كونفەرەنتسياعا پارتيانىڭ وبلىستىق فيليالى توراعاسىنىڭ ءبىرىنشى ورىنباسارى ن.جولداسوۆ, وبلىستىق ءماسليحات حاتشىسى ق.بالابيەۆ, ءماسليحات دەپۋتاتتارى جانە باستاۋىش پارتيا ۇيىمدارى مەن «جاس وتان» جاستار قاناتىنىڭ مۇشەلەرى, بۇقارالىق اقپارات قۇرالدارىنىڭ وكىلدەرى قاتىستى. جيىن بارىسىندا پارتيا توراعاسى ن.نازارباەۆتىڭ پارتيانىڭ كەزەكتى XVIII سەزىندە بەرگەن تاپسىرمالارىن, «حالىققا كومەك», «باقىتتى وتباسى», «اۋىل – ەل بەسىگى», «قۇتتى مەكەن» ۇلتتىق جوبالارىن ىسكە اسىرۋ باعىتىندا اتقارىلىپ جاتقان جۇمىستار باياندالدى. كوپبالالى جانە الەۋمەتتىك از قامتىلعان وتباسىلارعا جۇيەلى قولداۋ كورسەتۋگە باعىتتالعان «باقىتتى وتباسى» جوباسى قازىردىڭ وزىندە ناتيجەلى جۇزەگە اسىرىلۋدا. قازاقستاندىق وتباسىلاردى قولداۋ باعىتىنداعى كەشەندى شارالار وتباسىلاردىڭ لايىقتى ءال-اۋقات دەڭگەيىن جاساۋدى كوزدەيدى. وبلىس اكىمىنىڭ ورىنباسارى ەربول سادىر ءوز بايانداماسىندا «باقىتتى وتباسى» جوباسىن جۇزەگە اسىرۋ باعىتىندا «Nur Otan» پارتياسىنىڭ وبلىستىق فيليالالىمەن بىرلەسىپ, كوپبالالى وتباسىلارعا قولداۋ كورسەتۋ شارالارىن جانداندىرۋ كەرەكتىگىن ايتتى. «پارتيا سەزىندە «باقىتتى وتباسى», «حالىققا كومەك», «اۋىل – ەل بەسىگى» جانە «قۇتتى مەكەن» جوبالارى ۇسىنىلعان بولاتىن. بۇگىندە جوبالاردى جۇزەگە اسىرۋ ماقساتىندا ايقىندالعان جۇمىستار باستالىپ كەتتى. بۇل جوبالاردا ەلدىڭ الەۋمەتتىك جاعدايىن كوتەرۋ, وڭىرلەردى دامىتۋ, ءىرى قالالاردان باستاپ, ەلدى مەكەندەردى تۇلەتۋ شارالارى قامتىلعان. 2019 جىلى وبلىسىمىزدا جوبا اياسىندا ءىس-شارالاردى ىسكە اسىرۋ ءۇشىن رەسپۋبليكالىق بيۋدجەتتەن 3 669,4 ملن. تەڭگە ءبولىنىپ, وبلىس بويىنشا 6 ەلدى مەكەندى قارجىلاندىرۋ جوسپارلانۋدا.
ياعني بايدىبەك اۋدانى بايدىبەك اتا, قازىعۇرت اۋدانىنداعى قىزىلقيا, وتىرار اۋدانىنان قوعام, سارىاعاش اۋدانىندا بەرەكە, كەلەس اۋدانىنان اباي جانە كەنتاۋ قالاسىنداعى ىنتىماق ەلدى مەكەندەرىندە جوبا اياسىندا اۋقىمدى ىستەر اتقارىلماق» , – دەدى ە.سادىر. كونفەرەنتسيادا ءسوز العان وبلىستىق ءماسليحات دەپۋتاتى ءا.دوسبولوۆ, وتىرار اۋدانى «تەمىر» جالپى وراتا مەكتەبى ديرەكتورىنىڭ ورىنباسارى ا.ومار جوبالار بويىنشا اتقارىلعان جۇمىستارعا توقتالا كەلە, «Nur Otan» پارتياسى مۇقتاج جاندارعا الەۋمەتتىك كومەك كورسەتۋمەن بىرگە بارشا قازاقستاندىقتىڭ لايىقتى ءومىر ءسۇرۋى ءۇشىن جاعداي جاسالاتىن ءتيىمدى جانە ادىلەتتى الەۋمەتتىك ساياساتتىڭ ىسكە اسىرىلۋىن كوزدەيتىنىن اتاپ ءوتتى.
سونداي-اق كونفەرەنتسيادا نۇر-سۇلتان قالاسىندا وتەتىن «Nur Otan» پارتياسىنىڭ كەزەكتى ءحىح سەزىنە قاتىسۋشى دەلەگاتتار سايلاندى.
تۇركىستان وبلىسى
