ەكونوميكا • 16 ءساۋىر، 2019

ر.دالەنوۆ: ونەركاسىپ بويىنشا بىرقاتار وڭىرلەردە ءوسۋ بايقالادى

662 رەتكورسەتىلدى

بۇگىن ۇكىمەت وتىرىسىندا ۇلتتىق ەكونوميكا ءمينيسترى ر.دالەنوۆ وڭىرلەردەگى ونەركاسىپتىڭ دامۋ قارقىنى تۋرالى باياندادى.

«ونەركاسىپ بويىنشا جوعارى وسۋ شىعىس قازاقستان وبلىسىندا، نۇر-سۇلتان قالاسىندا، اتىراۋ جانە قوستاناي وبلىستارىندا بايقالادى. ال قىزىلوردا، قاراعاندى، باتىس قازاقستان جانە ماڭعىستاۋ وبلىستارىندا ءوسۋ قارقىنى باياۋ»، دەدى ول.

بۇدان سوڭ، مينيستر وڭىرلەردەگى قۇرىلىس سالاسىنىڭ وزگەرىستەرىن باياندادى.

«قۇرىلىس بويىنشا ارتتا قالعان وڭىرلەر سانى 8-دەن 4 -كە دەيىن قىسقاردى. نۇر-سۇلتان قالاسى، اقمولا وبلىسى، شىمكەنت قالاسى جانە ماڭعىستاۋ وبلىسى ارتتا قالىپ وتىر. وتكەن جىلعى قۇرىلىس جۇمىستارى مەن ءىرى وبەكتىلەردى رەكونسترۋكتسيالاۋ كولەمىن ەسەپتەمەگەندە، نۇر-سۇلتان قالاسىنداعى قۇرىلىس اعىمداعى جىلعى قاڭتار-ناۋرىزدا 1،9%-عا وستى»، دەدى ر.دالەنوۆ.

ونىڭ ايتۋىنشا، نەگىزگى كاپيتالعا ينۆەستيتسيالار بويىنشا سەرپىننىڭ ەداۋىر باسەڭدەۋى شىمكەنت جانە نۇر-سۇلتان قالالارىندا، سونداي-اق اقمولا وبلىسىندا بايقالادى.

«شىمكەنت قالاسىنداعى ينۆەستيتسيالاردىڭ ەلەۋلى قىسقارۋى نەگىزىنەن مۇناي وندەۋ زاۋىتىن جاڭارتۋدىڭ اياقتالۋىنا بايلانىستى. ينۆەستيتسيالاردى تارتۋ بويىنشا وزىق سەرپىندى قىزىلوردا وبلىسى 2،3 ەسەگە وسۋمەن كورسەتۋدە»، دەدى مينيستر.

بۇدان سوڭ، ول نۇر-سۇلتان جانە شىمكەنت قالالارىندا ازىق-ت ۇلىك تاۋارلارىنا باعانىڭ جوعارى وسۋى بايقالاتىنىن ايتتى.

«5 وڭىر بىردەن بىرنەشە كورسەتكىش بويىنشا جاقسى سەرپىن كورسەتتى. بۇل اتىراۋ، شىعىس قازاقستان، قوستاناي، قىزىلوردا جانە پاۆلودار وبلىستارى. مىسالى، اتىراۋ وبلىسىندا ونەركاسىپ بويىنشا ونىڭ ىشىندە وڭدەۋ جانە كەن ءوندىرۋ، تۇرعىن ۇيلەردى پايدالانۋعا بەرۋ، ينۆەستيتسيالار جانە قۇرىلىس  بويىنشا ەلەۋلى ءوسۋ بايقالادى»، دەدى ۇلتتىق ەكونوميكا ءمينيسترى.

ونىڭ ايتۋىنشا، بيىلعى جىلدىڭ ءبىرىنشى توقسانىنىڭ قورىتىندىلارى بويىنشا بىرقاتار كورسەتكىشتەردە جاقسارۋ بايقالادى.

«بىرىنشىدەن، ناقتىلانعان بيۋدجەتتى قارجىلاندىرۋ اشىلۋدا. بۇل تۇتىنۋشىلىق جانە ينۆەستيتسيالىق سۇرانىستى كۇشەيتەدى. ەكىنشىدەن، قۇرىلىس، ينۆەستيتسيالىق جۇمىستار، سونداي-اق اگرو ونەركاسىپ كەشەنى سالاسىنداعى جۇمىستار كەزەڭى اشىلۋدا. ۇشىنشىدەن، ەكىنشى توقساندا ءداستۇرلى تۇردە شاعىن جانە ورتا بيزنەس جاندانادى. سوندىقتان وسى كەزەڭدە ەكونوميكاعا جاڭا اقشانى جىلدام بەرۋدى ۇيىمداستىرۋ، مەملەكەتتىك باعدارلامالاردى قارجىلاندىرۋدى جەدەلدەتۋ ماڭىزدى»، دەدى ر.دالەنوۆ.

سوڭعى جاڭالىقتار

ۇقساس جاڭالىقتار