اڭدارعا اراشا
سەيسەنبى, 22 قاڭتار 2013 7:05
كەڭ دالادا ەمىن-ەركىن رۇقساتسىز اڭ اۋلاپ, ارامزا ويلارىن ىسكە اسىرىپ جۇرگەن الاياق توپ ۇستالدى. ولار اقبوكەندەردى قىرىپ سالعان. كازتالوۆ اۋدانىنىڭ سارىقۇدىق اۋىلى ماڭىندا قاراقشىلار مىنگەن كولىكتى توقتاتىپ, تەكسەرگەن كەزدە بىرنەشە اقبوكەننىڭ ەتى جانە كەسىلگەن ءمۇيىزدەرى تابىلدى. سونىمەن بىرگە, اڭشى مىلتىعى وعىمەن تاركىلەنىپ الىندى.
دالا ەركەسى – اقبوكەندەردى اياۋسىز قىرىپ, مۇيىزدەرىن الىپساتارلارعا اقشاعا ايىرباستاپ ءجۇرگەن ەكى اۋىل تۇرعىنى ەكەن. ەكەۋى دە كازتالوۆ اۋداندىق ىشكى ىستەر ءبولىمىنىڭ ۋاقىتشا ۇستاۋ وقشاۋلاعىشىنا قامالدى. ولاردىڭ ۇستىنەن قك-ءنىڭ 288-بابى بويىنشا قىلمىستىق ءىس قوزعالدى.
الايدا, وبلىس اۋماعىندا رۇقساتسىز اڭ اۋلاۋ وقيعاسى باسەڭدەمەي وتىر.
فاتيحوللا ماشتاحوۆ,
باتىس قازاقستان وبلىستىق
ىشكى ىستەر دەپارتامەنتىنىڭ قىزمەتكەرى.
