ايماقتار • 22 ءساۋىر، 2019

الماتىدا «يسلام الەمىندەگى تاتۋلاستىق» باستاماسىن كوتەرگەن جيىن ءوتتى

436 رەت كورسەتىلدى

بۇگىن الماتىدا «يسلام الەمىندەگى تاتۋلاستىق باستاماسى: يىۇ مەملەكەتتەرىندەگى بەيبىتشىلىك پەن شيەنەلىستەردى رەتتەۋ مۇمكىندىكتەرى» اتتى حالىقارالىق سەمينار ءوتىپ جاتىر.

سىرتقى ىستەر ءمينيسترىنىڭ ارنايى وكىلى قايرات لاما-شاريف يىۇ حالىقارالىق دەڭگەيدە قازاقستاننىڭ باستامالارىن قولداۋدى جالعاستىرىپ، ولاردىڭ ءساتتى جۇزەگە اسىرىلۋىنا ءوز ۇلەسىن قوسىپ كەلە جاتقانىن اتاپ ءوتتى.

اتاپ ايتقاندا، ازياداعى ءوزارا ءىس-قيمىل جانە سەنىم شارالارى جونىندەگى كەڭەس پەن الەمدىك جانە ءداستۇرلى دىندەر كوشباسشىلارىنىڭ سەزىن شاقىرۋ جونىندەگى باستامالار ۇيىمنىڭ جىل سايىنعى قۇجاتتارىندا كورىنىس تابادى. يىۇ قازاقستاننىڭ «شىعىس – باتىس» جۇلگەسى بويىنشا قارىم-قاتىناستا وزىندىك كوپىر قىزمەتىن اتقاراتىن وركەنيەتارالىق جانە دىنارالىق ديالوگتى دامىتۋ سالاسىنداعى ماڭىزدى ۇيلەستىرۋشىلىك ءرولىن مويىندايدى.

«ءبىزدىڭ ەلىمىز يىۇ-نىڭ حالىقارالىق ارەناداعى ءرولىن كۇشەيتۋگە، ۇيىمنىڭ ەۋروپالىق وداقپەن، ەۋروپاداعى قاۋىپسىزدىك جانە ىنتىماقتاستىق ۇيىمىمەن، شانحاي ىنتىماقتاستىق ۇيىمىمەن، G-20-مەن قارىم-قاتىناستارىن نىعايتۋدى، سايلاۋ كەزىندە  قاتىسۋ، قاداعالاۋ  تاجىريبەسى مەن مۇمكىندىگىن كەڭەيتە بەرگەندى قولدايدى» ، -دەپ اتاپ ءوتتى قايرات لاما –شاريف. 
قر سىرتقى ىستەر ءمينيسترىنىڭ ارنايى وكىلى، يىۇ –نىڭ   2018 جىلى 5-6 مامىردا داككا قالاسىندا  وتكەن 45 سەسسياسىندا قازاقستاندىق ديپلومات اسقار مۋسينوۆكە باس حاتشىنىڭ  عىلىم جانە تەحنولوگيا سالاسى بويىنشا ورىنباسارى لاۋازىمىنا سايلانۋىنا قولداۋ بىلدىرگەنى ءۇشىن العىسىن ايتتى.    
«اراب كوكتەمى» تاياۋ شىعىس ەلدەرىنىڭ الەۋمەتتىك-ەكونوميكاسىنىڭ جانە الەمدىك ساياساتقا اسەر ەتتى. الەم ونىڭ كەرى زاردابىن ءالى كۇنگە دەيىن سەزىپ كەلەدى. الەمدىك قاۋىمداستىق   بارلىق مۇمكىندىكتى جۇمىلدىرسا دا  سيريا  ماسەلەلەرى بويىنشا تەكە-تىرەستى  رەتتەي الماي كەلەدى.   
ء بىز ليۆيا اراسىنداعى قاراما-قارسىلىقتىڭ ورشۋىنە ۇلكەن الاڭداۋشىلىقپەن قارايمىز. ءبىز ليۆيادا بەيبىتشىلىك پەن بىرلىككە قول جەتكىزە المايتىندىعىنا تەرەڭ سەنىمدىمىز. وسىعان بايلانىستى ءبىز جانجالداۋشى تاراپتارعا اسكەري ارەكەتتەردى توقتاتۋعا جانە كەلىسسوزدەر ۇستەلىنە وتىرۋعا شاقىرامىز. سونىمەن بىرگە ءبىز يىۇ تاراپتاردىڭ تاتۋلاسۋىنا جانە ليۆيا ارالىق قاقتىعىستاردىڭ رەتتەلۋىنە بارىنشا بەلسەندى قاتىسۋعا ءتيىس دەپ سانايمىز»، -دەپ اتاپ قايرات لاما –شاريف.
بۇل جيىنعا قاتىسۋشىلارىنىڭ سوزدەرىندە سيرياداعى جاعدايدىڭ ورشىگۋىنە الاڭداۋشىلىقتارى ايتىلىپ جاتتى.  تۇركى كەڭەسىنىڭ باس حاتشىسى باعداد  امىرەەۆ ءوز سوزىندە قازىر بىزگە يىۇ –ىن قايتا قۇرىلىمداۋ كەرەكتىگىن تىلگە تيەك ەتىپ ءوتتى.  سونداي-اق تۇركى كەڭەسىنىڭ باس  ءحاتشىسىنىى  «ۇيىمنىڭ مانداتىن كۇشەيتۋ كەرەك» دەگەن ۇسىنىسى جينالعاندار تاراپىنان قولداۋ تاپتى. يكۇ حاتشىلىلىعىنىڭ قازىرگى مۇمكىندىگى مەن وكىلەتتىلىگى كەيبىر ماسەلەلەرگە ارالاسۋعا جانە شەشۋگە مۇمكىندىك بەرمەيدى ەكەن. «سونداي –اق يسلام راديكاليزمى، ەكسترەميستىك توپتاردىڭ ۇيىمى يىۇ –نىڭ يميدجىنە كەرى اسەر ەتەدى» دەگەن پىكىرلەر وسى جيىندا ايتىلدى.         
قازاقستان يىۇ-عا مۇشە مەملەكەتتەردى ديپلوماتيالىق ميسسيالاردىڭ، پارلامەنتارالىق ديالوگتاردىڭ، ۇكىمەتتىك ەمەس ۇيىمداردىڭ الەۋەتىن پايدالانىپ، سەنىم شارالارىن ازىرلەۋ ارقىلى ءارتۇرلى كونسۋلتاتيۆتىك تەتىكتەردى قۇرۋ ارقىلى شيەلەنىستى تومەندەتۋ جانە جيناقتالعان ماسەلەلەردى شەشۋ جولىمەن وسى باستامانى ءىس جۇزىندە جۇزەگە اسىرۋعا شاقىرادى.   
سەمينار جۇمىسى ەرتەڭ دە دە جالعاسادى 

الماتى

سوڭعى جاڭالىقتار

شىرقاۋ شىڭى شوقاننىڭ

رۋحانيات • كەشە

ۇقساس جاڭالىقتار