تۋعان جەردە ەڭبەك ەتۋ – زور باقىت
جۇما, 17 تامىز 2012 6:59
پرەزيدەنت نۇرسۇلتان نازارباەۆتىڭ “جالپىعا ورتاق ەڭبەك قوعامىنا قاراي 20 قادام” تاپسىرمالارى قازاقستاننىڭ الەۋمەتتىك جاڭعىرۋىنىڭ جاڭا كەزەڭىنە باستايتىندىعى كامىل. الداعى كەزەڭنىڭ تۇبەگەيلى دامۋ سيپاتتارىن جان-جاقتى قامتىعان ماسەلەلەردىڭ كەڭىنەن قولداۋ تابۋى – مەملەكەت باسشىسىنىڭ ۋاقىتتان وزىق ءارى ستراتەگيالىق تۇرعىدان دۇرىس شەشىم قابىلداعانىن كورسەتتى. ءوزىنىڭ كاسىبي ەڭبەك جولىن جۇمىسشىدان – بولات بالقىتۋشىدان باستاعان تۇڭعىش پرەزيدەنتىمىز نۇرسۇلتان نازارباەۆتىڭ ەڭبەكتەگى ءومىربايانى قازاقستان حالقى ءۇشىن ءمىنسىز ونەگە بولىپ تابىلادى.
جۇما, 17 تامىز 2012 6:59
پرەزيدەنت نۇرسۇلتان نازارباەۆتىڭ “جالپىعا ورتاق ەڭبەك قوعامىنا قاراي 20 قادام” تاپسىرمالارى قازاقستاننىڭ الەۋمەتتىك جاڭعىرۋىنىڭ جاڭا كەزەڭىنە باستايتىندىعى كامىل. الداعى كەزەڭنىڭ تۇبەگەيلى دامۋ سيپاتتارىن جان-جاقتى قامتىعان ماسەلەلەردىڭ كەڭىنەن قولداۋ تابۋى – مەملەكەت باسشىسىنىڭ ۋاقىتتان وزىق ءارى ستراتەگيالىق تۇرعىدان دۇرىس شەشىم قابىلداعانىن كورسەتتى. ءوزىنىڭ كاسىبي ەڭبەك جولىن جۇمىسشىدان – بولات بالقىتۋشىدان باستاعان تۇڭعىش پرەزيدەنتىمىز نۇرسۇلتان نازارباەۆتىڭ ەڭبەكتەگى ءومىربايانى قازاقستان حالقى ءۇشىن ءمىنسىز ونەگە بولىپ تابىلادى. ەلباسىنىڭ باعدارلامالىق ماقالاسىنىڭ قوعامدى ءدۇر سىلكىنتىپ, وراسان زور قولداۋعا يە بولعانى دا سوندىقتان. پرەزيدەنت ەلىمىزدىڭ دامۋىندا ءاربىر ادامنىڭ ءوز ورنىن تابۋىن, وتانىنا پايدالى بولۋىن ۇسىندى. ويتكەنى, تۋعان جەردە ەڭبەك ەتۋ – زور باقىت! ءبىز ءوز ەلىمىزدىڭ تاريحىندا نۇرسۇلتان نازارباەۆتىڭ باسشىلىعىنداي وسىنشاما ۇلان-اسىر تابىسقا جەتىپ كورگەن جوقپىز. قازاقستاننىڭ جانە حالقىمىزدىڭ وسى زامانعى كەلبەتىن بۇكىل الەمگە پاش ەتكەن ادام – جاس مەملەكەتىمىزدىڭ تۇڭعىش پرەزيدەنتىنىڭ ناق ءوزى. حالقىمىز وزدەرىنىڭ الداعى جەتىستىكتەرىن پرەزيدەنتتىڭ ناق وزىمەن بايلانىستىرادى.
پرەزيدەنتتىڭ مەملەكەتتىك ساياساتى تەرەڭ عىلىمي تالداۋعا عانا ەمەس, سونىمەن بىرگە ەلدىڭ ماسەلەلەرىن شەشۋگە كومەگىن تيگىزەتىن كەلەشەكتى كورە بىلۋىنە نەگىزدەلگەنى داۋسىز. مەملەكەت باسشىسى ادامداردى پايىمداي بىلەتىن, ولاردى ءوزىنىڭ قۇلشىنىسىمەن جىگەرلەندىرەتىن, ءتۇسىنە جانە قولداي بىلەتىن تاماشا قاسيەتكە يە. نۇرسۇلتان نازارباەۆ ءبىزدىڭ وبلىسىمىزدا بولعاندا, جاڭا نىسانداردى ارالاۋمەن شەكتەلمەي, ادامدارمەن تىكەلەي اڭگىمەلەسۋگە مۇمكىندىك تاپقانىن سولتۇستىكقازاقستاندىقتار ءوز كوزدەرىمەن كوردى.
بۇگىنگى تاڭدا ەلدىڭ ەرەسەك تۇرعىندارى عانا ەمەس, سونىمەن بىرگە جاستار دا پرەزيدەنتتىڭ جاڭا باعدارلامالىق ماقالاسىن تەرەڭ ءتۇسىنۋ ۇدەرىسى ۇستىندە. الەۋمەتتىك جاڭعىرتۋ تۋرالى پرەزيدەنتتىڭ ستراتەگياسىن ءجۇزەگە اسىرۋعا باعىتتالعان ءتۇبەگەيلى ۇسىنىس ەنگىزىلگەن ناق قازىرگى ساتتە ءبىز وبلىس جاستارىمەن كەزدەسۋ كەزىندە “مەنىڭ ارمانىم – قازاقستاندا ەڭبەك ەتۋ” دەگەن تاقىرىپتا شىعارمالار مەن رەفەراتتار كونكۋرسىن جاريالاۋدى ۇسىندىق. ءسوز جوق, پاتريوتتىق تاربيە بەرۋدىڭ بۇل نىشانى جاسوسپىرىمدەر مەن قىزداردىڭ ەلدەگى وڭ وزگەرىستەردى جەتە سەزىنۋىنە مۇمكىندىك بەرەدى. ءاربىر قازاقستاندىق باسەكەگە قابىلەتتى بولۋعا ءتيىس, دەپ پرەزيدەنت تەكتەن-تەك ايتقان جوق. ءاربىر ازاماتتى, اسىرەسە, جاستاردى جاسامپازدىق ۇدەرىسكە تارتۋ – تابىسىمىزدىڭ نەگىزى.
ەلدەگى ساپالىق وزگەرىستەردىڭ ناتيجەسىندە قازاقستاندىقتاردىڭ سانا-سەزىمى دە جاڭعىرۋ ۇستىندە. قازىرگى قازاقستاندىقتار – ەڭ الدىمەن وزدەرىنە سەنىمدى ادامدار. ءبىزدىڭ بارشامىز ءوز ەلىمىزدى ماقتان تۇتامىز. تاياۋداعى بولاشاعىمىز ەلباسى نۇرسۇلتان نازارباەۆتىڭ باسشىلىعىمەن سەنىمدى تۇردە العا باسقان ەلىمىزدەگى ۇلان-عايىر جەتىستىكتەر كەزەڭى بولماق.
پرەزيدەنت ءوزىنىڭ ماقالاسىندا اتاپ كورسەتكەنىندەي, ء“ومىر ساپاسىنىڭ “قازاقستاندىق ۇلگى-قالىبى بارلىق جەردە – ءىرى قالادا دا, الىستاعى اۋىلدا دا – ورىندالۋعا ءتيىس”. ناتيجەسىندە ءماسليحاتتار جەرگىلىكتى ماسەلەلەردى شەشۋ ءۇشىن تۇرعىندار سايلايتىن وكىلدىك ورگاندار رەتىندە جەرگىلىكتى ءوزىن-ءوزى باسقارۋدىڭ نەگىزىنە اينالادى, ال اۋىل اكىمدەرى مەملەكەتتىك مىندەتتەردى ورىنداۋعا قوسا اشىق ءتۇردە جەرگىلىكتى ماسەلەلەردى شەشەتىن بولادى. مىنە, وسىنداي كوزقاراس تۇرعىنداردىڭ ءوز ماسەلەلەرىن وزدەرى شەشە الاتىندىعىن سەزىنۋگە مۇمكىندىك بەرەدى. ءسويتىپ, جەرگىلىكتى ءوزىن-ءوزى باسقارۋ مەملەكەتتىڭ كومەگىمەن بىرگە ادامداردى قىزۋ قوعامدىق جۇمىسقا تارتا الادى.
نۇرسۇلتان نازارباەۆ ءوز ماقالاسىندا قوعامدى تۇبەگەيلى وزگەرتەتىن نەبىر وزەكتى ماسەلەلەردى قوزعادى. ولار مەملەكەتتىك جۇيەنى جەتىلدىرۋگە, ازاماتتىق قوعام ينستيتۋتتارىن ودان ءارى دامىتۋعا, ازاماتتاردىڭ قۇقىقتارى مەن بوستاندىقتارىن قورعاۋ جۇيەسىن نىعايتۋعا قاتىستى.
مەملەكەتتىك قىزمەتشىلەر پرەزيدەنت ساياساتىنىڭ نەگىزگى جۇزەگە اسىرۋشىلارى بولىپ تابىلادى. ولار جىلدام وزگەرەتىن ومىردەن قالىپ قويماي, بولىپ جاتقان وزگەرىستەردى ۇدايى باقىلاۋعا جانە تالداۋ جاساۋعا, بولاشاقتى بولجاي بىلۋگە ءتيىس. وسىنداي جاعدايدا عانا جاقسى ناتيجەگە قول جەتكىزۋگە بولادى.
ءبىزدىڭ وبلىسىمىزداعى مەملەكەتتىك قىزمەتشىلەردىڭ سانى – 4864, ولاردىڭ 4632-ءى – اكىمشىلىك, 232-ءى ساياسي مەملەكەتتىك قىزمەتتە, ال 2550 مەملەكەتتىك قىزمەتشى (52,4 پايىز) جەرگىلىكتى اتقارۋ ورگاندارىندا, 2314-ءى (47,6 پايىز) اۋماقتىق ورگانداردا جۇمىس ىستەيدى. 30-39 جاس (28 پايىز) ارالىعىنداعى مەملەكەتتىك قىزمەتشىلەردىڭ سانى باسىم. جىل باسىنان بەرى وبلىستىڭ مەملەكەتتىك ورگاندارىندا 130 بوس اكىمشىلىك مەملەكەتتىك قىزمەتكە كونكۋرس وتكىزىلىپ, وعان 631 ادام قاتىستى. ياعني 1 ورىنعا كونكۋرس 4,8 ادامدى قۇرادى. ناتيجەسىندە 107 جەڭىمپاز انىقتالدى. كونكۋرس جەڭىمپازدارىنىڭ كوپشىلىگى 30 جاسقا دەيىنگىلەر, ولار 62 پايىزدى قۇرادى, 85 پايىزى جوعارى ءبىلىمدى, مەملەكەتتىك قىزمەتتە ءبىر جىلعا دەيىن ءوتىلى بارلار – 56 پايىز.
ۇستىمىزدەگى جىلى 549 اكىمشىلىك مەملەكەتتىك قىزمەتشىنىڭ 477-ءى (87%) اتتەستاتتاۋدان ءوتتى, ال 72 اكىمشىلىك مەملەكەتتىك قىزمەتشى ودان وتە المادى. اكىمشىلىك مەملەكەتتىك قىزمەتتىڭ كادرلار رەزەرۆىندە 146 ادام, سونىڭ ىشىندە 68 ايەل (46,5%) بار. ولاردىڭ 50 %-ى 30 جاسقا دەيىنگىلەر, جوعارى بىلىمدىلەر – 85, مەملەكەتتىك قىزمەتتە ءبىر جىلعا دەيىن ءوتىلى بارلار – 55%.
مەملەكەتتىك قىزمەت ىستەرى جونىندەگى اگەنتتىك مەملەكەتتىك قىزمەتشىلەردى, سونىڭ ىشىندە جاستاردى قايتا دايارلاۋعا جانە بىلىكتىلىكتەرىن ارتتىرۋعا زور كوڭىل بولەدى. وبلىسىمىزدا 1015 مەملەكەتتىك قىزمەتشى وقىتىلدى, سونىڭ ىشىندە 19-ءى – قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسىندا, 793-ءى ءوڭىرلىك وقىتۋ ورتالىعىندا, 203-ءى – سالالىق ۆەدومستۆولاردا. يگەرىلگەنى – 37,6 ميلليون تەڭگە, مۇنىڭ ءوزى بولىنگەن بيۋدجەت قاراجاتىنىڭ جىلدىق كولەمىنىڭ 57,4 پايىزىن قۇرايدى.
مەملەكەتتىك قىزمەتشىلەردىڭ كاسىبيلىگى تۇرعىندارعا ۋاقتىلى جانە ساپالى مەملەكەتتىك قىزمەت كورسەتۋگە سايادى. مىنە, سوندىقتان دا “ورتالىق مەملەكەتتىك جانە وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ قىزمەتىنىڭ ءتيىمدىلىگىن جىل سايىن باعالاۋ ءجۇيەسى تۋرالى” مەملەكەت باسشىسىنىڭ جارلىعىن ورىنداۋ ءبىزدىڭ اگەنتتىككە جۇكتەلگەن. سوعان سايكەس اۋماقتىق باسقارما مەملەكەتتىك ورگانداردىڭ تۇرعىندارعا ساپالى, ۋاقتىلى قىزمەت كورسەتۋىن قاداعالاپ وتىرادى.
2012 جىلدىڭ ءبىرىنشى جارتىجىلدىعىندا تارتىپتىك كەڭەستىڭ حاتشىلىعى 154 تەكسەرىس جۇرگىزىپ, 724 زاڭبۇرمالاۋشىلىقتى, سونىڭ ىشىندە مەملەكەتتىك قىزمەت تۋرالى زاڭنامانى بۇزۋدىڭ – 686, جەمقورلىققا قارسى كۇرەسەتىن زاڭنامانى بۇرمالاۋدىڭ 24 فاكتىسىن انىقتادى. تارتىپتىك كەڭەستىڭ 4 ماجىلىسىندە 50 باسشى مەن لاۋازىمدى ادام تىڭدالىپ, 28 تارتىپتىك ءىس قارالدى. قۇقىق ءتارتىبىن بۇزعانى ءۇشىن 37 مەملەكەتتىك قىزمەتشى ءتارتىپتىك جاۋاپكەرشىلىككە تارتىلدى. تارتىپتىك كەڭەستىڭ بۇكىل ماجىلىستەرى جاريا تۇردە وتكىزىلەدى, ولارعا جەمقورلىققا قارسى كۇرەس جونىندەگى قوعامدىق كەڭەستىڭ جانە “نۇر وتان” حدپ جانىنداعى پارتيالىق باقىلاۋ كوميسسياسىنىڭ توراعالارى باق وكىلدەرىمەن بىرگە قاتىسادى. ءتارتىپتىك كەڭەس قوعامدىق ۇيىمدارمەن قويان-قولتىق جۇمىس ىستەيدى. مەملەكەتتىك ءتارتىپتى نىعايتۋ, مەملەكەتتىك قىزمەت تۋرالى زاڭنامانىڭ, جەمقورلىققا قارسى زاڭنامانىڭ, ار-نامىس كودەكسىنىڭ تالاپتارىن ساقتاۋ تۋرالى الدىن الۋ جانە ءتۇسىندىرۋ جۇمىسى ۇدايى جۇرگىزىلەدى, سونىڭ ىشىندە وبلىس ورتالىعىندا جانە اۋدانداردا سەمينارلار وتكىزىلەدى. ازاماتتاردى جەكە قابىلداۋ اپتا سايىن, سونىڭ ىشىندە ولاردى جەرگىلىكتى جەردە قابىلداۋ جۇزەگە اسىرىلادى. باسقارمانىڭ رەسمي web-سايتى 3 تىلدە ۇدايى جاڭارتىلىپ وتىرىلادى. بۇل باعىتتاعى سانقىرلى جۇمىس جالعاسا بەرەدى.
پرەزيدەنتىمىز قازاقستان تاۋەلسىزدىگىنىڭ بارلىق جىلدارىندا تەرەڭ تالداۋ, جان-جاقتى قاراستىرۋ, كەلەشەكتى كورە ءبىلۋ نەگىزىندە ەل دامۋىنىڭ ستراتەگياسىن جاساپ كەلەدى, مۇنىڭ ءوزى ەلدىڭ ەكونوميكالىق, ساياسي, ءمادەني جاعىنان وزا دامۋىن قامتاماسىز ەتتى. پرەزيدەنتتىڭ “قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام” ماقالاسىنان تۋىندايتىن جاڭا, بارشامىزعا جانە تۇتاستاي حالقىمىزعا ايرىقشا ماڭىزدى مىندەتتەردى ويداعىداي جۇزەگە اسىرۋ قوعامىمىزدىڭ مۇلدەم جاڭا دەڭگەيگە كوتەرىلۋىنە ءمۇمكىندىك بەرەدى. بۇل – بۇكىل قازاقستاندىقتاردى بىرىكتىرەتىن ۇلتتىق يدەيا.
تىلەگەن قاسكين,
مەملەكەتتىك قىزمەت ىستەرى جونىندەگى اگەنتتىكتىڭ سولتۇستىك قازاقستان وبلىسى بويىنشا باسقارماسىنىڭ باستىعى – تارتىپتىك كەڭەستىڭ توراعاسى.
پەتروپاۆل.
