اتالعان اكتسيا مامىردىڭ سوڭىنا دەيىن قازاقستاننىڭ بارلىق وڭىرىندەگى ء دارىحانالار مەن مەديتسينالىق مەكەمەلەردە وتەدى. شارا شەڭبەرىندە دزۇسو ساراپشىلارى دسم-مەن بىرلەسىپ, دارىلەردىڭ نەگە تەك رەتسەپت بويىنشا بەرىلەتىنىن, پرەپاراتتى رەتسەپتى كورسەتكەندە عانا ساتۋدىڭ ماڭىزدىلىعى تۋرالى, ءوزىن-ءوزى ەمدەۋدىڭ زيانى جايىندا, سونىمەن قاتار, قازاقستاندىقتاردىڭ ءدارىنى قولدانعاننان كەيىن جاعىمسىز رەاكتسيالار تۋىنداعاندا قايدا حابارلاسۋعا بولاتىنىن تۇسىندىرەدى.
سونداي-اق, دزۇسو ماماندارى مەديتسينالىق قاۋىمداستىقتىڭ وكىلى جانە حالىقپەن كەزدەسەدى. دزۇسو ساراپشىلارى الەۋمەتتىك جەلىلەردەگى پاراقشالار ارقىلى تىكەلەي ەفيرگە شىعىپ, ەمدەلۋشىلەردىڭ سۇراقتارىنا جاۋاپ بەرەدى.
قازاقستانداعى دارىلىك پرەپاراتتاردىڭ جاعىمسىز اسەرى تۋرالى مالىمەتتەر دزۇسو فارماكولوگيالىق قاداعالاۋ جانە دارىلىك زاتتاردىڭ جاعىمسىز اسەرلەرىن مونيتورينگتەۋ ورتالىعىندا وڭدەلەدى. دزۇسو پايداسى مەن قاۋىپكە قاتىستى جۇيەلى تالداۋ جاسايدى (پاتسيەنتتەردىڭ وسى نەمەسە باسقا پرەپاراتتى قولدانۋ قاجەتتىلىگىن باعالايدى). 2019 جىلى قاڭتاردان باستاپ دزۇسو اتىنا دارىلەردىڭ كەرى اسەرى تۋرالى 500-دەن استام كارتا-حابارلاما ءتۇستى. بۇل 2018 جىلدىڭ وسى كەزەڭىمەن سالىستىرعاندا 12% از.
- پاتسيەنتتەر ەمدەۋشى دارىگەرمەن بىرگە كارتا-حابارلامانى (سارى كارتانى) تولتىرىپ, www.ndda.kz ۆەب-سايتى ارقىلى ءدارى-دارمەكتىڭ جاعىمسىز رەاكتسياسى تۋرالى حابارلاۋعا بولادى. ءبىزدىڭ ساراپشىلارىمىز ءاربىر ءوتىنىش-حاتتى جەكە قارايدى. پرەپاراتتاردىڭ جاعىمسىز اسەرىن ازايتۋ ءۇشىن, ءبىز قازاقستاندىقتاردى ءدارى-دارمەكتى قاتاڭ دارىگەردىڭ رەتسەپتىسى ارقىلى قابىلداۋعا شاقىرامىز, - دەدى دزۇسو باس ديرەكتورىنىڭ مىندەتىن اتقارۋشى ارنۇر نۇرتاەۆ.
قازاقستاندا 10 جىلدان بەرى فارماكولوگيالىق قاداعالاۋ جۇمىسى جۇرگىزىلەدى. 2008 جىلدان باستاپ قازاقستان رەسپۋبليكاسى دارىلىك پرەپاراتتاردىڭ جاعىمسىز اسەرلەرىن مونيتورينگتەۋ جونىندەگى ددسۇ (ۋپپسالا ق., شۆەتسيا) جاھاندىق باعدارلاماسىنىڭ تولىق قۇقىقتى مۇشەسى جانە ەلىمىز بويىنشا دەرەكتەردى وسى ۇيىمعا جولدايدى.
