ەكىنشى دۇنيەجۇزىلىك سوعىسى باتىرلارىنىڭ ەسىمىمەن اتالعان كوشەلەر مەن داڭعىلداردى جانە ەسكەرتكىشتەرىن تازالاعان جاستار ارداگەرلەردىڭ ۇيىنە بارىپ, كومەك كورسەتتى. جاستار سانى 50 مىڭنان اساتىن كەنتاۋدا س.قوجانوۆ ساياباعىنداعى «ازالى انا» ستەللاسىنا, «كەنشىلەر» ساياباعىنا, قوناەۆ داڭعىلىنا تازالاۋ جۇمىستارى جۇرگىزىلدى. «Nur Otan» پارتياسى كەنتاۋ قالالىق فيليالىنىڭ ۇيىمداستىرۋىمەن قالا جاستارى اللەيالاردى ارتىق شوپتەردەن تازارتىپ, گۇل ەگەتىن ورىنداردى دايىندادى. پارتيانىڭ قالالىق فيليالى توراعاسىنىڭ ورىنباسارى ساعىنبەك اسىلبەكوۆتىڭ ايتۋىنشا, مۇنداي شارالار جوسپارلى تۇردە عانا ەمەس, ۇدايى وتكىزىلىپ تۇراتىن بولادى. «ءبىز مۇنداي اكتسيالاردى ءجيى وتكىزىپ تۇرامىز. قالاداعى ءاربىر وقۋ ورىندارى ار ارداگەرمەن تۇراقتى بايلانىس ورناتقان. ياعني, جاعدايلارىن ءبىلىپ, وزىندىك كومەكتەرىن كورسەتىپ تۇرادى. ەمحانامەن بىرلەسە ۇيىمداستىراتىن «ارداگەر دەنساۋلىعى» اتتى اكتسيادا دەنساۋلىقتارى تەكسەرىلەدى. ودان بولەك, ەرىكتى جاستار ۇيلەرىنە بارىپ اۋلاسىن تازالاپ, وتىن-سۋىن دايىنداپ, ۇيىشىلىك جۇمىستارىنا كومەكتەسەدى» –دەيدى, قالالىق جاستار رەسۋرستىق ورتالىعىنىڭ ديرەكتورى قانات بەكمەتوۆ.
ارداگەرلەردىڭ ۇيىندە بولىپ جاعدايىن بىلگەن جاستار سىي-سياپات جاساپ, كونەكوز قاريالاردىڭ اسەرلى اڭگىمەلەرىن تىڭداپ, باتاسىن الدى.
