ازيا بىرىنشىلىگى قىرعىزستان استاناسى بىشكەكتە وتكەن بولاتىن. ماقتاارال اۋدانىندا تۋىپ-وسكەن تولەگەننىڭ بۇل ءبىرىنشى جەڭىسى ەمەس. الماتى قالاسىنداعى رەسپۋبليكالىق مامانداندىرىلعان سپورت مەكتەبىن بىتىرگەن ول 2015 جىلدان باستاپ دجيۋ-دجيتسۋمەن اينالىسىپ كەلەدى. ەلىمىزدىڭ بىرنەشە دۇركىن چەمپيونى اتاندى. سونداي-اق, 2016 جىلى ەرەجەسىز جەكپە-جەكتەن «الاش پرايد» دوداسىنىڭ جەڭىمپازى بولدى. ال 2018 جىلى پانامادا وتكەن دجيۋ-دجيتسۋ بويىنشا الەم كۋبوگىندا تولەگەن اتاقۇلوۆ كۇمىس جۇلدەگەر اتانىپ, ەل ابىرويىن اسقاقتاتتى.
چەمپيون اۋدان تۇرعىندارىمەن كەزدەسۋدە سپورتقا كەلگەن ساتتەرىندەگى قيىندىقتار مەن جەڭىستەرى جونىندە باياندادى. ماقتاارال توپىراعىندا دۇنيەگە كەلگەنىن ماقتان ەتەتىندىگىن جەتكىزدى. جاس سپورتشىلاردىڭ سۇراقتارىنا جاۋاپ بەرىپ, سالاۋاتتى ءومىر سالتىن ۇستانۋعا شاقىردى. ال جەرلەستەرى چەمپيونعا ات مىنگىزىپ, سپورتتىق جەڭىستەر تىلەدى. سونداي-اق, ازيا چەمپيونى اۋدان اكىمى ب.اسانوۆتىڭ قابىلداۋىندا بولىپ, جاستار تاربيەسى, سپورت سالاسىن دامىتۋ تاقىرىبىندا پىكىر الماستى.
تۇركىستان وبلىسى
