تۇركىستانداعى قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىندە وتكەن تۇركى كەڭەسى تۇركى ۋنيۆەرسيتەتتەرى وداعىنىڭ IV باس اسسامبلەياسىندا ءبىلىم ساپاسىن جاقسارتا ءتۇسۋ ماقساتىنداعى وسىنداي ۇتىمدى ۇسىنىستار مەن ءپىكىرلەر ورتاعا سالىندى. تۇركيا, ازەربايجان, قىرعىزستان, ءوزبەكستان, ماجارستان سياقتى 15-تەن استام مەملەكەتتەن رەكتورلار, ديپلوماتتار, حالىقارالىق ۇيىمداردىڭ وكىلدەرى, ساراپشىلار, عالىمدار, قوعام جانە ءمادەنيەت قايراتكەرلەرى, ستۋدەنتتەر قاتىسقان باسقوسۋدا سونداي-اق, تۇركى كەڭەسى ءتۇركى ۋنيۆەرسيتەتتەرى وداعى شەڭبەرىندە جالپىتۇركىلىك ءبىلىم جانە عىلىمنىڭ بىرىڭعاي جەلىلىك كەڭىستىگىن قالىپتاستىرۋ, «رۋحاني جاڭعىرۋ», « ۇلى دالانىڭ جەتى قىرى» سياقتى رۋحاني قۇندىلىقتارعا نەگىزدەلگەن ءبىلىم بەرۋ باعدارلامالارىنىڭ ءۇيلەسىمدىلىگىن قامتاماسىز ەتۋ ماسەلەلەرى, «ءتۇركىستان پروتسەسى» دەپ اتالاتىن جوعارى ءبىلىم تۋرالى ديپلومداردى ءوزارا تانۋدىڭ وڭتايلاندىرىلعان تەتىكتەرىن ەنگىزۋ تۋرالى يننوۆاتسيالىق جوبا تالقىلاندى. سونىمەن قاتار «ورحۋن» ستۋدەنت الماسۋ باعدارلاماسىن ءارى قاراي دامىتۋ جانە ونى سىنامالى جوبا ءدارەجەسىنەن تولىق اۋقىمدى ستۋدەنت الماسۋ باعدارلاماسىنا اينالدىرۋ بويىنشا جاڭا ۇسىنىستار ايتىلدى. جيىندا تۇركى كەڭەسىنىڭ باس حاتشىسى ب.امرەەۆ تالقىلانعان جانە ۇسىنىلعان باستامالار مۇشە مەملەكەتتەر مەن بارلىق تۇركى حالىقتارى ءۇشىن وڭ ناتيجەلەر بەرەتىنىنە سەنىمدى ەكەنىن ايتىپ ءوتتى. ال حالىقارالىق «Elsevier» كومپانياسىنىڭ ورتالىق ازيا جانە ازەربايجانداعى ايماقتىق باسشىسى ا.وسپانوۆا جانە تۇركيا رەسپۋبليكاسى بويىنشا وكىلى ا.ساراجوعلى وقۋ جانە عىلىمي جۇمىستاردىڭ ساپاسىن جاقسارتۋ, ءتۇركى الەمى ۋنيۆەرسيتەتتەرىنىڭ رەيتينگ دارەجەسىن كوتەرۋ جانە جوعارى وقۋ ورىندارى الەۋەتىن ارتتىرۋعا باعىتتالعان قاجەتتى قىزمەتتەردى كورسەتۋگە كومپانيا دايىن ەكەنىن ءمالىم ەتتى. «ءبىلىم بەرۋ قىزمەتتەرىنىڭ ساپا جۇيەسىن جاقسارتۋ ماقساتىندا, كەلەشەكتە دۇنيەجۇزىلىك ترەندتەرگە سايكەس وقۋ ۇدەرىستەرىن ستاندارتتاۋعا كەپىلدىك بولا الاتىن, جوعارى وقۋ ورىندارىمىزدىڭ بەدەلىنىڭ كۇشەيۋىنە سەپتىگىن تيگىزەتىن جالپىتۇركىلىك ءبىلىم كەڭىستىگىنە قىزمەت ەتەتىن تاۋەلسىز اككرەديتتەۋ اگەنتتىگىن قۇرۋ كەرەك دەپ ەسەپتەيمىن», دەدى قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ رەكتورى ب.ءابدىراسىلوۆ. رەكتوردىڭ اككرەديتتەۋ اگەنتتىگىن قۇرۋ ۇسىنىسى ماجىلىسكە قاتىسۋشىلار تاراپىنان قولداۋ تاپتى.
سونداي-اق IV باس اسسامبلەيا ماجىلىسىندە تۇركيانىڭ كاپادوكيا, نيگدە ومەر حاليسدەمير, گازي ۋنيۆەرسيتەتتەرىنىڭ, ازەربايجان مەملەكەتتiك ەكونوميكا ۋنيۆەرسيتەتىنiڭ جانە ۆەنگريانىڭ سەگدە ۋنيۆەرسيتەتىنىڭ تۇركi ۋنيۆەرسيتەتتەر وداعىنا ءمۇشەلىگى رەسمي تۇردە بەكىتىلدى. ايتا كەتەلىك, اتالعان وداقتىڭ نەگىزى تۇركى كەڭەسى ءىس-شارالارى اياسىندا 2013 جىلى قالانعان بولاتىن. قازىرگى تاڭدا ازەربايجان, قازاقستان, قىرعىزستان جانە تۇركيانىڭ جالپى سانى 19 جوعارى وقۋ ورنى وداقتىڭ ءمۇشەسى. ال قوجا احمەت ياساۋي اتىنداعى حالىقارالىق قازاق-ءتۇرىك ۋنيۆەرسيتەتى بيىل تۇركى ۋنيۆەرسيتەتتەرى وداعىنىڭ كەزەڭ توراعاسى بولىپ تابىلادى.
ءوڭىردىڭ دامۋى مەن جاستار ساياساتىن دامىتۋ بارىسىندا تاجىريبە الماسۋ, وبلىستىڭ تۋريستىك الەۋەتىن ارتتىرۋعا قوسىمشا سەرپىن بەرۋ, تۇركىتىلدەس ۇلتتار اراسىنداعى باۋىرلاستىق بايلانىستار مەن دوستىق قارىم-قاتىناستى دامىتۋ ماقساتىندا وتكەن تۇركى كەڭەسى جاس كوشباسشىلارىنىڭ ءىى فورۋمى دا ءىV باس اسسامبلەياسى اياسىنداعى يگى شارالاردىڭ ءبىرى بولدى. ق.ا.ياساۋي اتىنداعى حقتۋ مەن تۇركىستان وبلىسى اكىمدىگى ۇيىمداستىرعان فورۋمنىڭ اشىلۋ سالتاناتىندا اقپارات جانە قوعامدىق دامۋ مينيسترلىگىنىڭ جاستار جانە وتباسى ىستەرى جونىندەگى كوميتەت توراعاسى م.قوجاحمەت, تۇركىستان وبلىسى اكىمىنىڭ ورىنباسارى م.وتارباەۆ, TUGVA تۇركيا رەسپۋبليكاسى جاستار قورىنىڭ پرەزيدەنتى ە.ەمينوگلۋ, يسلام ىنتىماقتاستىعى جاستار فورۋمىنىڭ پرەزيدەنتى ت.ايحان قاتىسۋشىلارعا ساتتىلىك تىلەدى. فورۋم اياسىندا جاستاردىڭ كەشكى ەركىن تاقىرىپتا كەزدەسۋلەرى, «Opentalks» فورماتىنداعى سەكتسيالىق جۇمىستارى, قاتىسۋشى دەلەگاتتاردىڭ تۇركىستان ءوڭىرىنىڭ تاريحي جانە كيەلى ورىندارىنا ەكسكۋرسياسى ۇيىمداستىرىلدى. سونداي-اق «تۇركىستانعا ورالۋ» تۇركى حالىقتارىنىڭ ەتنو-ونەر فەستيۆالى تۇڭعىش رەت ۇيىمداستىرىلىپ, ەتنوفولكلورلىق انسامبلدەر مەن ءداستۇرلى ورىنداۋشىلار ونەر كورسەتتى. باۋىرلاس ەلدىڭ باسىن قوسقان اۋقىمدى شاراعا جينالعاندار ءتۇركى حالىقتارىنىڭ قولدانبالى ونەر كورمەسىن تاماشالادى.
تۇركىستان وبلىسى
