وليمپياداشىلارعا بار جاعداي جاسالدى

سەنبى, 30 ماۋسىم 2012 7:24

قازىر الەمنىڭ نازارىندا – لوندون. ءتورت جىلدا ءبىر اينالىپ كەلەتىن ۇلكەن سپورتتىڭ الامانىندا ۇزەڭگىلەستەرىنەن قارا ءۇزىپ مارەگە العاش جەتۋگە ۇمىتكەر مەملەكەتتەر سوڭعى دايىندىقتارىن پىسىقتاۋدا. وسى الەمدىك توپقا قازاقستان 100-دەن اسا ۇكىلەگەن ءۇمىتىن قوسىپ جاتسا, سونىڭ 13-ءى وڭتۇستىكتىڭ ۇلەسىندە.

سەنبى, 30 ماۋسىم 2012 7:24

قازىر الەمنىڭ نازارىندا – لوندون. ءتورت جىلدا ءبىر اينالىپ كەلەتىن ۇلكەن سپورتتىڭ الامانىندا ۇزەڭگىلەستەرىنەن قارا ءۇزىپ مارەگە العاش جەتۋگە ۇمىتكەر مەملەكەتتەر سوڭعى دايىندىقتارىن پىسىقتاۋدا. وسى الەمدىك توپقا قازاقستان 100-دەن اسا ۇكىلەگەن ءۇمىتىن قوسىپ جاتسا, سونىڭ 13-ءى وڭتۇستىكتىڭ ۇلەسىندە.

ءۇش ميلليونعا جۋىق حالقى بار وڭتۇستىك ءوڭىرى وليمپيادا وي­ىندارىندا نەسىبەسىز بولىپ كورگەن جوق. قۇداي بۇيىرتسا, قا­زاق بايراعىن تۇماندى البيون اسپانىندا جەلبىرەتۋگە مۇمكىن­دىگى جەتەتىن سپورتشىلارىمىز بار. مىناۋ قانداي دەپ سىرتتاي تون پىشپەسەك تە, مەملەكەتىمىزدىڭ نامىسىن قورعايتىن تاجىريبەلى ساڭلاقتارىمىز جەتەرلىك. بۇگىندە ولارعا الاڭسىز دايىندالۋ ءۇشىن بارشا جاعدايدى تۋعىزىپ جاتىرمىز. ناتاليا يۆونينسكايا باستا­عان جەڭىل اتلەتتەرىمىز دايىن­دىق­تىڭ سوڭعى كەزەگىن وتكىزىپ جاتىر.

جۇلدە الۋعا سەنiم ارتىپ وتىرعان سپورت ءتۇرi – تاەكۆاندو. وليمپيادا ويىندارىنا قازاق­ستان قۇراماسى 3 جولداما السا, ونىڭ ەكەۋi وڭتۇستiك ورەندەرiنە تيەسiلi. بۇگiندە نۇرسۇلتان ماماەۆ پەن فەرۋزا ەرگەشوۆا سىندى تاەكۆاندوشىلارىمىز ءوڭتۇس­تiك كورەيادا وقۋ-جاتتىعۋ جيىنىنا قاتىسىپ جاتىر. تاەكۆاندو فەدەراتسياسىنىڭ پرەزيدەنتى, ۇلت­­جاندى ازامات شامسات يسا­بەكوۆتىڭ ايتۋى بويىنشا, وسى وليمپيادادا جەرلەستەرىمىز ولجا سالۋعا ابدەن دايىن.

بايداركا جانە كانوە ەسۋ شە­بەرi ەۆگەني الەكسەەۆ بەلورۋسسيا جانە چەحيا مەملەكەتتەرiندە شەبەرلiگiن شىڭداۋدا. ستەندكە وق اتۋدان انگەلينا ميششۋك ەل نامىسىن قورعايدى. ول رەسەي جانە يتاليا مەملەكەتتەرiندە سايىس­تار­عا قاتىسىپ, دايىندىعىن پى­سىقتاۋدا. ۆەلوسپورتتان الەكساندر دياچەنكوعا سەنiم ارتامىز. ال سپورتتىق گيمناستيكادان ءمول­­­دiر ءازiمباي سىنعا تۇسەدi. نەللي كيمنiڭ iزباسارى بولىپ تابىلاتىن جاس سپورتشى رەسەي­دەگi ءدۇبiرلi باسەكەگە قاتىسىپ قايتتى. بوكستان استانا قالاسىن­دا وتكەن ليتسەنزيالىق جارىستا 49 كيلو سالماق دارەجەسiندە بiرجان جاقىپوۆ توپ جارىپ, وليمپياداعا جولداما الدى.

 ەركiن كۇرەستەن دە ەكi جولداما بار. ونىڭ بiرiن استاناداعى ءدۇبiرلi دودادا ەلەنا شالىگينا جەڭiپ الدى. 67 كيلو سالماق ءدا­رەجەسiندە باق سىنايتىن جەرلەسi­مiزدiڭ وليمپيادادا جۇلدە الاتىن مۇمكiندiگi زور. بۇگiندە ەلەنا ىستىقكولدە شەبەرلiگiن شىڭ­داۋدا جانە تاياۋ كۇندەرi چەحيا­داعى حالىقارالىق جارىسقا قا­تى­سادى دەپ جوسپارلانعان.

ەرلەر اراسىندا تانىمال ەر­كiن كۇرەس شەبەرi ەرمەك بايدۋاشەۆ تايۆانداعى سايىستا جولدا­ماعا قول جەتكiزدi. 84 كيلو سالماق دارەجەسiندە بوز كiلەمگە شىعاتىن ەرمەك لوندوندا بارىن سالسا, جۇلدە الۋعا شاماسى جەتەدi. دزيۋ­دودان 48 كيلو سالماق دارە­جەسiندە الەكساندرا پودريادوۆا دا وليم­پياداعا قاتىسادى. تالانتتى سپورت­شىمىز بiر-ەكi حا­لىقارالىق جارىسقا قاتىسىپ, تورتجىلدىق­تىڭ شiلدەدەگi باستى باسەكەسiنە ساقاداي-ساي بولاتىنىنا سەنiم­دi­مiز. اۋىر اتلەتيكادان ايەلدەر ارا­سىندا نادەجدا نوگاي جارا­قا­تىنا بايلانىستى وليمپيادادان شەت قالدى. ەسە­سiنە, ەرلەر اراسىندا 56 كيلو سالماق دارەجەسiندە چونتەي ارلي تالدىقورعانداعى ەل بiرiنشi­لiگiن­دە توپ جارىپ, جول­دا­ما­عا يە بولدى. بۇل زiلتەمiر كوتە­رۋ شە­بەرiنiڭ دە جۇلدە الۋعا ءمۇم­كiن­دiگi بار. اتالعان سپورتشىلار­دىڭ ءبارi لوندون وليمپياداسىنا قى­زۋ دايىندىق ۇستiندە. باسقارما تاراپىنان ولاردىڭ سايىسقا الا­ڭ­سىز دايىندالۋىنا بارلىق جاعداي جاسالعان. بۇيىرسا, وبلىس باپكەر­لەرi مەن جانكۇيەر­لەرiنiڭ سەنiمi اقتالىپ, سايىپ­قىران­دارىمىز وليمپيادا ويىندارىنان ولجالى ورالادى دەگەن ويدامىز. سونىمەن قاتار, ۇلى­بري­تانيا استاناسىندا جازعى پا­راوليمپيادالىق ويىندار وتەدi. وعان وبلىسىمىزدان ا.سوبولەۆا مەن ا.ميحايلوۆا سىن­دى سۋدا ءجۇ­زۋ شەبەرلەرi قا­تىسادى دەپ كۇتiلۋدە.

اعىمداعى جىلدىڭ بەس ايىندا وبلىس سپورتشىلارى قازاق­ستان بiرiنشiلiكتەرiنەن 72 التىن, 85 كۇمiس, 92 قولا مەدال جەڭiپ الدى. جاسوسپiرiمدەرiمiز دە, جاستارىمىز دا, ەرەسەكتەرiمiز دە وزدەرiنە جۇكتەلگەن مiندەتتi تو­لىق سەزiنiپ, جاقسى كورسەتكiش­تەر­گە قول جەتكiز­دi. جىل باسىنان بە­رi جەر­­­لەس­­­تە­رiمiز ازيا بiرiنشi­لiك­تەرiنەن 7 التىن, 4 كۇمiس جانە 7 قولا مەدال ولجالادى. اتاپ ايتار بولساق, ەر­كiن كۇرەستەن ە. شالىگينا مەن I.ەرمۇحامبەت ازيا چەمپيونى اتانسا, گرەك-ريم كۇرەسiنەن اسحات سالتىباەۆ توپ جاردى. ال پاۋەرليفتينگتەن ك. حان, ۋ. ەرمەتوۆ جانە د. تۇرا­حانوۆ سىندى سپورتشىلار التىن مەدال جەڭiپ الدى. وق اتۋ سپورتىنان ە. لۋنينا دوحاداعى ازيا بiرiنشiلiگiندە توپ جاردى. جانە مۇنداي جاعىمدى جاڭالىق­تاردى ءار سپورت تۇرىنەن مىسالعا كەلتى­رۋگە بولادى.

جىل باسىنان بەرi وڭتۇستiك ورەندەرi الەم بiرiنشiلiكتەرiنە دە قاتىسىپ, ەل قورجىنىنا بiر­نە­شە جۇلدە سالدى. مامىر ايىندا اۋىر اتلەتيكادان 23 جاسقا دە­يiنگi جاستار اراسىندا گۆاتەمالادا ءوت­كەن الەم بiرiنشiلiگiندە جازيرا جاپپارقۇل بiرiنشi ورىندى جەڭiپ الدى. 69 كيلو سالماق دارە­جەسiندە الەم چەمپيونى اتانعان جازيرا ءتورت جىلدان كەيiن برازيليادا وتەتiن وليمپيادا ويىن­دا­رىن­دا­عى باستى ۇمiتتەرiمiزدiڭ بiرi.

وبلىستا تۋريزم, دەنە شى­نىق­­تىرۋ جانە سپورت باسقارما­سىنا باعىنىشتى 1 وليمپيادا رەزەرۆiن دايارلاۋ ورتالىعى, 2 جوعارى سپورت شەبەرلiگi مەكتەبi جانە ب.ساتتارحانوۆ اتىنداعى دارىندى بالالاردىڭ سپورت-ينتەر­ناتى بار. سونداي-اق, 14 مامان­داندىرىلعان سپورت مەكتەپتەرi مەن 6 كوممۋنالدىق قازىنالىق كاسiپورىنى جەمiستi جۇمىس ات­قارۋدا. اتى اتالعان سپورت مەك­تەپتەرi مەن مەكەمەلەردiڭ بارiنە تيiستi مiندەتتەر جۇكتەلگەن. باس­تى ماقسات – الەم بiرiنشiلiگi مەن وليمپيادا جۇلدەگەرلەرiن دايارلاۋ, سالاماتتى ءومiر سالتىن ناسيحاتتاپ, بۇقارالىق سپورتتى دامىتۋ. ول ءۇشiن قاجەتتi سپورت كە­شەندەرi مەن ويىن الاڭشالارىن كوبەيتە تۇسكەن ءجون. سوڭعى بiر-ەكi جىل كولەمiندە بۇل باعىتتا جۇيەلi جۇمىس اتقارىلدى. وبلىس اكiمi اسقار مىرزاحمەتوۆتiڭ تاپسىرماسىمەن جانە تiكەلەي قول­داۋىمەن وڭiرiمiزدە كوپتەگەن سپورت نىساندارى سالىنىپ, ءبۇ­گiن­دە ولاردىڭ سانى 4649-عا جەت­تi. ونىڭ iشiندە ەڭ نەگiزگiلەرi بولىپ تابىلاتىن 21 ستاديون, 1 سپورت سارايى, 9 سپورت كەشەنi, 3 وقۋ-جاتتىعۋ ورتالىعى, 20 سپورت كەشەنi جانە 22 ءجۇزۋ باسسەينi حالىققا قىزمەت كورسەتۋدە. 748 سپورت زالى مەن 6 سپورت مانەجi دە سالاماتتى ءومiر سالتىن ۇستانام دەۋشiلەرگە ءوز قىزمەتiن ۇسىنادى. ەلدiڭ سۇرانىسىنا سايكەس سپورت نىساندارى ءالi دە كوبەيەدi دەگەن سەنiم بار. بۇل باعىتتا دا جۇمىس اتقارىلۋدا.

قازاقستان وليمپيادا ويىندارىندا نەگىزىنەن التىندى بوكس, كۇرەس جانە اۋىر اتلەتتەر جارىسىنان تەرىپ ءجۇر. بىراق, بۇل سپورت تۇرلەرىندە مىقتاعاندا ونداعان التىن عانا ساراپقا سالىنادى. ال التىندى ەڭ كوپ بەرەتىن سپورت تۇرلەرى – “سپورت پاديشاسى” اتانعان جەڭىل اتلەتيكا مەن سۋعا ءجۇزۋ سپورتى. ەكەۋىن قوس­قاندا, التىن باستاعان ءجۇز جيىن­تىق مەدال باسەكەگە تۇسەدى. الىسقا بارماي-اق, سوڭعى بەيجىڭ وليمپياداسىن ەسكە الساق, امەريكا­لىق سۋعا جۇزگىش مايكل فەلپستىڭ ءوزى ەلىنە ءارتۇرلى قاشىقتار بو­يىنشا 8 التىن سىيلادى. ياماي­كا­­لىق جەلاياق ۋسەين بولت, زاۋلا­عان­دا جەلدەن جۇيرىك قارا مارجان 3 التىن جەڭىپ الدى.

ال ءبىزدىڭ مەملەكەتتىك مەجە­مىز – ءۇش التىن. جەڭىل اتلەتتەرى­مىز بەن سۋعا جۇزۋشىلەرىمىز جابىق سپورت كەشەندەرى جوق بولعان­دىق­تان شەتەلگە شىعۋعا ءماجبۇر. ەلى­مىزدىڭ قىرۋار قارجىسى سىرتقا ينۆەستيتسيا بولىپ قۇيىلىپ جاتىر. وسىنىڭ ءبارىن وبلىس اكىمىنە ايتتىق. اسقار مىرزاحمەتوۆ زاماناۋي ۇلگىدەگى جەڭىل اتلەتيكا مانەجى مەن جابىق باسسەين كەشەندەرىن سالۋعا قاراجات ءبول­گىزدى. بۇگىندە جەڭىل اتلەتيكا ما­نەجى – سپورتتىڭ كوپتەگەن تۇرلە­رىنەن حالىقارالىق جارىستاردى وتكىزەتىن ورتالىققا اينالسا, حا­لىقارالىق ستاندارتتارعا نە­گىز­دەلىپ سالىنعان سۋ سپورتى كە­شە­نىندە ءبىر كەزەكتە 97 ادام شەبەر­لىگىن شىڭداي الادى. سەگىز ءجۇزۋ جولى بار باسسەيننىڭ ءول­شەمى 50ح22 مەتر. بۇگىندە سۋ سپورتىمەن اينالىساتىن 200-دەن استام جاسوسپىرىمدەر وسى كەشەندە جات­تىعىپ جاتىر. مۇندا تاجىريبەلى ازاماتتار جۇمىس جاسايدى.

 وڭتۇستىك قازاقستان وبلىسى – تابيعاتى جايلى, قىسى قىسقا, كوك­ونىسى مول, بەرەكەلى ايماق. جە­ڭىل اتلەتيكا جانە سۋعا ءجۇزۋ سپور­تى قۇرامالارىنىڭ باس باپ­كەرلەرى: “ەندى شەتەلگە ساندالمايتىن بول­دىق”, دەپ قۋانىپ ءجۇر.

بولاشاقتا سپورتتىڭ وسى ءتۇ­رى­نەن ەلىمىزدىڭ الەمگە ايگىلى بولماسىنا كىم كەپىل. مۇنىڭ ءبارى ەلباسىمىزدىڭ, ۇكىمە­تى­مىزدىڭ, وب­­لىس اكىمدىگىنىڭ ارقا­سىندا ءمۇم­كىن بولدى. قازىرگى ۇلكەن مەجە لوندون بولعانىمەن, كەلەسى وليم­پيادالىق ويىن­دار­دىڭ ا­لعى­­­شار­تى وڭتۇستىكتە قا­لا­نىپ جاتىر.

بولات قىرىقباەۆ,

وڭتۇستىك قازاقستان وبلىستىق سپورت,

دەنە­شىنىق­­تىرۋ جانە تۋريزم باسقارماسىنىڭ باستىعى.

شىمكەنت.