شۇبايقىزىل شوقىسى – ەلىمىزدىڭ قىزىل كىتابىنا ەنگىزىلگەن «گرەيگ» قىزعالداعى ەڭ كوپ وسەتىن اۋماق. بۇل قىزعالداقتار سونداي-اق قازىعۇرت, تولە بي, بايدىبەك وڭىرلەرىندەگى تاۋلى اۋماقتاردا دا كەزدەسەدى. كوكتەمنىڭ, جاڭا ءومىردىڭ, تىرشىلىكتىڭ جارشىسى بولىپ ەسەپتەلەتىن قىزعالداقتار جىلىنا ءبىر رەت نەبارى 10-15 كۇن عانا گۇلدەيدى. سول كۇندەرى وسى شوقىداعى20 گەكتارالقاپ قىزىل كىلەمگە ورانعانداي اسەم تۇرگە ەنەدى. ايتا كەتەلىك, ءبىر كەزدەرى «كراسنايا گوركا», كەيىننەن «قىزىل توبەشىك» دەپ اتالعان جەرگە جازۋشى مارحابات بايعۇت اعامىزدىڭ باستاماسىمەن «شۇبايقىزىل شوقىسى» اتاۋى قايتا بەرىلگەن بولاتىن.
فەستيۆالدىڭ ءبىر ماقساتى جوعارىدا ايتقانىمىزداي قىزعالداقتاردى, جالپى قورشاعان ورتانى قورعاۋ ەكەنى ءمالىم. وسى ورايدا وڭىردە قىزىل كىتاپقا ەنگىزىلگەن «گرەيگ» جانە «كاۋفمان» قىزعالداقتارىن زاڭسىز جۇلۋ, اۆتوجولدار بويىندا, باسقا دا ورىنداردا ساتۋ جايتتارىن انىقتاۋ, الدىن الۋ جولىن كەسۋ ماقساتىندا ءتيىستى ورىندار رەيدتىك ءىس-شارالار ۇيىمداستىرىپ كەلەدى. تۇركىستان وبلىسى پوليتسيا دەپارتامەنتى جەرگىلىكتى پوليتسيا قىزمەتى باسقارماسىنىڭ تابيعاتتى قورعاۋ توبىنىڭ اعا ينسپەكتورى نۇرلان تۇمانباەۆتىڭ مالىمدەۋىنشە, «گرەيگ» جانە «كاۋفمان» قىزعالداعىن جۇلۋشىلاردىڭ ارەكەتى قر قىلمىستىق كودەكسىنىڭ 339 بابىندا كوزدەلگەن قىلمىستىق جاۋاپكەرشىلىكپەن قارالادى. قۇقىقبۇزۋشىنىڭ ارەكەتى دالەلدەنگەن جاعدايدا وعان سوت شەشىمىمەن 3 مىڭ ايلىق ەسەپتىك كورسەتكىشپەن ايىپپۇل سالىنىپ نەمەسە باس بوستاندىعىنان ايىرۋ جازاسى تاعايىندالۋى مۇمكىن.
فەستيۆال اياسىندا "شىرايلىم - شۇبايقىزىلىم" بايقاۋىنىڭ جەڭىمپازدارى ماراپاتتالىپ, كونتسەرتتىك باعدارلاما ۇيىمداستىرىلادى.
تۇركىستان وبلىسى
