانوۆ, تەمىر جول جوندەۋشىلەرىنىڭ باستىعى ءماجيت قۇرمانباەۆ جانە جەلىلىك پوليتسيا مايورى ءانۋار بەكنيازوۆ سىندى ازاماتتارعا ريزاشىلىعىمىز شەكسىز. Nur Otan پارتياسى اۋداندىق فيليالى توراعاسىنىڭ ءبىرىنشى ورىنباسارى تالعات قاناتوۆ, اۋداندىق زاعيپتار قوعامىنىڭ توراعاسى ەرمەك وتەشوۆ جانە وبلىستىق مۇگەدەكتەر قوعامىنىڭ توراعاسى مۇرات جۇمادىلداەۆ تا ءبىزدىڭ ءار باستامامىزعا قولداۋ تانىتىپ, قاناتتاندىرىپ كەلەدى.
جولمىرزا مىرزاعۇلوۆ,
سەكسەۋىل كەنتى مۇگەدەكتەر قوعامىنىڭ توراعاسى
قىزىلوردا وبلىسى
