جەرلەستەردەن جەڭىس كۇتەمىز
جۇما, 13 شىلدە 2012 6:17
لوندون وليمپياداسى جاقىنداعان سايىن الەمنىڭ بارشا جۇرتشىلىعى سياقتى قازاقستاندىق جانكۇيەرلەردىڭ دە كوڭىلى كۇننەن كۇنگە ەلەڭدەۋلى ەكەنى ايان. ارينە, ءار ەل ءوز وتانداستارىنىڭ جەڭىسىنە تىلەۋقور. شۇكىر, ءبىزدىڭ دە ءۇمىت ارتقان ساڭلاقتارىمىز بارشىلىق. سولاردىڭ ىشىنەن توپ جارىپ, نامىس تۋىن جوعارى كوتەرىپ, سۇيىكتى قازاقستانىمىزدىڭ داڭقىن الىسقا جاڭعىرتۋشىلار تابىلاتىندىعىنا سەنەمىز.
جۇما, 13 شىلدە 2012 6:17
لوندون وليمپياداسى جاقىنداعان سايىن الەمنىڭ بارشا جۇرتشىلىعى سياقتى قازاقستاندىق جانكۇيەرلەردىڭ دە كوڭىلى كۇننەن كۇنگە ەلەڭدەۋلى ەكەنى ايان. ارينە, ءار ەل ءوز وتانداستارىنىڭ جەڭىسىنە تىلەۋقور. شۇكىر, ءبىزدىڭ دە ءۇمىت ارتقان ساڭلاقتارىمىز بارشىلىق. سولاردىڭ ىشىنەن توپ جارىپ, نامىس تۋىن جوعارى كوتەرىپ, سۇيىكتى قازاقستانىمىزدىڭ داڭقىن الىسقا جاڭعىرتۋشىلار تابىلاتىندىعىنا سەنەمىز.
مەن سپورت الەمىنەن ءبىرشاما حاباردار بولعاندىقتان ءارى سپورتشىلارىمىزدىڭ قابىلەت-مۇمكىندىكتەرىن باعامداي الۋىمنان بۇل جولعى ءدۇبىرلى دودادان ولجالى ورالاتىنداردىڭ سانى كەم دەگەندە 10-نان اسىپ جىعىلادى دەپ ويلايمىن. وسى ورايدا وبلىسىمىز وكىلدەرى اراسىنان بوكسشى سەرىك ساپيەۆ پەن دزيۋدوشى ماكسيم راكوۆتىڭ التىننان القا تاعۋىنا سەنىمىم زور بولسا, جەڭىلاتلەتشى ۆلاديمير كارپوۆتىڭ, دزيۋدوشى گۇلجان يسانوۆانىڭ ءجۇلدەگەر اتاناتىنىنا جانە شاگىم جوق. بۇل – ولاردىڭ قارىم-قايراتىنا, شەبەرلىك ونەرىنە سايكەس ايتىلعان پىكىرىم. باۋىرلارىم, ءسوزىمدى شىندىققا اينالدىرۋلارىڭدى تىلەيمىن.
سپورتتىڭ ءبىر قۇدىرەتتەلىگى ەلدىكتىڭ بەينەسىن پاش ەتۋى دەپ بىلەمىن. مۇنى ايتۋىما سەبەپ, ماسەلەن, بۇرىن-سوڭدى تانىس ەمەس جاندار جاڭاارقا جەرىنەن ەكەنىمدى ەستىگەن بەتتە كىلەڭ بالۋاندار, سامبوشىلار, دزيۋدوشىلار جەرلەسى رەتىندە قوشەمەتتەيدى. ديقانباي بيتكوزوۆ, عازىم جارىلعاپوۆ, تالعات بايشولاقوۆ سىندى ساڭلاقتارىمىزعا ءسۇيسىنىس بىلدىرەدى. راسى كەرەك, ارقالانىپ, ماقتانىپ قالاسىڭ. ولكە ورەندەرى وسىلايشا ەل مەرەيىن اسىرىپ جاتسا, بارىمىزگە ورتاق قۋانىش.
سارتباي توكەنوۆ,
سپورت ارداگەرى.
قاراعاندى وبلىسى,
جاڭاارقا اۋدانى,
س. سەيفۋللين اۋىلى.
