ەلباسى نۇرسۇلتان نازارباەۆتىڭ بەس الەۋمەتتىك باستاماسىنىڭ باستاپقىسى «7-20-25» تۇرعىن ءۇي باعدارلاماسىن جۇزەگە اسىرۋ جانە ءار وتباسىنا باسپانالى بولۋعا مۇمكىندىك جاساۋ بولاتىن. جەتەكشى پارتيا قوعامدىق كەڭەسىنىڭ كوشپەلى وتىرىسىندا وسى ورايدا قوستاناي وبلىسىندا جۇزەگە اسىپ جاتقان جۇمىستار تۋرالى ايتىلدى.
جاڭاباي بيسەمباەۆ ەلباسىنىڭ وسى بەس الەۋمەتتىك باستاماسى ومىرگە جولداما العالى پارتيا فيليالى وسىمەن التىنشى رەت قوعامدىق كەڭەس وتىرىسىن وتكىزگەنىن اتاپ ءوتتى.
«باسپانا باعدارلاماسى حالىقتىڭ الەۋمەتتىك ءالجۋاز توپتارىنا, بيۋدجەت قىزمەتكەرلەرىنە وتە ءتيىمدى ەكەنىن ءومىر كورسەتتى. ەڭ باستىسى, وڭىردە تۇرعىن ءۇي قۇرىلىسى قارقىندى ءجۇرىپ جاتىر. ەلباسى اتاعان باعدارلامانىڭ جۇزەگە اسۋىنا مەردىگەر قۇرىلىس كومپانياسى عانا ەمەس, جەرگىلىكتى اتقارۋ ورگاندارى مەن 2-ءشى دەڭگەيلى بانكتەر دە قاتىسىپ وتىر. بۇگىن كوشپەلى وتىرىسقا ولاردىڭ وكىلدەرى قاتىسىپ وتىر» دەدى جاڭاباي جولتاي ۇلى.
رەسپۋبليكالىق ۇلتتىق بانكتىڭ قوستاناي وبلىستىق فيليالى قارجى-باقىلاۋ ۇيىمىنىڭ باستىعى اسەت قۋانىشباەۆ «7-20-25» باسپانا باعدارلاماسىنىڭ جۇزەگە اسۋىنا 2-ءشى دەڭگەيلى بانكتەردىڭ اتسالىسىپ وتىرعانىن تىلگە تيەك ەتتى.
«وبلىستا «تسەنتركرەديت بانكتىڭ» وبلىستاعى فيليالى الدىڭعى ورىندا كەلەدى. ول وسى باعدارلاما بويىنشا تۇرعىنداردان 195 ءوتىنىش قابىلداپ, ونىڭ 169 ءوتىنىشىن ماقۇلداعان. قازىرگى وزەكتى ماسەلە تۇرعىنداردىڭ كرەديتتى وتەۋگە قارجىلاي مۇمكىندىكتەرىنىڭ ازدىعى عانا بولىپ وتىر. ءوتىنىش پەن قۇجاتتارىن بانكتەرگە نەبارى 3 كۇندە راسىمدەۋگە بولادى» دەدى اسەت قۋانىشباەۆ.
جالپى وبلىستا «7-20-25» باعدارلاماسىنا قاتىسىپ وتىرعان 2 –دەڭگەيلى التى بانكتەر ارقىلى 453 تۇرعىن باسپانا الۋعا تالابىن بىلدىرگەن. بانكتەر وسىنىڭ 306 ءوتىنىشىن ماقۇلداپ, كرەديت بەرەتىن بولدى.
وبلىستىق قۇرىلىس, ارحيتەكتۋرا جانە قالاقۇرىلىسى باسقارماسىنىڭ مامانى اسەل ورازبەكوۆا بۇل كورسەتكىش رەسپۋبليكا بويىنشا 7 ورىندا ەكەنىن ايتتى.
«بۇل وتىنىشتەرگە بەرىلەتىن قارجىنىڭ قۇنى 2 ميلليارد 347 ميلليون تەڭگە بولادى. قوستاناي وبلىسى تۇرعىنداردىڭ 2-ءشى دەڭگەيلى بانكتەر ارقىلى باسپانا الۋعا سۇرانىس بەرۋى جانە وتىنىشتەرىنىڭ قولداۋ تابۋى جونىنەن رەسپۋبليكادا 7-ءشى ورىن الامىز. بۇل جامان كورسەتكىش ەمەس» دەدى اسەل ورازبەكوۆا.
كوشپەلى وتىرىسقا قاتىسقاندار ەلباسىنىڭ الەۋمەتتىك باستاماسىنىڭ -ءبىرى «7-20-25» باعدارلاماسىنىڭ جۇزەگە اسۋىنا وبلىستا مۇمكىندىك بار ەكەنىن, ەڭ باستىسى ۇيلەر جەتكىلىكتى سالىنىپ جاتقاندىعىن ايتتى. ءبىر «بك-ستروي» قۇرىلىس كومپانياسىنىڭ ءوزى قوستاناي قالاسىندا 11 ءۇي سالىپ جاتىر. سول ۇيلەردەن 250 پاتەردى وسى باعدارلاما بويىنشا ساتاتىن بولادى.
بيىل وبلىستا بىلتىرعى ساتىلماي قالعان پاتەرلەردى قوسا ەسەپتەگەندە بيىل پايدالانۋعا بەرىلەتىن ۇيلەردەن بارلىعى 600 پاتەر تۇرعىندارعا 2-ءشى دەڭگەيلى بانكتەر ارقىلى ساتىلادى.
قوستاناي
