ويدان وي تۋادى
سارسەنبى, 25 شىلدە 2012 8:18
وسىدان ءبىر اي شاماسى بۇرىن «ەگەمەن قازاقستان» گازەتىندە «الدىڭعى تولقىننىڭ ورنى بولەك» اتتى ماقالا شىقتى. اۆتورى – ر.سارپەكوۆ. بۇرىن تەك دەپۋتات دەپ بىلەتىن كوپشىلىك وسى ماقالانى وقىعاننان كەيىن اۆتوردى جاڭا قىرىنان تانىعانداي بولدى. بارىنەن بۇرىن ونىڭ ايتىسقا جانكۇيەر عانا بولىپ قويماي, وعان ءتيىستى باعا بەرىپ, شىنايى تالداۋ جاساعاندىعى ريزاشىلىق سەزىمىن تۋعىزدى.
سارسەنبى, 25 شىلدە 2012 8:18
وسىدان ءبىر اي شاماسى بۇرىن «ەگەمەن قازاقستان» گازەتىندە «الدىڭعى تولقىننىڭ ورنى بولەك» اتتى ماقالا شىقتى. اۆتورى – ر.سارپەكوۆ. بۇرىن تەك دەپۋتات دەپ بىلەتىن كوپشىلىك وسى ماقالانى وقىعاننان كەيىن اۆتوردى جاڭا قىرىنان تانىعانداي بولدى. بارىنەن بۇرىن ونىڭ ايتىسقا جانكۇيەر عانا بولىپ قويماي, وعان ءتيىستى باعا بەرىپ, شىنايى تالداۋ جاساعاندىعى ريزاشىلىق سەزىمىن تۋعىزدى.
اۆتور ماقالاسىندا «قاڭتارۋلى تۇلپارلار, قايداسىڭدار؟» اقىندار ايتىسىنىڭ ۇيىمداستىرىلۋداعى ماقساتتى باسشىلىققا الا وتىرىپ, وعان قاتىسقان ونەر وكىلدەرىنە ءدال سيپاتتاما بەرگەن. ولاردىڭ ايتىس ونەرىندە قالدىرعان وزىندىك قولتاڭبالارى جايلى تۇجىرىمى دا, قولعا الىنۋعا ءتيىستى شارالار تۋرالى وي-ۇسىنىستارى دا كوپشىلىك كوڭىلىنەن شىقتى دەۋگە بولادى.
ءار ونەردىڭ ءوز تالايى, ءوز باعى بار شىعار. دەگەنمەن, ەل ەگەمەندىك العان تۇستا ۇلتىمىزدىڭ وسى ءبىر ءتول ونەرىنىڭ باعىن اشىپ, جۇلدىزىن قايتا جاندىرىپ, ونىڭ باسقا ونەردەن ارتىق ۇكىلەنۋىنە ابزال ازامات, ارقالى اقىن ءجۇرسىن ەرمان باس بولىپ, قالعاندارى قوستاعان اسەلحان قالىبەكوۆا, ءاسيا بەركەنوۆا, قونىسباي ءابىل, ايتاقىن بۇلعاقوۆ, ەسەنقۇل جاقىپبەكوۆ, شورابەك ايداروۆ, قۋانىش ماقسۇتوۆ, اباش كاكەنوۆ ەڭبەكتەرىن ەشكىم ۇمىتا قويماس. بۇل اتتارى ءمالىم اعا بۋىن وكىلدەرى ايتىستىڭ العاشقى مەكتەبىنىڭ نەگىزىن قالادى دەسەك, ارتىق ايتقاندىق ەمەس. وسى ايتىسكەرلەر ءمان بەرە ۇعىنعان ادامعا ەكى شەكتى دومبىرانىڭ ۇنىمەن اۋەزدەسەتىن جاراسىمدى ماقامدى, لايىقتى سازدى دا تابا ءبىلدى. شىنىنا كەلگەندە, زاماناۋي ايتىس ونەرىنىڭ ۇلگىسىن جاساپ, كەمەلدەنىپ قالىپتاسۋىنا جول سالدى. ايتىستىڭ وزىنە ءتان مادەنيەتىن قالىپتاستىردى.
وسى جەردە ر.سارپەكوۆتىڭ: «اعا بۋىن ايتىسكەر اقىنداردىڭ تارتىمدى تۋىندىلارىن جيناقتاپ, كىتاپ ەتىپ شىعارسا», دەگەن ۇسىنىسى وتە قۇپتارلىق. ايتىپ وتىرعانىمىزداي, ايتىس رۋحاني قۇندىلىق بولسا, ونى جيناقتاپ, باسپادان شىعارىپ وتىرۋعا نەگە قولداۋ كورسەتپەسكە؟
تاعى ءبىر وي بار. ول مادەنيەت مينيسترلىگى ايتىستى قاناتىنىڭ استىنا الىپ, ولاردىڭ شەبەرلىگىن شىڭداپ, باعىت-باعدار بەرەتىن ءتيىستى ورتالىق اشسا, وعان باي تاجىريبەسىن بولىسۋگە «قاڭتارىلعان تۇلپارلاردى» تارتسا دەگەن پىكىر. سوندا, مۇنىڭ ۇلتتىق ونەرگە دەگەن شىنايى قامقورلىق بولىپ تابىلارى داۋسىز.
ءورىس ياشۇكىرقىزى.
استانا.
