قاۋىپتەن قايمىقپادى
سارسەنبى, 30 قاڭتار 2013 7:37
ۇيدە بولسىن, تۇزدە بولسىن ادامعا قاۋىپ تونگەن كەزدە, ەڭ الدىمەن ونىڭ قورعانىش ىزدەيتىنى پوليتسيا ەكەندىگى ءسوزسىز. سوندايدا شىنى كەرەك, ۇرى-قارىلاردان, قاندى بالاق قىلمىسكەرلەردەن, ءتىپتى كوشەدەگى بۇزاقىلاردان قورعاپ قالاتىن وسى پوليتسيا قىزمەتكەرلەرى. وسىنداي ءبىر ەرلىككە تولى وقيعا كەشە عانا استانا قالاسىندا ورىن الدى. وندا قولدارىنداعى سۋىق قارۋمەن اينالاسىنا قاۋىپ توندىرگەن قىلمىسكەرلەر كورىنگەنگە وق جاۋدىرىپ, الاپات سويقان تۋعىزدى. بۇل اتىستى ەستىگەن پاترۋلدىك پوليتسيا پولكىنىڭ قىزمەتكەرلەرى پوليتسيا سەرجانتى ن. قۇرماشەۆ, كىشى سەرجانت ە. ەسەنوۆ جانە پوليتسيا ستارشيناسى ا. ايناقۇلوۆتار لەزدە وقيعا ورنىنا جەتىپ باردى. وزدەرىنە قارسى اتىلعان قورعاسىن وقتان قايمىقپاي باتىلدىق پەن ەرلىك ۇلگىسىن تانىتقان پوليتسيا قىزمەتكەرلەرى ەكى قارۋلى قىلمىسكەردى تىرپ ەتكىزبەي بىردەن قۇرىقتادى.
سارسەنبى, 30 قاڭتار 2013 7:37
ۇيدە بولسىن, تۇزدە بولسىن ادامعا قاۋىپ تونگەن كەزدە, ەڭ الدىمەن ونىڭ قورعانىش ىزدەيتىنى پوليتسيا ەكەندىگى ءسوزسىز. سوندايدا شىنى كەرەك, ۇرى-قارىلاردان, قاندى بالاق قىلمىسكەرلەردەن, ءتىپتى كوشەدەگى بۇزاقىلاردان قورعاپ قالاتىن وسى پوليتسيا قىزمەتكەرلەرى. وسىنداي ءبىر ەرلىككە تولى وقيعا كەشە عانا استانا قالاسىندا ورىن الدى. وندا قولدارىنداعى سۋىق قارۋمەن اينالاسىنا قاۋىپ توندىرگەن قىلمىسكەرلەر كورىنگەنگە وق جاۋدىرىپ, الاپات سويقان تۋعىزدى. بۇل اتىستى ەستىگەن پاترۋلدىك پوليتسيا پولكىنىڭ قىزمەتكەرلەرى پوليتسيا سەرجانتى ن. قۇرماشەۆ, كىشى سەرجانت ە. ەسەنوۆ جانە پوليتسيا ستارشيناسى ا. ايناقۇلوۆتار لەزدە وقيعا ورنىنا جەتىپ باردى. وزدەرىنە قارسى اتىلعان قورعاسىن وقتان قايمىقپاي باتىلدىق پەن ەرلىك ۇلگىسىن تانىتقان پوليتسيا قىزمەتكەرلەرى ەكى قارۋلى قىلمىسكەردى تىرپ ەتكىزبەي بىردەن قۇرىقتادى.
ولاردىڭ قولىنداعى مىلتىق پەن وقتاردى تاركىلەدى. قاندىبالاق قاراقشىلار بەيبىت ادامداردى ولتىرۋگە قارەكەت قىلعان ەكەن. ابىروي بولعاندا, دەر كەزىندە جەتىپ, قىلمىسكەرلەردىڭ كىسى ولتىرەرلىك ەكپىنىنەن قورىقپاي, قاۋىپتىڭ كوزىن جويدى.
بۇل ەرلىك اتاۋسىز دا قالمادى. ەرەكشە قىراعىلىق تانىتىپ, قىلمىسكەرلەردى شۇعىل قۇرىقتاعاندارى ءۇشىن پاترۋلدىك پوليتسيا پولكىنىڭ قىزمەتكەرلەرى پوليتسيا سەرجانتى ن. قۇرماشەۆ, كىشى سەرجانت ە. ەسەنوۆ جانە پوليتسيا ستارشيناسى ا. ايناقۇلوۆتار ءىىد باستىعى, پوليتسيا گەنەرال-مايورى امانتاي اۋباكىروۆتىڭ قولىنان ءتۇرلى ماراپاتقا يە بولدى. بۇل ورايدا ءىىد باستىعى: «بىزدە مۇنداي باتىل جىگىتتەر كوپ. ولار ءۇشىن قاشاندا ەرلىككە ورىن بار. ويتكەنى, وسى ەلوردالىق پوليتسيا قىزمەتكەرلەرى ۇنەمى ءوز ومىرلەرىن قاۋىپكە تىگە وتىرىپ, كەز كەلگەن ادامدى قىلمىسكەرلەردەن, ورتتەن, اپاتتاردان قۇتقارۋدا. ولاردىڭ ەرلىكتەرىن ەل باعالايدى», دەدى.
الەكساندر تاسبولاتوۆ,
«ەگەمەن قازاقستان».
