سونى سەرپىلىستەر كەزەڭى

مەن بۇگىنگى جاستارعا شىن مانىندە قىزىعا قارايمىن. ويتكەنى, ولار تاماشا ۋاقىتتا ءومىر ءسۇرىپ جاتىر. ولاردىڭ اتا-انالارىنىڭ تۇسىنە دە كىر­مەگەن نارسەلەر قازىرگى تاڭدا اقيقاتقا اينالعان. مەنىڭ بۇكىل ەڭبەك جولىم باتىس قازاقستان وبلىسىنىڭ تەرەكتى اۋدانىنداعى استىقتى “ترۋدوۆيك” كەڭشارىمەن ءتى­كە­لەي بايلانىستى. ونىڭ ەڭبەك جەڭىسىندەگى داڭقتى تاريحى مە­نىڭ كوز الدىمدا ءوتتى. كەڭشار 23 مىڭ گەكتاردان استام جەرگە ەگىن ەگىپ, اۋا رايى قولايلى جىل­دارى مولىنان ءونىم جي­نايتىن. ءسويتىپ, بۇكىل رەس­پۋبليكا بويىنشا الدىڭعى ساپتاعىلار قاتارىنان كورى­نەتىن. وتانىمىز ءۇشىن قيىن­دىققا تولى 90-جىلدارعى كە­لەڭسىز ۇدەرىستەر شارۋاشىلىق تاعدىرىنا دا كەرى اسەرىن تيگىزدى. ناتيجەسىز جۇرگىزىلگەن تاجىريبەلەر سالدارىنان كەڭ­شار كۇيرەپ تىندى. ۋاقىت وتە قايتا ەڭسە كوتەرە باستاعان اۋىل ەكونوميكاسىن باس­قارۋعا ەڭبەكسۇيگىشتىگىمەن جانە كا­سىبي دايىندىعىمەن تانىل­عان­دار, قيىندىقتارعا قاسقايىپ قارسى تۇرا ءبىل­گەندەر كەلدى. مەن زەينەت دەمالىسىنا شىققالى ءبىراز ۋاقىت بولدى. جاقىندا قالاعا قونىس اۋدار­دىم. بىراق كوكتەمدە جانە جاز­دا مىندەتتى تۇردە تۋعان پريرەچنوە اۋىلىنا – “ترۋ­دوۆيك” كەنشارىنىڭ بۇرىنعى ورتالىق ۋسادباسىنا كەلىپ تۇرامىن. ءار كەلگەن سايىن جەرلەستەرىمنىڭ جاڭا ءبىر تا­بىستارىن كورىپ, كوڭىلىم وسەدى. “جول كارتاسى” دەگەن باع­دارلامانىڭ تابىستىلىعىن ايتساڭىزشى! وسى باستاماسى ءۇشىن ءبىزدىڭ پرەزيدەنتىمىزگە جۇمىس تاپقان, تۇرعىن ۇيگە قول جەتكىزگەن ادامداردىڭ العىسى شەكسىز! جوندەلگەن جولدار, اۋرۋحانالار مەن مەك­تەپتەر جانە جاڭا بالاباق­شالار ءۇشىن دە ريزاشىلىق­تارى مول. ءبىزدىڭ بالالا­رى­مىز جوعارى وقۋ ورىندارىن, كول­لەدج­دەردى بىتىرگەننەن كەيىن جۇمىس تاپپاي قينالىپ كەل­گەندەرى دە جاسىرىن ەمەس. ال قازىر “جاستار پراك­تي­كاسى” باعدارلاماسى بويىنشا ولارعا جۇمىس بەرىلەدى. ءسوي­تىپ, ولار ءىس جۇزىندە تاجىريبە جيناقتاۋعا مۇمكىندىك الىپ وتىر. مەن تەرەكتىلىك جەرلەستەرىم ءۇشىن شەكسىز قۋانىشتىمىن: ولاردىڭ ۇيلەرىنە “كوگىلدىر وتىن” – گاز كەلدى. بۇل – اۋىل ادامدارىنىڭ ءومىر ءسۇرۋ دەڭ­گەيى جاڭا ساپاعا كوتەرىلەدى دەگەن ءسوز. ءسىزدىڭ باستاما­لارى­ڭىزدىڭ بارلىعى قازاقستان­دىقتاردىڭ ءومىر ساپاسىن جاق­سارتۋعا باعىتتالعان, قۇرمەتتى پرەزيدەنت. ءسىزدىڭ وبلىستى گاز­داندىرۋ جونىندەگى تاپسىر­ماڭىز قالاي ورىندالىپ جات­قانى تۋرالى ايرىقشا ايتقىم كەلەدى. بۇعان دەيىن وبلىس اۋماعىندا اتى الەمگە بەلگىلى قاراشىعاناق گاز كوندەنساتى كەن ورنى بولا تۇرا, كوپ­شىلىگىنىڭ گاز قىزىعىن كورە الماي وتىرعاندارى جەرگىلىكتى تۇرعىنداردىڭ تۇسىنبەۋشىلىگىن تۋعىزاتىن. وسىنداي جاۋاپتى دا تاعدىرشەشتى مىندەتتەردى جۇزەگە اسىرۋ كەي جاعدايدا كادرلارعا, ولاردىڭ بىلىكتىلىگى مەن كاسىبيلىگىنە بايلانىستى ەكەنى بايقالادى. باقتىقوجا ىزمۇحامبەتوۆ بۇرىنعى مينيستر رەتىندە, بىزدىڭشە, قۋات كوزدەرىنىڭ قۇنى مەن ماڭىزىن جاقسى بىلەتىن سياقتى. قىسقا مەرزىم ىشىندە وبلىستا گازداندىرۋ باعدار­لاماسى بۇرىن-سوڭدى بولماعان اۋقىمعا جەتۋى دە سوندىقتان بولسا كەرەك. قازىرگى كەزدە “كو­گىلدىر وتىن” وبلىس ورتالىعى تۇر­عىندارىنىڭ ۇيلەرىنە عانا ەمەس, ورالدان 600 شاقىرىم قاشىقتىقتا جاتقان بوكەي ورداسى اۋىلدارىنا دەيىن جە­تىپ تۇر. گازداندىرۋ باعدار­لا­ماسىنا سايكەس 2010 جىلى اۋقىمدى جۇمىستار اتقارىلۋى ءتيىس. قاراشىعاناق – ورال گاز قۇبىرىنىڭ ەكىنشى كەزەڭىنىڭ قۇرىلىسى ءجۇرىپ جاتىر. وسى جوبا اياقتالعان كەزدە 92 مىڭ تۇرعىنى بار 146 ەلدى مەكەن “كوگىلدىر وتىنعا” قول جەتكىزەتىن بولادى. بۇل – وب­لىستاعى ون ەكى اۋىلدىق اۋدان­دار تۇرعىندارىنىڭ توعىزىنان استامى گازبەن قامتىلادى دەگەن ءسوز. نۇرسۇلتان ءابىش ۇلى, ءسىزدىڭ كاسىپكەرلەر تۋرالى ايتقان­دارىڭىز جۇرەگىمىزگە وتە جىلى تيەدى. شىن مانىندە ىسكەر دە ىلكىمدى ادامدار مەملەكەتتىڭ ەكو­نوميكالىق قۋاتىن ارتتى­رىپ, جاڭا الەۋمەتتىك باعدار­لامالاردىڭ جۇزەگە اسۋلارىنا مۇمكىندىكتەر تۋعىزادى. مۇنى مەنىڭ تۋعان تەرەكتى اۋىلىمداعى مىسالداردان دا ايقىن كورۋگە بولادى. جەر­گىلىكتى كاسىپكەرلەردىڭ باستاما­لارىنىڭ ارقاسىندا جۇزدەگەن جۇمىس ورنى قۇرىلىپ, اۋىل­دار ينفراقۇرىلىمى قايتا جاڭعىرۋدا. ءسويتىپ, اۋىل ادام­دارىنىڭ ەرتەڭگى كۇنگە دەگەن سەنىمدەرى ارتا تۇسكەن. كوپ­شىلىگى تانىس ىسكەر ادامداردان ۇلگى الىپ, جەكە دۇكەندەرىن اشىپ العان. ءوزىنىڭ شارۋا قوجالىعىن ۇيىمداستىر­عان­دارى دا بار. بۇرىندارى ءوزىمىزدىڭ وت­باسىمىزدا دا بيزنەسپەن اي­نا­لىساتىن ادام پايدا بولادى دەپ ويلاعان جوق ەدىم. مەنىڭ ءۇل­كەن ۇلىم مۇرات تۋعان اۋى­لىندا ءوزىنىڭ اۋىل شارۋاشى­لىعى كاسىپورنىن قۇرىپ الدى. جاعدايى جامان ەمەس. وعان ديپلومى بار ءتا­جىريبەلى اگرو­نومدىق قىزمەتى مەن بالا كەزى­نەن مەنىڭ سو­ڭىمنان قالماي جۇمىسقا ارا­لاسقانى, جوعارى وقۋ ورنىندا وقىپ جۇرگەندە جيىن-تەرىن كەزىندە كومبايندا جۇمىس ىستەگەنى كوپ كومەگىن تي­گىزگەنى تاعى انىق. ونىڭ شا­رۋا­­شىلىعى قالىپتاسۋ كەزەڭى­نىڭ بارلىق قيىندىقتارىن ەڭ­سەرىپ, قازىردە اياعىنان نىق تۇر. اۋىل كاسىپكەرلەرىنە مەم­لەكەت تاراپىنان ۇلكەن ءجار­دەم-كومەك كورسەتىلىپ كەلەدى. سونىڭ ارقاسىندا ۇلىمنىڭ شارۋاشىلىعى جاڭا تەحنيكا مەن جاقسى تۇقىمعا قول جەت­كىزىپ وتىر, وندىرىستىك بازاسى بار. ال ەڭ باستىسى – ۇلىم بولاشاعىنا سەنىممەن قاراي­دى. كاسىپورنىن دامىتۋ­دى جوسپارلاپ وتىرعانى دا مەملەكەت قامقورلىعىنىڭ ناتيجەسى عوي دەپ بىلەمىن. بىزدەرگە, اعا ۇرپاق وكىل­دەرىنە بالالارىمىز ءۇشىن, قا­زاقستان حالقىن جاڭا ەكونو­ميكالىق ورلەۋگە سەنىمدى باستاپ كەلە جاتقان پرەزي­دەنتىمىزدىڭ باتىلدىعى مەن شەشىمدىلىگى ءۇشىن قالاي قۋان­ساق تا جاراساتىنداي. تولەپقالي مۇقاشەۆ, ەڭبەك ارداگەرى. ورال.