- ورتالىق زاماناۋي كارديوحيرۋرگيانىڭ بارلىق باعىتتارىن بىرىكتىرەدى, - دەدى ءادىل ءدۇرجانوۆ. – 2015 جىلدان بەرى جۇرەك اقاۋى بار جاڭا تۋعان سابيلەرگە دە وتا جاساۋ مۇمكىندىگى تۋدى.
سالماعى 700 گرامدىق سابيلەرگە دە وتا جاسايتىن نەوناتولوگتار مەن بالا رەانيماتولوگتار جۇمىس ىستەيدى.
قازىرگى كەزدە كارديوورتالىق زاماناۋي كارديوحيرۋرگيا مەن ينتەرۆەنتسيالىق كارديولوگيانىڭ بارلىق باعىتتارىن بىرىكتىرەدى جانە ەرەسەكتەرگە دە, بالالارعا دا كومەك كورسەتەدى.
دەپۋتات الەكساندر سۋسلوۆ: - ەلىمىزدەگى حالىقتىڭ ورتاشا ءومىر ءسۇرۋ ۇزاقتىعىن 80 جاسقا دەيىن جەتكىزەتىن سىزدەرسىزدەر, - دەدى. - كورىپ تۇرعانىمىزداي ادام دەنساۋلىعىن ساقتاۋ, ەمدەۋ ءۇشىن ورتالىقتا بارلىق جاعداي جاسالعان. ال ءبىز – تۇرعىندار, ءوز كەزەگىمىزدە, سپورتپەن شۇعىلدانۋىمىز كەرەك.
مىسالى, ورتالىق باسشىسى كارديوحيرۋرگ ءادىل ءدورجانوۆتىڭ ءوزى اشىق جۇرەككە ءوزى 2000-استام وتا جاساعان. وڭىرىمىزدە ەرەسەكتەر جانە بالالار كارديوحيرۋرگياسى, رەنتگەنەندوۆاسكۋليارلىق كارديوحيرۋرگياسى جانە اريتمولوگياسى دامىپ كەلەدى. ورتالىق يننوۆاتسيالىق تەحنولوگيالارعا, شاعىن ءينۆازيۆتى باسەڭ حيرۋرگياعا, قۇجات اينالىمىنىڭ تسيفرلاندىرىلۋىنا جانە زاماناۋي مەنەدجمەنتكە كوڭىل بولۋدە.
- قازىرگى كارديوحيرۋرگيا مەن ينتەرۆەنتسيالىق كارديولوگيانىڭ بارلىق باعىتىن بىرىكتىرىپ, ەرەسەكتەرگە جانە بالالارعا دا كومەك كورسەتۋدە, - دەيدى كارديوحيۋرۋگ.– سوندىقتان, دا ءبىز مامانداردىڭ ساناتتارىن ارتتىرۋعا باسىمدىلىق بەرەمىز. شەتەلدىك مامانداردىڭ قاتىسۋىمەن بىرنەشە شەبەرلىك ساباعىن وتكىزىلدى. سونداي-اق, دەپۋتاتتار ورتالىق دارىگەرلەرىمەن كەزدەستى. وبلىستىڭ باس انەستەزيولوگى يننا گلوۆاتسكايا ءماجىلىس دەپۋتاتتارىنان انەستەزيولوگتار مەن رەانيماتولوگتارعا جاعداي جاساۋدى ءوتىندى.
- ەلىمىزدىڭ دەنساۋلىق ساقتاۋ مينيسترلىگى حيرۋرگ, گينەكولوگ پەن نەوناتولوگتاردىڭ زەينەتكە ەرتە شىعۋى مۇمكىندىگىن قاراستىرۋدا. انەستەزيولوگتار مەن رەانيماتولوگتار پسيحوەموتسيالىق كۇيزەلىسكە ءجيى ۇشىرايتىن ماماندىقتار بولۋى سەبەپتى, ولاردى دا زەينەتكە ەرتە شىعاتىن دارىگەرلەر تىزىمىنە ەنگىزۋ كەرەك, - دەدى يننا گلوۆاتسكايا.
دەپۋتاتتار بۇل ماسەلەنى جان-جاقتى قاراستىرۋعا ۋادە بەردى.
پاۆلودار
سۋرەت نۇر وتان پارتياسى فيليالىنان الىندى
