ءوز كەزەگىندە ءونىم كولەمى ارتقان سايىن ءىرى كاسىپورىنداردىڭ سالىقتىق ءتۇسىمى دە كوبەيە تۇسپەك. بۇل قالا بيۋدجەتىنىڭ ارتۋىنا سەپ بولماق. «حيمفارم» زاۋىتىنىڭ سەرىكتەسى «SANTO» كومپانياسى جىل سوڭىنا دەيىن وتاندىق مەديتسينا ونىمدەرىنىڭ ەكسپورت كولەمىن 10 پايىزعا جەتكىزۋدى كوزدەپ وتىر.
بۇگىندە قازاقستان نارىعىنداعى ءدارى-دارمەكتىڭ ءاربىر بەسىنشى پاكەتى «حيمفارم» فارماتسەۆتيكالىق زاۋىتىنا قاراستى Santo Polpharma Group-تىڭ ءونىمى. اتالعان كومپانيا وندىرىستىك تاجىريبەسى حالىقارالىق GMP ستاندارتىنا 2008 جىلى كوشتى.
بۇگىنگى كۇننىڭ وزىندە كومپانيا قىرعىزستان, رەسەي, تۇركمەنستان, تاجىكستان جانە موڭعوليا مەن وزبەكستان نارىعىنا جول اشقان. ەندى ورتالىق ازيا نارىعىنا عانا ەمەس, شىعىس ەۋروپاعا شىعۋدى جوسپارلاۋدا.
شىمكەنت قالاسى اكىمىنىڭ ورىنباسارى دانات جۋمين الدىڭعى جىلمەن سالىستىرعاندا قالاعا سالىنعان ينۆەستيتسيا كولەمى ەكى ەسەگە ارتقانىن اتاپ ءوتتى. سونداي-اق, ول الداعى ۋاقىتتا كاسىپكەرلەرگە قولايلى شارت-جاعداي جاساۋ ارقىلى شىمقالانى ورتا ازياداعى ءىرى ءوندىرىس ورتالىعىنا اينالدىرۋدى كوزدەپ وتىرعانىن جەتكىزدى.
شىمكەنت
