فورۋمعا مەملەكەتتىك ءتىلدى جەتىك مەڭگەرگەن ەتنوس وكىلدەرى مەن وبلىستىق اسسامبلەيا قۇرىلىمدارى, ەتنومادەني بىرلەستىك ءتوراعالارى مەن مۇشەلەرى جانە بەلسەندى جاستار قاتىستى.
جيىندا ءسوز العان وبلىستىق «سلاۆيانە» قوعامدىق-مادەني ورتالىعىنىڭ مۇشەسى ەلەنا پاۆلوۆا: «ەلباسى ءوزى ۇسىنعان كانديداتۋرا – ول ەلدەگى ساياسي باعىتتىڭ ساباقتاستىعى. ەلدەگى العا قويعان ستراتەگيالىق ماقساتتاردىڭ بارىنە جەتەتىن جولدىڭ بىرەۋ ەكەندىگى جانە سوعان تەز جەتەتىنىمىزدىڭ كەپىلى ەسەپتەلەدى. ءبىر تۋدىڭ استىندا, ءبىر ماقساتتى ۇستانىپ ءومىر ءسۇرىپ جاتقاندىقتان ءاربىر ساياسي وقيعاعا اسا ءمان بەرەمىز. ەلدىڭ بولاشاعى ءۇشىن ءوز تاڭداۋىمىزدى جاسايتىن بولامىز», – دەدى.
«كەزەكتەن تىس پرەزيدەنتتىك سايلاۋ حالىقتى توپتاستىرۋ جولىنداعى پاتريوتتىق اكت بولىپ, ەكونوميكانى تۇراقتاندىرۋعا, ەلدىڭ قارقىندى دامۋى مەن ازاماتتارىمىزدىڭ يگىلىگىنىڭ ءتۇيىندى ماسەلەلەرىن شەشۋ ءۇشىن قاجەتتى ازاماتتىق تاتۋلىقتى, الەۋمەتتىك تۇراقتىلىقتى قامتاماسىز ەتۋگە قۋاتتى سەرپىن بەرەدى», دەدى Nur Otan پارتياسىنىڭ وبلىستىق «جاس وتان» جاستار قاناتىنىڭ توراعاسى تالعات تىلەس.
سونداي-اق وبلىستىق «جاڭعىرۋ جولى» جق توراعاسىنىڭ ورىنباسارى, وبلىستىق كورەي جاستار قوزعالىسىنىڭ ءتورايىمى سۆەتلانا پاك, «سلاۆيانە» قوعامدىق-مادەني ورتالىعىنىڭ مۇشەسى, وبلىستىق «جاڭعىرۋ جولى» جق توراعاسى ارتەم كوشمان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنىڭ ءوتكىزىلۋىنىڭ ماڭىزدىلىعىنا توقتالىپ, جاستاردى سايلاۋعا بەلسەندى قاتىسۋعا شاقىردى.
«كوپۇلتتى قازاقستان – ءبىزدىڭ باقىتىمىز» دەگەن ءسوزدى قازاقستاننىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆ ۇنەمى ايتىپ كەلەدى. وعان ۇلكەن سەبەپ بار. تاعدىرلى ءسات – قازاقستان ءوز الدىنا تاۋەلسىزدىگىن الار تۇستا قازاقتار ءوز ەلى, ءوز جەرىندە قىرىق پايىزعا دا جەتپەيتىن. سول كەزدە وسى جاستاردىڭ اتا-بابالارى, اكە-شەشەلەرى جان-جاققا بۇرا تارتپاي ءبىرتۇتاس قازاقستاننىڭ ىرگەلى ەل بولۋىن قالاپ, ءبىر تۋدىڭ استىنان تابىلدى.
ەندى ولاردىڭ بالالارى دا قازاقستان پرەزيدەنتىن سايلاۋ ناۋقانىندا ەل كەلەشەگى ءۇشىن جۇمىلعان جۇدىرىقتاي ءبىر بولۋدى قالاپ وتىر.
قىزىلوردا وبلىسى
