ءابىلازوۆتىڭ قىلمىستىق ءىسى
بەيسەنبى, 15 قاراشا 2012 7:53
بۇگىندە ءابىلازوۆ سەندىرۋگە تىرىسىپ جۇرگەن وتىرىكتىڭ بارلىق پيراميداسى كىرپىش ءۇستىنە كىرپىش قويىلعانداي ەتىپ قالانعان قازاقستاننان ۇرلانعان اقشا ەكەنى ەشكىمگە دە قۇپيا ەمەس.
ەگەر ءابىلازوۆ ۇرلاعان قارجىنى قازاقستان تۇرعىندارىنىڭ سانىنا بولەتىن بولساق, ارقايسىمىزدىڭ قالتامىزدان, بالالار مەن زەينەتكەرلەردى قوسا العاندا, ول شامامەن 1 مىڭ دوللار ۇرلاعان بولىپ شىعادى.
بەيسەنبى, 15 قاراشا 2012 7:53
بۇگىندە ءابىلازوۆ سەندىرۋگە تىرىسىپ جۇرگەن وتىرىكتىڭ بارلىق پيراميداسى كىرپىش ءۇستىنە كىرپىش قويىلعانداي ەتىپ قالانعان قازاقستاننان ۇرلانعان اقشا ەكەنى ەشكىمگە دە قۇپيا ەمەس.
ەگەر ءابىلازوۆ ۇرلاعان قارجىنى قازاقستان تۇرعىندارىنىڭ سانىنا بولەتىن بولساق, ارقايسىمىزدىڭ قالتامىزدان, بالالار مەن زەينەتكەرلەردى قوسا العاندا, ول شامامەن 1 مىڭ دوللار ۇرلاعان بولىپ شىعادى.
بۇل ءتاسىلدى قىلمىسكەر «العا» دەپ اتالاتىن ءوزى قارجىلاندىراتىن ۇيىمعا بەلسەندى ەنگىزىپ كەلگەن. بۇل بيزنەستىڭ سىزباسى قانداي دا ءبىر مورالدان, يدەيالىقتان جانە ونىڭ ۇستىنە قاراپايىم قازاقستاندىقتار جاعدايىن جاقسارتۋدان مۇلدەم تىسقارى جاتىر. اۋەلى ءابىلازوۆ پەن ونىڭ قولشوقپارلارى الەۋمەتتىك جانجالدىڭ وتىن جاعىپ, سودان كەيىن ينتەرنەت پەن ءوزىنىڭ باق-تارىن اقپاراتتىق كۇل-قوقىسپەن تولتىرادى جانە… پايدا تابۋ ماقساتىندا قيراندىلار ۇستىنەن سايتان قۇساپ ساپ ەتىپ تابىلا كەتەدى. كوزلوۆقا, ساپارعاليعا جانە امينوۆقا قاتىستى سوت پروتسەسى بارىسىندا بەلگىلى بولعانىنداي, باستى ماقساتى ءبىزدىڭ ءامياندارىمىزدى بوساتۋ عانا ەمەس, سونداي-اق اقىل-ويىمىزدى دا شايۋ بولىپ تابىلاتىن جۇمىس سىزباسى مەن قاعيداتتارى تولىقتاي ايعاقتالىپ وتىر.
پايدانى قايدان ىزدەيدى؟
مۇنداي قىزمەتتى بوتەننىڭ ءمۇلكىن توتەنشە جاعدايلاردا زاڭسىز يەلەنەتىن توناۋشىلارمەن عانا سالىستىرۋعا بولادى.
21 عاسىردا بۇل قىلمىستىق قۇبىلىس قاعيداتسىز ساۋداگەرلەر پايدا تاباتىن «قارا بيزنەستىڭ» بولشەگىنە اينالعانداي. ال جۇرتشىلىق جاڭاوزەن قالاسىنداعى قاسىرەتتى وقيعالاردىڭ باستى ۇيىمداستىرۋشىسى جانە كۇناھارى الاياق ءابىلازوۆ ەكەنىن اۋەلدەن-اق ايتىپ كەلەدى.
ونىڭ ۇستىنە ءابىلازوۆ جاھانعا جانجالدىڭ وتىن جاعۋعا ءوزىنىڭ قاتىستىلىعىن بارلىق جاعىنان جانە ۇلكەن قاناعات سەزىمىمەن جاريا ەتۋدەن ايىلىن جيار ەمەس. جاڭاوزەن ول ءۇشىن وزىندىك ءبىر ءۆيزيتتى كارتوچكا, العاشقى ءىرى حالىقارالىق قىلمىس بولىپ وتىر.
ونىڭ ۇستىنە ءابىلازوۆ ادامداردى ءوزىنىڭ سىبايلاستارى ارقىلى قۇقىق قورعاۋ ورگاندارىمەن اشىق جانجالعا بارۋعا قالاي ۇگىتتەگەنىن, ەرەۋىلشىلەردىڭ رەنىشتەرىن قولما-قول اقشا ارقىلى قالاي «قىزدىرعانىن», اقپاراتتى قالاي بۇرمالاعانىن جانە الدانعان مۇنايشىلاردى ءوزىنىڭ وتىرىك ۋادەلەرىمەن قالاي تويدىرعانىن ايتۋدان ەش قىسىلىپ-قىمتىرىلمايدى.
كۋاگەرلەردىڭ ايتۋلارىنشا, ءابىلازوۆتىڭ سىبايلاستارى جاڭاوزەنگە كەلىپ, اشىق تۇردە كەلىسسوزدەرگە بارماۋعا, مامىلەگە كەلمەۋگە, جاعدايدى ۋشىقتىرۋعا, اشىق جانجالعا بارۋعا ۇندەگەن.
ونىڭ ۇستىنە مۇنايشىلار سەنىم بىلدىرگەندى ءجون كورگەن جەرگىلىكتى بەلسەندىلەر ابىلازوۆكە بار بولمىسىمەن ساتىلىپ كەتكەن. جانە ولار تالاپ ەتكەن سوما دا ەزۋگە كۇلكى ۇيىرەدى – 15 مىڭ تەڭگەدەن 5 مىڭ دوللار كولەمىندە. بۇگىندە ارانداتۋشىلاردىڭ قۇنى بار بولعانى وسىنداي-اق.
وتكەنگە دەگەن وكپەمەن
حالىقارالىق قىلمىسكەر ءابىلازوۆ ءوزىن قازاقستانداعى تۇراقتىلىق پەن وركەندەۋدىڭ بەلسەندى جاقتاۋشىسى رەتىندە كورسەتكىسى كەلەدى. بىراق وسى ادامنىڭ ءوزى تۋىپ-وسكەن, جۇمىس پەن ايتارلىقتاي كولەمدە اقشا العان ەلىنە وسىنداي كوزسىز جەككورۋشىلىگىنىڭ سەبەبى نەدە ەكەنىن ويلاناتىندار بار ما ەكەن؟
بىرىنشىدەن, ارينە, مەملەكەتتىڭ وعان ءارى قاراي دا بتا بانك سالىمشىلارىنىڭ اقشاسىن ۇرلاۋعا جول بەرمەگەنى ءۇشىن ۇلكەن وكپەسى بار. سول كەزدە, ءوز مانسابىنىڭ تاڭ سارىسىندە-اق ول بالىقتى لاي سۋدان, جانجالدار مەن ءتۇرلى الاياقتىق ارەكەتتەر ارقىلى اۋلاعان جەڭىل ەكەنىن ايقىن تۇسىنگەن.
ەكىنشىدەن, قازاقستانداعى احۋالدى تۇراقسىزداندىرۋ ءابىلازوۆكە جاڭا تابىستار مەن ۇرلانعان اقشاسىنىڭ ساقتالۋىنا دەگەن كەپىلدىك تۇرعىسىنان ءتيىمدى. ءوزىنىڭ شۋلى قۋىرشاقتارىنا مىڭ دوللار سالا وتىرىپ, ول قىلمىستىق جوسپارلارىنان ميلليونداعان پايدا تابادى.
جانە, ارينە, ۇشىنشىدەن, لوندوننىڭ جوعارى سوتى ءابىلازوۆتى تۇتقىنداۋعا سانكتسيانى الدەقاشان بەرگەنىن ۇمىتپاۋىمىز كەرەك. فەميدا ءىس جۇزىندە ونى بۇكىل ەۋروپا بويىنشا ىزدەۋ ۇستىندە. ال ۇلكەن حالىقارالىق جانجالدىڭ وتىن تۇتاتۋ ءابىلازوۆكە كىشكەنە ءۇزىلىس الىپ, قازاقستاندىقتاردان ۇرلانعان 7 ميلليارد دوللارىن سەنىمدىرەك جاسىرۋ ءۇشىن كەرەك دەگەن ءسوز.
جالپىسىندا, ءابىلازوۆتىڭ ءوز وتانىنا دەگەن جەككورۋشىلىگى – ۇرلاعان مول اقشاسىن مۇقيات تىعۋعا تىرىسۋشىلىعىن جاسىرعان پەردە عانا.
ارانداتۋشىلاردى قولعاپتاي اۋىستىرادى
ادەتتە ءجيى كەزدەسەتىنىندەي, الاياقتاردىڭ قاقپانىنا ەش كىناسىز ادامدار ءتۇسىپ قالادى. بۇعان ءابىلازوۆتىڭ قىلمىستىق اكتسيالارىنان كەيىن جاڭاوزەندە ءبىرنەشە ساعات بويى ۇرى-قارىلاردىڭ, قاراقشىلار مەن زورلىقشىلاردىڭ «سالتانات قۇرعانى» مىسال. ولاردىڭ ءىس-ارەكەتتەرىنەن كىم زارداپ شەكتى؟ ەكىنشى قاباتتان قارعىپ كەتۋگە ءماجبۇر بولعان ەكىقابات ايەل, ءوزىنىڭ بيزنەسىنەن ايىرىلىپ, ەندى بالالارىنىڭ ۇستىنەن ۇنەمدەۋگە ءماجبۇر ءۇش بالانىڭ اكەسى, ماشينەسى ورتەلىپ, ەندى ءوزىنىڭ اۋرۋشاڭ زايىبىن پروتسەدۋراعا اپارا الماي قالعان زەينەتكەر. بۇل قاسىرەت جاڭاوزەننىڭ ءار تۇرعىنىن اينالىپ وتكەن جوق.
ءابىلازوۆ, تاجىريبەلى الاياق رەتىندە, ءوزىنىڭ قولشوقپارلارىن قولعاپتاي اۋىستىرادى. ويتكەنى, وسىلاي ءىز جاسىرۋ وڭاي. وعان ءوزىنىڭ جارىمجان شامشىلدىعىن قاناعاتتاندىرۋ ءۇشىن تۇراقتى تۇردە جاڭا ادامي ماتەريال قاجەت. قاراپايىم جاڭاوزەندىك ەڭبەككەرلەردى ايتپاعاننىڭ وزىندە كوزلوۆ, ساپارعالي – وسىلاردىڭ بارلىعى تەك الاياقتىڭ ەس-ءتۇسسىز ويىنىنداعى ءبولىنىس كارتاسى عانا سەكىلدى.
ءابىلازوۆ ادامداردى ءوزىنىڭ مولشىلىق قازانىن قىزدىراتىن تامىزىق رەتىندە پايدالانادى.
ال قازاقستانداعى كەز كەلگەن قاسىرەتتى وقيعالار مەن قاتال جانە اۋىر قىلمىس جاساعاندارى ءۇشىن ءوزىنىڭ سىبايلاستارىن تۇتقىنداۋلاردى ءابىلازوۆ جاڭا جانجالدار مەن جاڭا شىتىرمان وقيعالار ءۇشىن اقپاراتتىق جەلەۋ رەتىندە ءتيىمدى پايدالانادى.
قازاقستاندىقتاردان ميللياردتار ۇرلاعان ءابىلازوۆ شەتەل اسىپ كەتتى. اشىق وتىرىكپەن بۇركەمەلەنگەن ول ءوزى تۋىپ, ءبىر كەزدەرى قالىپتى ادام بولۋعا مۇمكىندىك العان ءوز ەلىن جامانداۋعا شىمىرىكپەستەن كىرىستى. ەندى ونىڭ ءوزىنىڭ قىلمىستىق ماقساتتارىنا قانداي جولدارمەن جەتكىسى كەلەتىنى ابدەن تۇسىنىكتى. بۇل ارەكەتى ءابىلازوۆتىڭ جاڭاوزەندەگى وقيعالارعا تىكەلەي قاتىستىلىعىن جاسىرماق تۇگىلى, كەرىسىنشە, ايعاقتاۋعا ۇمتىلىسىنان-اق انىق كورىنەدى.
