سوعىس ارداگەرلەرى مەن قاريالاردى ۋرولوگيا عىلىمي ورتالىعىنىڭ تەراپەۆت, كارديولوگ, گاستروەنتەرولوگ, ۋرولوگ, نەفرولوگ دارىگەرلەرى تەگىن قابىلداپ, كەڭەس بەرمەك. ستاتسيونارلىق ەم قاجەت بولعان جاعدايدا ۋرولوگيا عىلىمي ورتالىعى تەگىن ەم كورسەتەدى. دارىگەرلەردىڭ قابىلداۋ ۋاقىتى: كۇندەلىكتى ساعات 9:00-16:00. «قارتى بار ءۇيدىڭ قازىناسى بار» دەمەكشى, اتا-اجەلەرىمىز امان بولسىن. ءبىز ولاردىڭ جاساعان جاقسىلىعىن ۇمىتپايمىز. ۇلكەندەرگە قۇرمەت كورسەتۋ – ءبىزدىڭ باستى پارىزىمىز», دەپ سانايدى دارىگەرلەر. سوندىقتان دا بۇل شارا جەڭىس كۇنى قارساڭىندا كونەكوز قاريالارىمىزعا ارنالىپ وتىر.
وتكىزۋ ورنى الماتى قالاسى, باسەنوۆ كوشەسى, 2ۆ.
– وسىدان ون كۇن بۇرىن تىل ارداگەرى مۇقانوۆ يگەنكۇل ءزار شىعارۋ جۇيەسىنىڭ قيىنداۋى مەن قۋىعىنىڭ سىزداپ اۋرۋى مازالاپ, ۋرولوگيا عىلىمي ورتالىعىنا كەلگەن بولاتىن. بۇعان دەيىن پاتسيەنت مەديتسينالىق تەكسەرۋدەن ءوتىپ, ءدارى-دارمەكپەن ەمدەلىپ كەلگەن. كوپتەگەن اۋرۋحانا دارىگەرلەرى ناۋقاستىڭ جاسىن, قوسالقى اۋرۋلارىن ەسكەرىپ, ۋرولوگيا عىلىمي ورتالىعىنا جىبەرگەن. مۇنداعى بىلىكتى دارىگەرلەر مەن پروفەسسورلار قاريانىڭ قۋىعىندا تاس جينالىپ قالعانىن انىقتاپ, 16 ءساۋىر كۇنى كۇردەلى وپەراتسيا جاسادى. اندرولوگيا بولىمشەسىنىڭ دارىگەرلەرى قوجامجاروۆ اليجان قوجامجاروۆ پەن ياكۋب حاحازوۆ جاساعان وپەراتسيا 2 ساعاتقا سوزىلىپ, ناۋقاستىڭ قۋىعىنان 6 تاس الىندى. ۋرولوگيا عىلىمي ورتالىعىندا ءتيىستى ەم شارالارىن قابىلداعان قاريانىڭ دەنساۋلىعى قازىر بىرقالىپتى. ەندى ۋرولوگ-دارىگەرلەر 23 ءساۋىر كۇنى ناۋقاستى ۇيىنە سالتاناتپەن شىعارىپ سالادى, – دەيدى ورتالىقتىڭ ءباسپاسوز حاتشىسى ايعانىم اليپوۆا.
الماتى
