بيزنەستى دامىتۋداعى كەدەن كومەگى
سەنبى, 30 ماۋسىم 2012 7:55
بۇگىنگى تاڭدا كەدەن سالاسىندا جۇزەگە اسىرىلىپ جاتقان كەشەندى وزگەرىستەردىڭ باستى باعىتى كەدەندىك راسىمدەردى وڭتايلاندىرۋ جانە جەدەلدەتۋ, اكىمشىلىك كەدەرگىلەردى جويۋعا باعىتتالعان كەدەن قىزمەتى مەن كاسىپكەرلىك اراسىنداعى ءوزارا ارەكەتتەسۋدىڭ تولىققاندى جۇيەسىن دامىتۋ بولىپ تابىلادى. بۇل باعىتتا تالاي يگى شارالار جۇزەگە اسىپ جاتىر. سونىڭ ءبىرى دەپ كەدەن سالاسىندا كاسىپكەرلەر ءۇشىن قاجەتتى ۋاكىلەتتى ەكونوميكالىق وپەراتور دەگەن جاڭا وڭتايلاندىرۋ جولىن ايتا الامىز. دەگەنمەن, وسى ماسەلە بويىنشا بىزگە حابارلاسىپ جاتقان كاسىپكەرلەر دە از ەمەس.
سەنبى, 30 ماۋسىم 2012 7:55
بۇگىنگى تاڭدا كەدەن سالاسىندا جۇزەگە اسىرىلىپ جاتقان كەشەندى وزگەرىستەردىڭ باستى باعىتى كەدەندىك راسىمدەردى وڭتايلاندىرۋ جانە جەدەلدەتۋ, اكىمشىلىك كەدەرگىلەردى جويۋعا باعىتتالعان كەدەن قىزمەتى مەن كاسىپكەرلىك اراسىنداعى ءوزارا ارەكەتتەسۋدىڭ تولىققاندى جۇيەسىن دامىتۋ بولىپ تابىلادى. بۇل باعىتتا تالاي يگى شارالار جۇزەگە اسىپ جاتىر. سونىڭ ءبىرى دەپ كەدەن سالاسىندا كاسىپكەرلەر ءۇشىن قاجەتتى ۋاكىلەتتى ەكونوميكالىق وپەراتور دەگەن جاڭا وڭتايلاندىرۋ جولىن ايتا الامىز. دەگەنمەن, وسى ماسەلە بويىنشا بىزگە حابارلاسىپ جاتقان كاسىپكەرلەر دە از ەمەس. جالپى, بۇگىندە “ۋاكىلەتتى ەكونوميكالىق وپەراتور” مارتەبەسىندەگى سىرتقى ەكونوميكالىق قىزمەت قاتىسۋشىلارى تاۋارلار مەن كولىك قۇرالدارىن بەلگىلى ءبىر كەدەن رەسىمدەرىنە مالىمدەۋ مەن كەدەندىك تازارتۋدا ارتىقشىلىقتاردى پايدالانۋدا. اتالمىش مارتەبەنى الۋ جانە بيزنەستى دامىتۋدا ونى ءتيىمدى پايدالانۋ جولدارى تۋرالى بىزگە قارجى مينيسترلىگى كەدەندىك باقىلاۋ كوميتەتىنىڭ مامانى گاۋھار اقباسوۆا جان-جاقتى ايتىپ بەردى.
ونىڭ اڭگىمەلەۋىنە قاراعاندا, ۋاكىلەتتى ەكونوميكالىق وپەراتور بۇل ارنايى وڭتايلاندىرىلعان رەسىمدەردى تاجىريبە جۇزىندە قولدانۋىنا مۇمكىندىك بەرىلەتىن تۇلعالار ساناتى بولىپ تابىلادى. ارنايى كەدەندىك وڭتايلاندىرۋلاردى پايدالانۋ كەدەندىك وپەراتسيالاردى جۇزەگە اسىرۋدا قارجىلىق جانە ۋاقىت شىعىندارىن ازايتىپ, لوگيستيكالىق توراپتاردى جەتىلدىرۋگە جول اشادى.
ۋاكىلەتتى ەكونوميكالىق وپەراتور مارتەبەسى زاڭدى تۇلعاعا وكىلەتتى ەكونوميكالىق وپەراتورلار تىزىمىنە ەنگىزۋ تۋرالى كۋالىك بەرىلۋ ارقىلى جۇزەگە اسىرىلادى. ۋاكىلەتتى ەكونوميكالىق وپەراتورلار ينستيتۋتى ۇعىمى – كەدەندىك راسىمدەردى وڭتايلاندىرۋ جانە بىرىزدەندىرۋ تۋرالى حالىقارالىق كونۆەنتسيا جانە قاۋىپسىزدىك پەن الەمدىك ساۋدانى جەڭىلدەتۋ ستاندارتتارىنىڭ ۇسىنىسىنا سايكەس, وتاندىق كەدەن زاڭناماسىنا ەنگىزىلگەن جاڭالىق بولىپ تابىلادى. اتالمىش ۇعىمنىڭ بولۋى جانە سىرتقى ەكونوميكالىق قىزمەت قاتىسۋشىلارىنا بۇل مارتەبەنى بەرۋ كەدەن قىزمەتى مەن بيزنەس-قوعامداستىعى اراسىنداعى ارىپتەستىكتىڭ نەگىزگى نىشانى ەكەنى انىق.
قازىرگى ۋاقىتتا قازاقستاندا مۇنداي مارتەبە 18 زاڭدى تۇلعاعا, ياعني تەلەكوممۋنيكاتسياعا قىزمەت كورسەتۋ قۇرال-جابدىقتارىن, قۇرىلىس ماتەريالدارىن, شينا, فارماتسەۆتيكالىق تاۋارلاردى, ازىق-ت ۇلىك, قاعاز ونىمدەرىن شەتەلدەن اكەلەتىن ءىرى جانە ورتا كاسىپكەرلىك سۋبەكتىلەرىنە بەرىلگەن. وسى كاسىپكەرلەردىڭ پىكىرىنشە, مۇنداي مارتەبەنىڭ بولۋى ولاردىڭ سىرتقى ەكونوميكالىق قىزمەتتەرىن ايتارلىقتاي جەڭىلدەتەدى. بيۋدجەت تۇسىمدەرىنىڭ ۇلعايۋى مەملەكەت ءۇشىن دە پايدالى, ءارى كەدەن مەن بيزنەس اراسىنداعى ءوزارا ءتيىمدى ارىپتەستىكتى نىعايتا تۇسەدى.
سونىمەن قاتار, اتالعان ءمارتەبەنى الۋ ارقىلى بەرىلەتىن جەڭىلدىكتەر دە بار ەكەنىن كاسىپكەرلەر جاسىرمايدى. اتاپ ايتقاندا, كەدەندىك دەكلاراتسيانى ۇسىنۋعا دەيىن تاۋارلاردى جىبەرۋ, ۋاقىتشا ساقتاۋ قۇقىعى جانە وپەراتوردىڭ جەكە اۋماعىندا تاۋارلاردى جىبەرۋگە بايلانىستى كەدەندىك وپەراتسيالاردى جۇزەگە اسىرۋ مۇمكىندىگى, كەدەندىك ترانزيت كەزىندە كەدەندىك باج جانە سالىقتاردى تولەۋدى قامتاماسىز ەتۋ قاجەتتىگىنىڭ بولماۋى دەيدى. كەدەندەگى مۇنداي جەڭىلدىكتەردىڭ بيزنەسكە بەرەرى كوپ.
بۇل – كەدەندىك شەكارانى ءوتۋ ءراسىمىن جەدەلدەتۋ, قارجىلىق شىعىنداردى ازايتۋ, تاۋارلاردى تاۋارلار دەكلاراتسياسىن ۇسىنۋعا دەيىن پايدالانۋ, الدىن الا جانە ەلەكتروندى دەكلاراتسيالاۋ ءراسىمىن قولدانۋ مۇمكىندىگى, جۇكتەردىڭ ساقتالۋىن قامتاماسىز ەتۋ, قۇجات اينالىمىن قىسقارتۋ, قۇجاتتار جيىنتىعىنىڭ ازدىعى جانە ەڭ باستىسى, كەدەندىك باج جانە سالىقتاردى تولەۋ مەرزىمىنىڭ 40 كۇنگە دەيىن ۇزارتىلۋى. ءوتىنىش جانە اتالمىش قۇجاتتاردى ۇسىنعاننان كەيىن كوميتەت وكىلەتتى ەكونوميكالىق وپەراتورلار تىزىمىنە تۇلعانى ەنگىزۋ تۋرالى كۋالىكتى بەرۋ بويىنشا نەمەسە سەبەبىن ءتۇسىندىرۋ ارقىلى اتالمىش كۋالىكتى بەرۋدەن باس تارتۋ تۋرالى شەشىم شىعارادى.
الەكساندر تاسبولاتوۆ,
«ەگەمەن قازاقستان».
