ازيا چەمپيوناتى استانادا وتەدى
بەيسەنبى, 26 ءساۋىر 2012 6:35
ءدۇبىر
وليمپياداعا 92 كۇن قالدى
وڭتۇستىك كورەيانىڭ پۋەنتاەك قالاسىندا اۋىر اتلەتيكادان ءوتىپ جاتقان ازيا چەمپيوناتى ەلىمىز ءۇشىن جاقسى جاڭالىقپەن باستالدى.
چەمپيونات قاراساڭىندا وتكەن حالىقارالىق اۋىر اتلەتيكا فەدەراتسياسىنىڭ كونگرەسىندە قازاقستان 2013 جىلى ەرلەر مەن ايەلدەر اراسىنداعى ازيا چەمپيوناتىن وتكىزۋ قۇقىعىنا يە بولدى.
بەيسەنبى, 26 ءساۋىر 2012 6:35
ءدۇبىر
وليمپياداعا 92 كۇن قالدى
وڭتۇستىك كورەيانىڭ پۋەنتاەك قالاسىندا اۋىر اتلەتيكادان ءوتىپ جاتقان ازيا چەمپيوناتى ەلىمىز ءۇشىن جاقسى جاڭالىقپەن باستالدى.
چەمپيونات قاراساڭىندا وتكەن حالىقارالىق اۋىر اتلەتيكا فەدەراتسياسىنىڭ كونگرەسىندە قازاقستان 2013 جىلى ەرلەر مەن ايەلدەر اراسىنداعى ازيا چەمپيوناتىن وتكىزۋ قۇقىعىنا يە بولدى.
مۇنداي قۇرمەتتىڭ ەلىمىزگە كورسەتىلىپ وتىرعانى بەكەر ەمەس. ويتكەنى, ءبىزدىڭ ەلىمىزدىڭ اۋىر اتلەتيكاداعى ءداستۇرى كەشەگى كەڭەس وداعى كەزىنەن باستاۋ العانى بەلگىلى. كونگرەسس بارىسىندا وسىنىڭ ءبارى ەسكەرىلىپ, حاف قازاقستانعا تاعى 2014 جىلعى ليتسەنزيالىق الەم چەمپيوناتىن وتكىزۋ قۇقىعىن دا بەردى. بۇل باسەكە استانا قالاسىندا وتەتىن بولىپ شەشىلدى. بۇل – ەندى ءتورت جىلدان كەيىن برازيليانىڭ ريو-دە-جانەيرو قالاسىندا جالاۋى جەلبىرەيتىن الەمدىك دوداعا قاتىسۋدى ارمانداعان ءاربىر زىلتەمىرشى قازاق توپىراعىنا كەلىپ, باق سىناسادى دەگەن ءسوز. سول كەزدە استانا تورىندە اسىعى الشىسىنان ءتۇسكەن ورەندەر وليمپياداعا جولداما الادى.
جوعارىداعى جيىن بارىسىندا حالىقارالىق اۋىر اتلەتيكا فەدەراتسياسىنىڭ پرەزيدەنتى توماش اياننىڭ ءوزى قازاقستاننىڭ كانديداتۋراسىن بىردەن قولدادى. قازاقستان اۋىر اتلەتيكا فەدەراتسياسىنىڭ حابارلاۋىنشا, تومان ايان ەلىمىزگە قاتىستى مىناداي باعاسىن بەرىپتى: «مەن قازاقستانعا ءبىرنەشە رەت ساپارمەن بارىپ, ولار ۇيىمداستىرعان حالىقارالىق جارىستاردىڭ ءبىرازىن ءوز كوزىممەن كوردىم. بۇل جاعىنان ەش ءمىن ايتا المايمىن. بارلىق شارۋا اسا جوعارى دەڭگەيدە ءجۇزەگە اسىرىلۋدا. تىپتەن, ەڭ قاراپايىم دەگەن ءىستىڭ وزىنە اتالمىش مەملەكەتتىڭ ازاماتتارى اسقان جاۋاپكەرشىلىكپەن قارايدى. وسى باعىتتاعى جۇمىستاردىڭ دۇرىس جۇرگىزىلىپ, وتاندىق اۋىر اتلەتيكانى وركەندەتۋ جولىندا رەسپۋبليكالىق فەدەراتسيا باسشىسى قايرات تۇرلىحانوۆتىڭ كوپ ەڭبەك ءسىڭىرىپ جۇرگەنىن باسا ايتقىم كەلەدى».
– بۇل تەك ءبىزدىڭ عانا ەڭبەگىمىز دەپ ايتۋدان اۋلاقپىن, – دەيدى قايرات تۇرلىحانوۆ. – ەڭ باستىسى, مەملەكەت باسشىسى ن.نازارباەۆتىڭ ءوزى قاي كەزدە دە سپورت سالاسىنا ەرەكشە قامقورلىق كورسەتىپ كەلەدى. سونىمەن قاتار, دەنەشىنىقتىرۋ جانە سپورت ءىستەرى اگەنتتىگى مەن باس دەمەۋشىمىز – «سامۇرىق-قازىنا» ۇلتتىق ءال-اۋقات قورى دا ءاركەز قامقور قولىن سوزۋدا. ال, ءبىزدەر بولساق, ءوز كەزەگىمىزدە سەنىم ۇدەسىنەن شىعۋ ءۇشىن بارىنشا ەڭبەك ەتىپ ءجۇرمىز. ءبىزدەر ءۇشىن قازىرگى باستى ماقسات – ەندى ءۇش ايدان سوڭ لوندوندا الاۋى تۇتاناتىن وليمپيا ويىندارىندا قازاقستاننىڭ سپورتتىق داڭقىن ارتتىرۋ. وسى ماقساتقا جەتۋ جولىندا وتاندىق اۋىر اتلەتتەر ەش ايانىپ جۇرگەن جوق.
ءسويتىپ, 2013 جىلى استانادا سارى قۇرلىقتىڭ سايىپقىراندارى باس قوساتىن بولسا, 2014 جىلى تورتكۇل دۇنيەنىڭ تەڭدەسسىزدەرى الاش توپىراعىن بەتكە الادى. قوس جارىستىڭ دا تارتىستى وتەتىنىنە ەش كۇمانىمىز جوق.
ال پۋەنتاەك قالاسىندا ءوتىپ جاتقان ازيا چەمپيوناتىنىڭ العاشقى ءناتيجەلەرىنە كەلسەك, ءبىزدىڭ قوس سپورتشىمىز – گالينا ماموتوۆا (48 كيلو) مەن گۇلسارا تولەگەنوۆا (52 كيلو) «ۆ» توبىندا ونەر كورسەتىپ, ەكەۋى دە ەكىنشى ورىندى يەلەندى.
بۇل سىنعا ازيانىڭ كوپتەگەن ەلدەرى وزدەرىنىڭ اۋىر زىلتەمىردەن سەسكەنبەي, باسىنان ەركىن اسىرا الاتىن سپورتشىلارىمەن كەلدى. ال قىتاي, يران جانە قازاقستان سياقتى اۋىر اتلەتيكادان مىقتى ەلدەر بۇل باسەكەگە ەكىنشى قۇرامىن اكەلىپ وتىر. ازياداعى ءدال قازىرگى جاعدايدى ايتاتىن بولساق, وزگە ەلدەرگە يران قۇراماسىمەن يىق تەڭەستىرىپ تەڭ ونەر كورسەتۋ مۇمكىن بولماي وتىرعانىن ايتۋ كەرەك.
سوندىقتان بولار, قازاقستان اۋىر اتلەتيكا فەدەراتسياسىنىڭ حابارلاۋىنشا, كوپتەگەن ەلدەر وزدەرىنىڭ نەگىزگى كۇشىن وليمپياداعا ساقتاۋدى ءجون كورىپ وتىر ەكەن. ال ەلىمىز كومانداسى ازيا چەمپيوناتىندا مىنا قۇراممەن ونەر كورسەتۋدە. بۇل جەردە قۇراما كوماندا الەكساندرا ابورنەۆا (+75 كيلو) مەن يگور ۆاشانوۆقا (94 كيلو) زور ءۇمىت ارتىپ وتىرعانىن ايتۋعا بولادى. باسقا سپورتشىلارعا كەلسەك, ولاردىڭ باسىم كوپشىلىگى جاستار. ونىڭ ىشىندە بىلتىر پەرۋدە جاسوسپىرىمدەر اراسىندا وتكەن الەم چەمپيوناتىندا قولا مەدال يەلەنگەن ءادىلبەك بالقاەۆ (69 كيلو), اناستاسيا شۆاباۋەر (69 كيلو) مەن نۇرسۇلتان راحاتوۆ (77 كيلو) بار. سونداي-اق, وسى سىنعا سوڭعى كەزدەرى مامانداردىڭ كوزىنە ءتۇسىپ, ۇلتتىق قۇراما ساپىنا قوسىلىپ جۇرگەن ەربول مەيىرمانوۆ (85 كيلو), ستانيسلاۆ كوپىتوۆ (105 كيلو) پەن دميتري كاپلين (105 كيلودان جوعارى) دە قاتىسۋدا. پۋەنتاەك تورىندە ەربولات جولامانوۆ (62 كگ), الەكساندر كيم (69 كگ), مەدەت جۇندىباەۆ (77 كگ), ەرمەك ءومىرتاي (85 كگ), گالينا مامونتوۆا (48 كگ), گۇلسارا تولەگەنوۆا (53 كگ), ساۋلە سادۋاقاسوۆا (63 كگ), فاينا سىبانباەۆا (63 كگ) جانە گۇلناز ناۋرىزوۆا (75 كگ) ونەر كورسەتۋدە.
جاسىل الاڭعا شىعادى
وسى اپتادا لوندوننىڭ «ۋەمبلي» ستاديونىندا جەرەبە تاستالىپ, وليمپيادادا سىنعا تۇسەتىن ۇلتتىق قۇرامالار توپقا ءبولىندى.
وليمپياداداعى فۋتبولدان جارىس مىنا 16 كوماندانىڭ اراسىندا وتەدى.
«ا» توبى: ۇلىبريتانيا, سەنەگال, ءباا, ۋرۋگۆاي;
«ۆ» توبى: وڭتۇستىك كورەيا, مەكسيكا, گابون, شۆەيتساريا;
«س» توبى: برازيليا, ەگيپەت, بەلورۋسسيا, جاڭا زەلانديا;
«د» توبى: جاپونيا, يسپانيا, گوندۋراس, ماروككو.
ويىندار 26 شىلدە كۇنى باستالادى.
ەسكەرتە كەتەتىن نارسە, بيىلعى وليمپيادادا انگليا, شوتلانديا, سولتۇستىك يرلانديا جانە ۋەلس قۇرامالارى بىرىگىپ, ۇلىبريتانيا دەگەن اتپەن جارىسقا قاتىسادى.
سينحروندى ءجۇزۋ
قوس ليتسەنزيا قورجىندا
وسى كۇندەرى ۇلىبريتانيانىڭ استاناسىندا الاۋى تۇتاناتىن وليمپيا ويىندارىنا جولدامالار الەمنىڭ ءار تۇكپىرىندە ساراپقا سالىنىپ, ونى يەلەنگەن سپورتشىلاردىڭ ەسىمدەرى بەلگىلى بولۋدا.
جاقىندا لوندون قالاسىندا سينحروندى جۇزۋدەن وتكەن وليمپيادالىق سىناقتىق جارىستا ءبىزدىڭ ەلدىڭ ەكى بىردەي وكىلى – اننا كۋلكينا مەن ايگەرىم جەكسەنبينەۆا وليمپيادا جولداماسىن جەڭىپ الدى. بۇل جارىس قىزدارىمىز ءۇشىن ناعىز سىناق الاڭىنا اينالدى. ەگەر ولار 16-شى ورىننان تومەن ساتىدان كورىنسە, تورتجىلدىقتىڭ باستى دوداسىنا بارا المايتىن ەدى. الايدا اققۋداي قوس ارۋىمىز 14-ءشى ورىنعا تابان تىرەپ, وليمپيادا ليتسەنزياسىنا يە بولدى.
بۇل جارىستا ادەتتەگىدەي, رەسەيلىكتەر مەن يسپانيا جانە ۋكراينا جۇپتارى جۇلدەلى ورىنداردى يەلەندى. باس جۇلدەنى رەسەي قىزدارى جەڭىپ السا, يسپانيا وكىلدەرى كۇمىس, ال ۋكراينا قىزدارى قولا مەدالگە قول جەتكىزدى.
كۇرەس
بەلدەسەتىن بالۋاندار
27-29 ءساۋىر كۇندەرى قىتايدىڭ تايۆان ارالىندا ەركىن, گرەك-ريم جانە ايەلدەر كۇرەسىنەن وتەتىن ليتسەنزيالىق تۋرنيرگە قازاقستان اتىنان قاتىساتىن بالۋانداردىڭ ەسىمدەرى جاريالاندى.
وندا ەركىن كۇرەستەن كىلەمگە 84 كيلو سالماقتاعى ەرمەك بايدۋاشەۆ شىعادى. قازىر ءبىزدىڭ قۇرامادا ونىڭ سالماعىندا جولداما بولماي تۇر. ال استانادا وتكەن ازيا ىرىكتەۋ تۋرنيرىندە سەمەن سەمەنوۆ جارتىلاي فينالدا جەڭىلىپ قالعان بولاتىن. ەندىگى ءۇمىت ازيا ويىندارى مەن ازيا چەمپيوناتىنىڭ جۇلدەگەرى بايدۋاشەۆتە.
گرەك-ريم كۇرەسىنەن 56 كيلوداعى اسحات قۇدايبەرگەنوۆ پەن 96 كيلو سالماقتاعى جاسۇلان سىدىقوۆقا سەنىم ارتىلىپ وتىر. اسحاتتىڭ استانادا وتكەن تۋرنيردە جارتىلاي فينالدا الەمنىڭ بەس دۇركىن چەمپيونى رەسەيلىك حاميت سۋرياننان ۇتىلعانىن بىلەمىز. ال جاسۇلاننىڭ سالماعىندا مارعۇلان اسەمبەكوۆ كىلەمگە شىعىپ, ول دا جارتىلاي فينالدا جەڭىلىپ قالعان بولاتىن.
ايەلدەر كۇرەسىندە 55 كيلوداعى ايىم ءابىلدينانىڭ ورنىنا ايجان سماعۇلوۆا بەلدەسەدى. ايىم دا استانادا وتكەن تۋرنيردە جەڭىلىس تاپقان ەدى. ەندى ا.سماعۇلوۆا سول ولقىلىقتىڭ ورنىن تولتىرادى دەپ سەنەمىز. ول – بيىل كورەيانىڭ گۋمي قالاسىندا وتكەن ازيا چەمپيوناتىنىڭ قولا جۇلدەگەرى. وسى جولى جەڭسە, وليمپياداعا العاش رەت بارادى.
سەمسەرلەسۋ
جەتپىس جەتىنشى جولداما
جاقىندا ەلىمىزگە كۇنشىعىس ەلىنەن قۋانىشتى حابار كەلىپ جەتتى.
جاپونيانىڭ ياكوگومو قالاسىندا سەمسەرلەسۋدەن ءوتىپ جاتقان ازيا چەمپيوناتىندا ءبىزدىڭ سپورتشىمىز يۋليا جيۆيتسا باس جۇلدەنى جەڭىپ الىپ, لوندون وليمپياداسىنىڭ جولداماسىنا يە بولدى. ول فينالدا قىتايلىق سينگ ينگ اۋدى 15:12 ەسەبىمەن ۇتقان. ءسويتىپ, قازاقستان سپورتشىلارىنىڭ وليمپياداعا جولداماسىن 77-گە جەتكىزگەن يۋ.جيۆيتسا ليتسەنزيانى يەلەنىپ قانا قويماي, ازيا چەمپيونى اتاندى.
بۇعان دەيىن سەمسەرلەسۋدەن ەلمير ءالىمجانوۆ پەن دميتري الەكسانين جولداما العان بولاتىن. ەندى, مىنە ولاردىڭ قاتارىن يۋ.جيۆيتسا تولىقتىرىپ وتىر.
تەننيس
ءبارى ماۋسىمدا شەشىلەدى
لوندون وليمپياداسىنا قازاقستاننىڭ اتىنان ءتورت تەننيسشى قاتىسۋى مۇمكىن.
بۇل كۇندەرى حالىقارالىق ارەنادا لايىقتى ونەر كورسەتىپ جۇرگەن گالينا ۆوسكوبوەۆا, ميحايل كۋكۋشكيننىڭ جولداما الۋعا مۇمكىندىگى كوپ ەكەنى ايتىلۋدا. سونداي-اق, ياروسلاۆا شۆەدوۆانىڭ دا وليمپياداعا كۇش سىناسۋعا مۇمكىندىگى بار دەلىنۋدە. ال كسەنيا پەرۆاكتىڭ ليتسەنزيا الۋىنا رەسەي رۇقسات بەرۋى كەرەك ەكەن.
قالاي دەسەك تە لوندونعا باراتىن تەننيسشىلەردىڭ ءتىزىمى ماۋسىم ايىندا عانا بەلگىلى بولادى. وسى كەزدە حالىقارالىق تەننيس قاۋىمداستىعى وليمپياداعا قاتىساتىن 104 ەر جانە 104 ايەل تەننيسشىنىڭ ەسىمىن جاريالايدى.
داستان كەنجالين.
