قاسىم اقىن تۇرعان ۇيگە ەسكەرتكىش تاقتا قويىلدى
بەيسەنبى, 19 قاڭتار 2012 7:02
يگىلىكتىڭ ەرتە-كەشى جوق دەيدى حالقىمىز. وتكەن جىلى ءجۇز جىلدىعى كەڭىنەن اتالىپ وتكەن ارقالى اقىن قاسىم امانجولوۆقا ورال قالاسىندا تۇرعان ۇيىنە ەسكەرتكىش تاقتا قويىلۋى وسى ءبىر حالىق ناقىلىن ەسكە سالعانداي ەدى. بۇل يگى شاراعا ورال ءوڭىرىندەگى زيالى قاۋىم وكىلدەرى, ستۋدەنتتەر مەن جاستار قاتىستى.
قاسىم امانجولوۆتىڭ تۋعان جەرى قاراعاندى وبلىسىنىڭ قارقارالى ءوڭىرى بولعانىمەن, پوەزيا ءپىرىنىڭ جالىندى جاستىق شاعى ورال قالاسىندا وتكەنى بەلگىلى. ول مۇندا «ورتكە تيگەن داۋىلداي» جىرلارىن جازدى. جاستىقتىڭ قىزۋى مەن ولەڭىنىڭ وتى, «ماحابباتتىڭ ىستىق لەبى» اقىن شابىتىنىڭ شوعىن ودان ءارى قوزداتقانى انىق ەدى.
بەيسەنبى, 19 قاڭتار 2012 7:02
يگىلىكتىڭ ەرتە-كەشى جوق دەيدى حالقىمىز. وتكەن جىلى ءجۇز جىلدىعى كەڭىنەن اتالىپ وتكەن ارقالى اقىن قاسىم امانجولوۆقا ورال قالاسىندا تۇرعان ۇيىنە ەسكەرتكىش تاقتا قويىلۋى وسى ءبىر حالىق ناقىلىن ەسكە سالعانداي ەدى. بۇل يگى شاراعا ورال ءوڭىرىندەگى زيالى قاۋىم وكىلدەرى, ستۋدەنتتەر مەن جاستار قاتىستى.
قاسىم امانجولوۆتىڭ تۋعان جەرى قاراعاندى وبلىسىنىڭ قارقارالى ءوڭىرى بولعانىمەن, پوەزيا ءپىرىنىڭ جالىندى جاستىق شاعى ورال قالاسىندا وتكەنى بەلگىلى. ول مۇندا «ورتكە تيگەن داۋىلداي» جىرلارىن جازدى. جاستىقتىڭ قىزۋى مەن ولەڭىنىڭ وتى, «ماحابباتتىڭ ىستىق لەبى» اقىن شابىتىنىڭ شوعىن ودان ءارى قوزداتقانى انىق ەدى.
– وسى ءبىر شاعىن ۇيدە ءومىرىنىڭ ەڭ ءبىر قىزىقتى دا, الاڭسىز شاعىن وتكىزىپ, ولمەيتىن, وشپەيتىن جىرلار جازىپ كەتكەنىن ۇمىتپاۋ ءۇشىن دە ەسكەرتكىش تاقتا قويىلعانى قانداي جاقسى بولدى. بۇل بىرىنشىدەن, ۇلتىمىزدىڭ كەلەشەگى – جاستارعا قاجەت. ويتكەنى, پوەزيامىزدىڭ قادىر-قاسيەتىن ۇلگى ەتۋ ارقىلى ءبىز ولاردىڭ بويىندا وتاندى ءسۇيۋ, ادەبيەتىمىزدى قۇرمەتتەۋ جانە ۇلت اقىنىڭ قاستەرلەۋ سەزىمدەرىن وياتا الامىز, – دەدى اتالعان راسىمدە اقىن اقۇشتاپ باقتىگەرەەۆا.
ءدال وسى ماسەلەگە قاتىستى ەكىنشى ءبىر ءجايتتى دە ايتا كەتۋدىڭ رەتى كەلىپ تۇرعانداي. سوعىسقا دەيىن قاسىم امانجولوۆ تۇرعان كارەۆ كوشەسى №37 ءۇيدى سەكسەنىنشى جىلداردىڭ باس كەزىندە وزىمىزبەن ارالاسىپ-قۇرالاسىپ تۇراتىن ازامات, تالانتتى اكتەر قابدىلماجيت يمانوۆتىڭ اكەسى, ۇلى وتان سوعىسىنىڭ ارداگەرى سۇندەت يمانوۆ اقساقال ساتىپ الىپ كىرگەنى بىزگە بەلگىلى بولاتىن. ودان كەيىنگى جاعداي, ءارينە, بەلگىلى ەمەس پە؟ ول ۇيگە بارىپ تۇراتىنبىز. كەيىننەن اكەلى-بالالى سۇندەت جانە قابدىلماجيت يمانوۆتار ابدەن ەسكىرىپ, كۇيى قاشقان ۇيگە كۇردەلى جوندەۋ جۇرگىزگەنىنە دە كۋا بولعانبىز. بۇگىندە سۇندەت اعا ومىردەن وزعان. مايدانگەردىڭ ۇلى قابدىلماجيت يمانوۆ قىزمەت بابىمەن قونىس اۋدارىپ, قوستاناي وبلىستىق قازاق دراما تەاترىنا اۋىسىپ كەتتى. بۇل ۇيدە قازىر ونىڭ قارىنداسى تۇرىپ جاتىر. اقىن رۋحىنا تاعزىم ەتە وتىرىپ, قاسىم تۇرعان ءۇيدى قايتادان جاڭعىرتقانى ءۇشىن اكەلى-بالالى يمانوۆتار ريزاشىلىق سەزىمىنە ابدەن لايىقتى دەپ بىلەمىز. ءتىپتى مەيلى بۇل ءىس وزدەرى ءۇشىن جاسالعان بولسا دا.
ءدال وسى كۇنى قازاقستاننىڭ كونە دە جاڭا قالاسى ورالدا تاعى ءبىر ەسكەرتكىش تاقتا اشىلدى. مۇنىڭ دا قاسىم اقىنعا تىكەلەي قاتىسى بار. سوناۋ وتىزىنشى جىلداردىڭ باس كەزىندە بۇگىنگى وبلىستىق ورال ءوڭىرى سول كەزدەگى «ەكپىندى قۇرىلىس» گازەتىنىڭ رەداكتسياسىندا اقىندار قاسىم امانجولوۆ پەن ابدوللا جۇماعاليەۆ تىزە قوسىپ قىزمەت اتقارعان. وسى عيمارات – قازىرگى عۇمار قاراش كوشەسىندەگى №14 ءۇي وبلىس ورتالىعىنداعى تاريحي ورىنداردىڭ ءبىرى. ءدال وسى ۇيدە پوەزيانىڭ قوس بىردەي قاھارمانىنا تاعزىم رەتىندە ەسكەرتكىش تاقتا اشىلدى. كەيىننەن قاسىم ابدوللا جۇماعاليەۆ جونىندە «اقىن ءولىمى تۋرالى اڭىز» دەگەن اسقاق پوەما جازعانى قازاق ادەبيەتىنىڭ تاريحىنان ءمالىم. بۇل راسىمدە اقىن قايرات جۇماعاليەۆ ءوز وي-ءتۇيىنىن بىلايشا جەتكىزدى.
– قادىرمەندى قاۋىم, ءبۇگىنگى بىتكەن ءىستى تەك باتىس قازاقستان اۋماعىمەن شەكتەي سالۋعا بولمايدى. بۇل يگى شارا تۇتاس ەلىمىزدىڭ ادەبي-رۋحاني ومىرىنە ورتاق دەپ بىلەمىز. ابدوللا اعامىز «ەي, قازاقتىڭ بالاسى كوتەرشى ءبىر باسىڭدى» دەپ بۇكىل الەمگە جار سالعان رۋحى بيىك ءور تۇلعا. وسىنداي سۋرەتكەرمەن تاعدىرىمنىڭ توعىسقان جەرى دە بار. مەن العاش رەت الماتىعا بارعاننان كەيىن ابدوللا جۇماعاليەۆ تۇرعان الماتى قالاسىنداعى قازىرگى قوناەۆ كوشەسى №29 ۇيگە كىردىم, كەيىن «جازۋشى» باسپاسىندا قىزمەت ىستەدىم. ا.جۇماعاليەۆ تە وسىندا ەڭبەك ەتىپتى. ول كەزدە بۇل ورىن قازاقتىڭ مەملەكەتتىك كوركەم ادەبيەت باسپاسى دەپ اتالاتىن. بۇل ماقتان تۇتۋعا تۇرارلىق اڭگىمە دەپ سانايمىن. ابدوللا اقىن رۋحى حالقىمەن ماڭگى جاساي بەرسىن.
تەمىر قۇسايىن.
ورال.
