ەكسپوزيتسيا مۇسىندىك پورترەتتەر مەن سيمۆوليكالىق پورترەتتەردى, گرافيكالىق جۇمىستاردى, ءبارىن قوسقاندا, ءار جىلداردا شەبەردىڭ قولىنان شىققان توقساننان استام تۋىندىنى قامتىعان. ەرتەرەكتەگى شىعارماشىلىعىنا «كىتاپحاناشى ليۋسيا» جانە «ۆيكتور» دەگەن ەكى جۇمىسى جاتادى. يسا پايعامباردىڭ «سەندەر ‒ مەنىڭ دوستارىمسىڭدار» دەگەن سوزىمەن اتالعان كومپوزيتسياسى يسا پايعامبار مەن ونىڭ مورالدىق كەمەلدىككە ۇمتىلعان ون ەكى شاكىرتىنىڭ جۇمىلا, ەكپىندى ءارى سەنىمدى ادىمداعان شەبىنەن تۇرادى. كۇمىس جاعىلعان گرانيتتەن جاسالىپ, ميف پەن ءدىننىڭ قۇپيا كەڭىستىگىنىڭ اراسىندا سالتانات قۇرعان ادامزات تاريحىنا قويىلعان باستى ەسكەرتكىشتەرگە ارنالعان وبەكتىلەر توپتاماسى كورەرمەن قىزىعۋشىلىعىن تۋدىرعان شىعارمالار.
اسقار ەسەنباەۆتىڭ شىعارماشىلىعىندا گرافيكا دا بار. مۇسىنمەن كورسەتە الماعانىن گرافيكا تىلىمەن جەتكىزەدى. سۋرەتشىگە تۇسىندىرۋگە بولاتىن كەز كەلگەن تاسىلمەن جەتكىزگەن ماڭىزدى: ولار ‒ جاپسىرۋ, سۋرەت سالۋ, سويلەۋ.
ا. ەسەنباەاۆتىڭ جۇمىستارى ءا. قاستەەۆ اتىنداعى قر مەملەكەتتىك ونەر مۋزەيىنىڭ قورىندا, مەملەكەتتىك ترەتياكوۆ گالەرەياسىندا, سونداي-اق اقش, يتاليا, گەرمانيا, فرانتسيا جانە رەسەي ەلدەرىنىڭ جەكە كوللەكتسيالارىندا ساقتاۋلى.
