«بايقاۋدى وتكىزگەندە قازاق, ورىس جانە اعىلشىن تىلدەرىن جەتىك مەڭگەرگەن دارىندى جاستاردى انىقتاۋ جانە قولداۋدى, قازاقستاندىق ءپاتريوتيزمدى نىعايتۋدى, تىلدىك مادەنيەتىن تاربيەلەۋدى, وزگە حالىقتاردىڭ ءتىلى مەن مادەنيەتىن قۇرمەتتەۋدى قالىپتاستىرۋدى ماقسات تۇتتىق» دەيدى وىلستىق تىلدەردى دامىتۋ باسقارماسىنىڭ ءبولىم مەڭگەرۋشىسى باقىتگۇل سۇيلەيمەنوۆا.
بايقاۋعا قاتىسقاندار اعىلشىن تىلىندە ەسسە جازدى. اعىلشىن تىلىندە بەرىلگەن ءماتىندى اۋدارىپ, ول ءتىلىن قانشالىقتى بىلەتىندىگى سىنالدى. ال ءار قاتىسۋشى قازاق تىلىندە بەرىلگەن تاقىرىپتى ءوزىنىڭ سوزدىك قورىن كورسەتە وتىرىپ, اشىپ, اڭگىمەلەپ بەرۋى ءتيىس بولدى.
ارقالىق قالاسىنان كەلگەن بايان شاياحمەتكە «ءسوز شەبەرى», رۋدنىيلىق سۋلەيمەن كەۋىلقوسوۆقا «ءتىل شەبەرى», قوستاناي قالاسىنان قاتىسقان گۇلفايرۋز نۇرماعانبەتوۆاعا «كورەرمەن كوزايىمى» اتالىمدارى بويىنشا قۇرمەت كورسەتىلىپ, ديپلومدارمەن ماراپاتتالدى, مۇنىمەن قوسا 16 گب فلەشكاسى سىيعا تاپسىرىلدى.
بايقاۋ قورىتىندىسى بويىنشا ءى ورىندى امانگەلدى اۋدانىنان قاتىسقان مەيىرىم تۇرارحان جەڭىپ الدى. ول ءۇش تىلدە ەركىن سويلەۋىمەن ەرەكشەلەندى. ءىى ورىنعا ءو.سۇلتانعازين اتىنداعى قمپۋ ستۋدەنتى كوبجانوۆا اينۇر لايىق دەپ تابىلدى. ءىىى ورىندى التىنسارين اۋدانىنان كەلگەن نارعىز ناسىلبەكوۆا الدى. جەڭىمپازداردىڭ بارلىعىنا ارنايى ديپلومدار مەن اقشالاي سىيلىقتار تاپسىرىلدى.
2019 جىلدىڭ قازان ايىندا شىمكەنت قالاسىندا وتەتىن «ءتىلدارىن» اتتى رەسپۋبليكالىق بايقاۋىندا قوستاناي وبلىسىنىڭ نامىسىن مەيىرىم تۇرارحان قورعايتىن بولادى.
قوستاناي
