ءسىز نە دەيسىز؟
سەنبى, 12 قاڭتار 2013 7:50
قىس قاھارىن قامدانعان جەڭەدى
باسى قاتتىلاۋ باستالعان قىس كەي وڭىرلەردە جىلۋ بەرۋگە دايىندىقتىڭ وسال تۇستارىن اشىپ تاستادى. بۇل اق شۇناق اياز بەن اق مىلتىق بوراندار بولماي جاتىپ ابدىراپ قالعان قالالار مەن اۋىلداردى كادىمگىدەي ابىگەرگە سالدى. بۇل قىستىڭ كوزى قىراۋدا جىلۋسىز قالعان تۇرعىنداردىڭ ورىندى نارازىلىعىن تۋدىردى. وبلىستا قىسقى جىلۋ بەرۋ ماۋسىمىنا دايىندىق دەڭگەيى قانداي؟ قىستان قىسىلماي شىعۋدىڭ قامى جاسالدى ما؟ جىلۋ بەرۋ ماۋسىمى ءبىزدىڭ وڭىردە قالاي وتۋدە؟
سەنبى, 12 قاڭتار 2013 7:50
قىس قاھارىن قامدانعان جەڭەدى
باسى قاتتىلاۋ باستالعان قىس كەي وڭىرلەردە جىلۋ بەرۋگە دايىندىقتىڭ وسال تۇستارىن اشىپ تاستادى. بۇل اق شۇناق اياز بەن اق مىلتىق بوراندار بولماي جاتىپ ابدىراپ قالعان قالالار مەن اۋىلداردى كادىمگىدەي ابىگەرگە سالدى. بۇل قىستىڭ كوزى قىراۋدا جىلۋسىز قالعان تۇرعىنداردىڭ ورىندى نارازىلىعىن تۋدىردى. وبلىستا قىسقى جىلۋ بەرۋ ماۋسىمىنا دايىندىق دەڭگەيى قانداي؟ قىستان قىسىلماي شىعۋدىڭ قامى جاسالدى ما؟ جىلۋ بەرۋ ماۋسىمى ءبىزدىڭ وڭىردە قالاي وتۋدە؟
«ەگەمەن قازاقستان» گازەتىنىڭ اقتوبە وبلىسى بويىنشا ءتىلشىسى ساتىبالدى ءساۋىرباي «اقتوبە وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسى» مم باستىعى ەرلان بليەۆكە:
– ءسىز بۇعان نە دەيسىز؟
– شۇكىر, وبلىستا سوڭعى جىلدارى بۇل باعىتتا ەرەكشە ەلەڭ ەتكىزەتىندەي اپاتتىق جاعداي بولا قويعان جوق. بيىل دا جىلۋ بەرۋ ماۋسىمىنا تياناقتى ازىرلىكپەن تۇستىك, سوندىقتان ازىرگە ابىرجيتىنداي ەشتەڭە جوق.
وتكەن جىلى وبلىس بويىنشا 108 جىلۋ قازاندىعى, 250,3 شاقىرىم جىلۋ جەلىسى, 219,2 شاقىرىم سۋ جانە كارىز جەلىسى, 645,0 شاقىرىم ەلەكتر جەلىسى, 255 ءبىلىم بەرۋ نىسانى, 256 دەنساۋلىق ساقتاۋ نىسانى, 42 وزگە دە الەۋمەتتىك نىسان مەن 1 090 تۇرعىن ءۇي ءتۇرلى جوندەۋدەن وتكىزىلدى. بۇل باعىتتاعى جوسپارلانعان جۇمىستار تولىقتاي جۇزەگە اسىرىلدى. وسى باعىتقا بولىنگەن قاراجات كولەمى ونىڭ الدىنداعى جىلمەن سالىستىرعاندا 70 پايىزعا كوبەيىپ, 6,8 ملرد. تەڭگەنى قۇرادى. اتاپ ايتقاندا, 2012 جىلى اقتوبە قالاسىنىڭ ءىشكىورامدىق جىلۋ جەلىلەرىن جوندەۋ جۇمىستارى جۇرگىزىلىپ, ناتيجەسىندە 13 شاقىرىمنان استام جىلۋ جەلىسى قايتا جاراقتاندىرىلدى.
2000-نان استام تۇرعىنى بار مۇعالجار اۋدانى جەم قالاسىنىڭ جىلۋ جۇيەسىن قالپىنا كەلتىرۋ ماسەلەسىن ءتۇبەگەيلى شەشۋ ماقساتىندا 3,8 شاقىرىم جىلۋ جەلىسىن قايتا جاراقتاندىرىپ, 3 جاڭا جىلۋ قازاندىعىن ورناتتى. سونداي-اق, اعىمداعى جىلى شاعىن قالا كوگىلدىر وتىنمەن قامتاماسىز ەتىلدى. وسىعان قوسا, العا قالاسىنىڭ جانە تەمىر اۋدانىنداعى شۇبارقۇدىق كەنتىنىڭ ورتالىق جىلۋ قازاندىقتارىندا قايتا جاڭعىرتۋ جۇمىستارى ءجۇرگىزىلىپ, قازاندار مەن وزگە دە نەگىزگى قۇرال-جابدىقتار ورناتىلدى. بۇل باعىتتاعى جۇمىستار اعىمداعى جىلى دا ءوز جالعاسىن تاباتىن بولادى.
2012 جىلى وبلىستىڭ بيۋدجەتتىك مەكەمەلەرىنە جوسپارلانعان 54,6 مىڭ توننا كومىر جانە 11,8 مىڭ توننا ديزەل وتىنى تولىعىمەن جەتكىزىلدى. جالپى وبلىس بويىنشا 2012-2013 جىلدارداعى جىلۋ بەرۋ ماۋسىمى قالىپتى جاعدايدا وتكىزىلۋدە.
اقتوبە وبلىسى.
